السلام عليكم ورحمة الله وبركاته
اليوم حاب افتح موضوع عن الأكلات الشعبية بدولة الامارات ..
وها الموضوع للإفادة والتعلم
حاولو تعرضوون لناا الاكلات والمقادير والطريقة ويفضل الصور وياهن
…..
البثيث
اليكم الطريقة ,,,
المقادير :
1- نحتاج الى اى نوع من التمر وانا استخدمت تمر خلاص الصراحة لذيذ يوم تسوينها فيه …
2- نحتاج الى زنجبيل … وهيل … ومثيبه … وسنوت …. وسمن كيو بي بي … وطحين مهنهن على النار شوى …
الطريقة :
* – نحضر قدر كبير واسع علشان نقدر نخلط فيه على راحتنا ….
* – نحطى التمر اول وبعدين ننثر عليه زنجبيل و الهيل والمثيبه والسنوت والسمن وملعقة كبيرة مال الصالونه اللى موضحة بالصورة طحين ونغطى التمر كله … وبعدين نبدأ نفرك التمر شوى ونخلطه لين ما يختفى اللى حطيناه عليه …
* – وبعد ما نخلص .. نحطى عليه مرة ثانية نفس الشئ ( زنجبيل + هيل + مثيبة + سنوت + سمن + طحين ) ونخلط …………………… وهكذا نستمر لين ما نحس ان التمر تشبع بالطحين …
* – نشل الجدر ونحطيه على نار خفيفة و نخلط شوى شوى بس ندير بالنا عن لا يحترق من تحت على طول نجلب التمر …. باستمرار لين نحس ان لون بدأ يحمر يعنى يصير بنى مثل الكاكاو .. وانتى عاد وحسب رغبتج باللون …
* – وبجذى خلصنا ناخذ شوى ونحطيه بصحن ونشرب وراه قهوة …. تفضلوووووووووووووا ….
لعمل العجينة نحتاج
1 جيلة طحين رقم 1 ( 500 جرام طحين معجنات )
4 ملاعق ط حليب بودرة
1 فنجان زيت
1 فنجان سكر
1 م ك خميرة فورية
1 ملعقة ص ملح
1 م ك بيكنج باودر
ماء دافئ للعجن
للوجه نحتاج
بيضة مخفوقة
سمسم
زعتر
الطريقة يا حلوات
تعجن العجينة بخلط كل المقادير ( عدا مقادير الوجه ) حتى تتشكل لك عجينة طرية
وانتبهي أن تستمري بالعجن لمدة لا تقل عن عشرة دقائق
وكلما زادت مدة العجن كلمات زادت طراوة العجينة
الآن غطي العجينة في مكان دافيء لمدة ساعة
وفي ذلك الوقت حضري الأدوات اللازمة لاعداد خبز الخمير
ستحتاجين إلى ماكينة الخمير الخاصة
وهي متوفرة في كل مكان بالإمارات وأظنها كذلك بباقي الدول
سخني الماكينة ( تعمل بالكهرباء )
وشكلي العجينة إلى كور صغيرة
خذي كرة صغيرة من العجين وافرديها على سطح مرشوش بدقيق
ومن ثم ضعي العجينة بعد الفرد فوق الماكينة ( على الوجه بالأعلى )
وبالفرشاة امسحي الوجه بالبيض ومن ثم رشي السمسم أو الزعتر
( نحن نسوي نص المقدار بالسمسم والنص الثاني بالزعتر )
وفوراً وبعد الرش انقليها إلى داخل الماكينة واغلقي الماكينة عليها لمدة نصف دقيقة تقريباً
حتى تنتفخ من الداخل ويحمر الوجه
لاحظي هنا لا تزال غير مستوية رغم انتفاخها
وهنا احمرت ( تراها احمرت زيادة عن اللزوم خخخخخخخخخخخ )
الآن اخرجيها وهذه النتيجة النهائية >>>
هنا بالسمسم
وهنا بالزعتر ( لاحظوا الخبزة اللي فوق بعدها منفوخة خخخخخخ )
وهنا مكس
منــقووووول
يلا بغينا منكم محلا زايد
خبيصة بالسميد
المقادير :
علبة سميد ( اللي لونها أحمر )
3/4 العلبة ماء ( نفس علبة السميد )
4 فنجان سكر
هيل وزعفران
5 ملاعق سمن
الطريقة :
حمري السكر على النار حتى يذوب وبعدين حطي فوقه الماء والزعفران والهيل والسمن
وحركي زين
وبعدها ضيفي السميد وحركي جيداً حتى النضج
وبعدها صبي شوية سمن إضافة وخلاص
وقدميها
بصراحة طعمها واااااايد حلو
وبعدها صبي لج فنجان قهوة وصحصحي عددددددل
منــقــووووول
انزين شاركوونا .. بالأكلااات شوي …
يعطيك الف عافيه