السلام عليكم والرحمة ,
يا شباب المنتدى حبيت آخذ رايكم و مشورتكم قال رسول الله صلى الله عليه وسلم ( ما خاب من استخار و لا ندم من استشار).
أبغي سيارة تكون مريحة في الخط و تكون صرفيتها حلوه و محتار بين الأفالون و الكابرس اس اس.
معنى مريحة أنه صوت المكينة ما يكون عالي و ماتسرب هوا وايد و تكون وسيعه.
واذا فيه سيارة في نفس أسعار هذي السيارتين و تكون أفضل ياليت ادلونا.
و مشكورين و بانتظار ردودكم.
الافالون سعره قوي جدا للمستعمل وهذا يدل على انه مرغوب جدا
ومن ناحية الفخامه افخم وألين من الكابرس بوايد
الكابرس قاسي وميزته الوحيده قوة المكينه
نصيحتي أفالون
والراي لك وربي يوفقك
أنا عندي أفالون 2008 بالصراحه السياره مريحه ومكينتها مرتاحه والي مريح المكينه ان القير فالسياره 6 غيار يعني ماتسمع حنتها عالخط
تمشي 180 الأر بي أم عال 3.1
بس مشكلتها تدخل هوا .. يعني اذا تمشي فوق ال 130-140 تسمع صوت الهوا وكل ما زدت زاد صوت الهوى
أما عن الرحابه والوسع السياره واسعه ومريحه
حسب علمي ان الكابريس سعرها 140 الف
وأنا مشتري الأفالون ب 123 ألأف
مممم نسيت أخبرك
الأفالون وارد الفطيم تكون بجناح وبدن حساسات وبدون بلوتوث
أما وارد البهوان (البريمي) تكون بدون جناح وفيها حساسات ورى وقدام وبلوتوث
والفطيم سعره أغلى من البهوان بألف درهم تقريباً
هذي كل المعلومات الي أقدر أوافيك بها وأنت لك حرية الأختيار ونصيحتي أنك تاخذ لفه عالوكالات وتشوف السيارات وتسجل الأسعار والمواصفات وتاخذ راي الشباب وبعدها تقرر والله يوفقك إن شاء الله
نصيحة اخو
اشتر أفالون ماعليها كلااااااااااااام
بالتوفيق ان شاءالله