السلام عليكم ورحمة الله وبركاته
بداية اشكر عزيزتي الغالية (( عود معطر )) على سؤالها عني والله اتفديتج وايد اليوم يوم شفت الموضوع كلج خير وبركه الغاليه
طبعا غبت تقريبا 3 اسابيع عن المنتدى وانا كلي شوق لكم بس خلوني اخبركم وين كنت
طبعا اول اسبوع اتغير علي الجو ومرضت مرض اعوذ بالله منه حمى وكحه وزكام يعني هلكت في اسبوع ما طلعت مول من البيت وبعدين يتني سفره مفاجأه يعني كشته الى ام الدنيا مصر وياليتني ما سرت طلع الجو مب جوي يعني اللي يحب يلست القهاوي والسهر بتعيبه يعني مافيها طبيعة بالمره خاطري كنت امتع ناظري بشيره حلوه والا منظر حلو والا جو حلو واللي زاد ويعتي انه الجو كان في الامارات غاوي امطار وجو مغيم
على العموم بخليكم مع الصور اللي التقطتها في سفرتي اللي مدتها 10 ايام ورجعت بالاربعاء الفجر على مطار دبي والحمد لله
اتركم مع الصور
ملاحظه : بعض الصور مذييلة بتواريخ غلط والسبه الكاميرا شفرت يا الله شوفو واستانسو
هذا عصير برتقال فرش طبعا البارسل مالهم جيه في جيسه
وها الشوارما
هاي القرية الفرعونيه
اصبرو بكمل التقرير
مايصير هذا الكلام !! تعرفيني راعية واجب وماقصر في هالمناسبات
عن جد عن جد ،، كنتي ع بالي الفتره الماضيه
على العموم حبوبه ،، الحمد لله على السلامة ،، وماتشوفين شر ،، يارب
مصر حلوة حق الحواطه … لكن يا مكثر الشحاتين والمغازلجين اللي هناك … مصري ما يقولج يا جميل … يعني مب مصري
حمد الله عا السلامه ….
وخلي عنج … وين الصوغه … انا متزهبه بجلابيه او صورة العم خوخ عنخ آمون او اخناتون …….
تذكارات او شحاطات او شنط ماركه مغشوشه …
يا الله بسرعه ابا اكشخ بالصوغه …..
بخبرج منوه قالج انه مصر مافيها مناظر طبيعيه ؟؟؟
احتنج سرتي القاهره اكيد ما بتشوفين المناظر ..القاهرة (الاهرامات،المتاحف،القلعة،العوامات)..
الفيوم ( بحيرة قارون، السواقي).. الاسكندريه (المعموره والمناره)..اسوان..(السد العالي) .. العياط..اول الصعيد ..الملاحات
وان بغيتي مناظر خضرة وحشيش تراه منطقة بين الطويين والاقرن على شارع الامارات راس الخيمه يمدحونها
الحمد لله على سلامتج ^ـــ^
طلعت هذه مصر !!!!! ام الدنيا وأم الدنيا !!!! كأنها الهند !!!!
مشكورة ع الصور الحلوووة ^ـــــــــــ^