السلام عليكم ورحمة الله وبركاته
اليوم حاب افتح موضوع عن الأكلات الشعبية بدولة الامارات ..
وها الموضوع للإفادة والتعلم
حاولو تعرضوون لناا الاكلات والمقادير والطريقة ويفضل الصور وياهن
…..
البثيث
اليكم الطريقة ,,,
المقادير :
1- نحتاج الى اى نوع من التمر وانا استخدمت تمر خلاص الصراحة لذيذ يوم تسوينها فيه …
2- نحتاج الى زنجبيل … وهيل … ومثيبه … وسنوت …. وسمن كيو بي بي … وطحين مهنهن على النار شوى …
الطريقة :
* – نحضر قدر كبير واسع علشان نقدر نخلط فيه على راحتنا ….
* – نحطى التمر اول وبعدين ننثر عليه زنجبيل و الهيل والمثيبه والسنوت والسمن وملعقة كبيرة مال الصالونه اللى موضحة بالصورة طحين ونغطى التمر كله … وبعدين نبدأ نفرك التمر شوى ونخلطه لين ما يختفى اللى حطيناه عليه …
* – وبعد ما نخلص .. نحطى عليه مرة ثانية نفس الشئ ( زنجبيل + هيل + مثيبة + سنوت + سمن + طحين ) ونخلط …………………… وهكذا نستمر لين ما نحس ان التمر تشبع بالطحين …
* – نشل الجدر ونحطيه على نار خفيفة و نخلط شوى شوى بس ندير بالنا عن لا يحترق من تحت على طول نجلب التمر …. باستمرار لين نحس ان لون بدأ يحمر يعنى يصير بنى مثل الكاكاو .. وانتى عاد وحسب رغبتج باللون …
* – وبجذى خلصنا ناخذ شوى ونحطيه بصحن ونشرب وراه قهوة …. تفضلوووووووووووووا ….
هيه والله احلى شي البلاليط واحلى بعد يوم يكون شوي لونه بني يقلونه شوي
عادي اخوية ينحط فيه ملح وفلفل او ملح فقط وبعضهم بس بيض من دون شي
بالعافية عليكم
^^
الصراحة اني توني متغدي بس بعدني على استعداد لخوض تجربة اكل شي من هالاشياء الحلوة
واااااو
يوعتوني وانا صايمه
تعذيب هالموضوع
السلام عليكم
بعد جولة سريعة فالموضوع
استقرت عيني على البلاليط
الصراحة
بس شي واحد
البيض حق البلاليط ما احيدهم يحطون له ملح وفلفل
ولا ها بس عندنا في البيت؟
لا عاد ياا لغر الحشيم
انتي خليج وياي شياج علي
اباه يفكني من صدعة المطابخ واليوله هاي كلها
خليه دولار يستلم يمكن مستقبلا يفتح مطبخ شعبي من يدري
شوه قلت يا ولد موافق و لالا