السلام عليكم ورحمة الله وبركاته
اليوم حاب افتح موضوع عن الأكلات الشعبية بدولة الامارات ..
وها الموضوع للإفادة والتعلم
حاولو تعرضوون لناا الاكلات والمقادير والطريقة ويفضل الصور وياهن
…..
البثيث
اليكم الطريقة ,,,
المقادير :
1- نحتاج الى اى نوع من التمر وانا استخدمت تمر خلاص الصراحة لذيذ يوم تسوينها فيه …
2- نحتاج الى زنجبيل … وهيل … ومثيبه … وسنوت …. وسمن كيو بي بي … وطحين مهنهن على النار شوى …
الطريقة :
* – نحضر قدر كبير واسع علشان نقدر نخلط فيه على راحتنا ….
* – نحطى التمر اول وبعدين ننثر عليه زنجبيل و الهيل والمثيبه والسنوت والسمن وملعقة كبيرة مال الصالونه اللى موضحة بالصورة طحين ونغطى التمر كله … وبعدين نبدأ نفرك التمر شوى ونخلطه لين ما يختفى اللى حطيناه عليه …
* – وبعد ما نخلص .. نحطى عليه مرة ثانية نفس الشئ ( زنجبيل + هيل + مثيبة + سنوت + سمن + طحين ) ونخلط …………………… وهكذا نستمر لين ما نحس ان التمر تشبع بالطحين …
* – نشل الجدر ونحطيه على نار خفيفة و نخلط شوى شوى بس ندير بالنا عن لا يحترق من تحت على طول نجلب التمر …. باستمرار لين نحس ان لون بدأ يحمر يعنى يصير بنى مثل الكاكاو .. وانتى عاد وحسب رغبتج باللون …
* – وبجذى خلصنا ناخذ شوى ونحطيه بصحن ونشرب وراه قهوة …. تفضلوووووووووووووا ….
المقادير:
دجاجة وزنها حوالي 1400 جم
كوبين عيش بسمتي
ملح
رشة فلفل اسود
رشة هال
والحين الطريقه:
اغسلي العيش وانقعيه
قطعي الدجاج وشلي الجلد واغسلي القطع زين ورشيها بفلفل أسود وملح وخليها حوالي نص ساعه عشان تخوز عنها الريحه
اغسلي قطع الدجاج وفوريها في ماي وملح وهال على نار متوسطه….خلي القطع تستوي على الآخر
شلي العظم من الدجاج. ومب مهم تقطعين قطع صغيره عشان ضرب العيش بيفتتها
قايسي ماي الدجاج : 3 اكواب ماي لكل كوب عيش (الكوب اللي قايستي به العيش نفسه قيسي به ماي الدياي)
الحين عندج في الجدر 6 اكواب ماي سلق الدجاج.. خلي الماي يفور عقب ما تضيفين له قطع الدجاج
عقب ما يفوق زين، ضيفي العيش عقب ما تكونين تخلصتي من الماي اللي نقعتيه فيه…
خلي العيش يفور على نار عاليه نسبيا لين ينقص مستوى الماي مثل هاي الصوره (يعني الماي يوصل مستوى العيش) ولا تنسين تغطين الجدر
وطي النار على الآاااااااااااااااااااااخر والأحسن تحطين تحت الجدر العازل او أي حديده مناسبه عشان تخفف الحراره.. طبعا لا تنسين تغطين الجدر..
الحين الماي بينـشف مثل الصوره…..
غطي الجدر بألمنيوم وسوي فتحه بالسكين وخليه حوالي نص ساعه (حسب كمية العيش)
حركي بالملعقة العيش عشان ينخلط ويا العيش اللين وانتبهي لا تخلطينه ويا كل العيش. بس الطبقه اللي فوق.(السبب ان حبات العيش اللي فوق تكون يابسه شويه) مثل الصوره
عقب ما يكون الماي نشف نهائيا والبخار ساعد ان العيش يستوي لين، طفي النار وألحين بتبتدين المرحله المتعبه شويييييه…
هاتي مضرب الهريس … واضربي العيش عدل وكل ما يلصق المضرب في العيش، غطيه في زيت زيتون أو زبده عشان يسهل عليج الضرب مره ثانيه. واضربي العيش لين ما يختفي قوام قطع الدجاج وتستوي مثل الخيوط وتحسين العيش استوى لــــــيــــــن. شوفي الصور وبتلاحظين كيف العيش انهرس
هنيه شوفي كيف اختفت قطع الدجاج وتفتت وانخلطت مع العيش اللي تغير لونه
قدمي العرسيه في صحن مناسب عقب ما تعدلين شكلها بظهر الملعقة اللي تغطينها في السمن او الزبده ولااااااااااااااااا تنسين ترشي شويه سمن على الويه وقدمي العرسيه وهي حااااااااااااااااااره…وبالعااااااااااااااااااااا فيه
أأأوب .. أأأوب ..
نسيناهاا ^___________^
يا سلااااااااام وخاااااااااص بالعراايييين
^_^
مقادير المرقوقة :-
1 – خبز عربي شامي (الخبز اللبناني)
2- كوبين عصير طماطم
3 – بصلتين مفرومات
4 – ثوم مع فلفل حار (مدقوق)
5- دجاج مقطع لــ 4 قطع متساوية
6 – ملح + فلفل أسود واحمر + بزار (البهار العربي) + كركم
7 – ليمون أسود مجفف
8 – فلفل رومي + بطاطس + كوسة (النقطيع مكعبات)
9 – مكعبين ماجي دجاج
10 – كزبرة مفرومة وبقدونس وحبتين نعنع
العمل والتحضير :-
*يحمر البصل في قليل من الزيت دوار الشمس حتى الإحمرار ويوضع عليه الثوم بالفلفل المدقوق
*توضع قطع الدجاج وتقلب مع البصل والثوم حتى تحمر شوي بس
*يضاف عصير الطماطم حتى يغلظ شوي مع مكعبات الماجي
*توضع مكعبات الفلفل الرومي والبطاطس والكوسة والليمون الأسود
*يوضع الملح ويضبط والفلفل الاسود والاحمر وباقي البهارات
*وعند قرب نضج الدجاج نضع الكزبرة والبقدونس والنعنع
*ثم نضيف كوبين ماء مغلي الى القدر ونفوره شوي
*في صحن التقديم نقطع الخبز اللبناني الشامي الى قطع صغيرة ونسقيها بالمرقة حتى يتشرب الخبز المرق ثم نضع الدجاج على الخبز المسقى والخضروات المطهوة ويقدم ساخن.
العفــو يا خــوي
كم تسوى ان نحن نعرف غيرنا بأي شي يخص الامــارات سواء كانت أكلات أو غــيرهــا؟!!
و أشــكرك الصــراحه على هالمــوضــوع
ما شاء الله موضوع مفيد ومرتب بارك الله فيك