السلام عليكم ورحمة الله وبركاته
اليوم حاب افتح موضوع عن الأكلات الشعبية بدولة الامارات ..
وها الموضوع للإفادة والتعلم
حاولو تعرضوون لناا الاكلات والمقادير والطريقة ويفضل الصور وياهن
…..
البثيث
اليكم الطريقة ,,,
المقادير :
1- نحتاج الى اى نوع من التمر وانا استخدمت تمر خلاص الصراحة لذيذ يوم تسوينها فيه …
2- نحتاج الى زنجبيل … وهيل … ومثيبه … وسنوت …. وسمن كيو بي بي … وطحين مهنهن على النار شوى …
الطريقة :
* – نحضر قدر كبير واسع علشان نقدر نخلط فيه على راحتنا ….
* – نحطى التمر اول وبعدين ننثر عليه زنجبيل و الهيل والمثيبه والسنوت والسمن وملعقة كبيرة مال الصالونه اللى موضحة بالصورة طحين ونغطى التمر كله … وبعدين نبدأ نفرك التمر شوى ونخلطه لين ما يختفى اللى حطيناه عليه …
* – وبعد ما نخلص .. نحطى عليه مرة ثانية نفس الشئ ( زنجبيل + هيل + مثيبة + سنوت + سمن + طحين ) ونخلط …………………… وهكذا نستمر لين ما نحس ان التمر تشبع بالطحين …
* – نشل الجدر ونحطيه على نار خفيفة و نخلط شوى شوى بس ندير بالنا عن لا يحترق من تحت على طول نجلب التمر …. باستمرار لين نحس ان لون بدأ يحمر يعنى يصير بنى مثل الكاكاو .. وانتى عاد وحسب رغبتج باللون …
* – وبجذى خلصنا ناخذ شوى ونحطيه بصحن ونشرب وراه قهوة …. تفضلوووووووووووووا ….
المقادير:
1- دجاجه كامله –
2- كوبان أرز –
3- بهارات منوعه –
4- 3 حبات طماطم متوسطه الحجم –
5- فلفلل حار + فلفل بارد (حسب الرغبه) –
6- 5أكواب ماء –
7-ماجي = زبدة ((حسب الرغبه)) .
الطريقة:
تقطع الدجاجه وتغسل وتوضع على النار حتى تغلي (وضع البهارات الكامله)
ثم وضع الأرز والماجي والزبده وباقي المقادير وتركها تغلي و كل ربع
ساعه يتم تحريكها حتى يتقطع الدجاح
ثم تقدم ويدهن سطحها بسمن البلاد..
المقادير والطريقه:
1كوب دقيق & واحد ونصف ملعقه كبيره حليب باودر
ملعقه كبيره كاسترد او نشأ(انا وضعت نشأ)لكن الكسترد يعطيها لون رائع
1 ملعقه صغيره سكر & اقل من الملعقه الكبيره بشوي
(خميره فورية)& ذرة ملح& 1 كاس ماء دافئ
*******
اخلطيها مع بعض واعجنيها (اعجني اعجني واعجني )
لمدة 5-10 دقائق ثم دعيها تتخمر لمده 1ونص
******
تلقمينها في زيت غزير وحار
وعلى نار هادئه مع التقليب المستمر
***
هذي صور بعد التلقيم
وبعدين طلعيها من الزيت
وبعدين رشي عليها شيره اللي تستعملونه دائما بشرط تكون خفيفه وبارده
تسلم اخوي ع الموضوع
هي من الحلويات الشعبيـه
الخليجيه و التي تؤكل خاصه في الشهر الفضيل
الساقو sago عبارة عن حبيبات بيضاء
تستخرج من شجرة الساقو في دول شرق آسيا
وهذه صورته
2كاس سكر.. نلاحظ راح يكون كاسين منفصلين عن بعض
يعني واحد نستخدمه اول والثاني بعدين مثل الصور تحت
2كاس ساقو حب مومطحون
كاسين ونص ماء مغلي << مغلي ديرو بالكم
ملعقتين ونص هيل
وحد زبده
3 ملاعق زعفران ادا كان نوعيه عدل ادا تبي يصير
احمر وادا تبي يصير اصفر ملعقه ونص زعفران مدوبه في نص كوب ماء ورد
مكسرات مطحونه
او جوز هند براحتكم
الطريقه :
نخد قدر ونظيف فيه السكر
وندور فيه مني لين يدوب السكر ويصير مثل الكرمل
بني الون
رح يكون جدي اول ما يبدى يدوب وتضل تحرك فيه لين يصير لونه بني مو غامق محروق حتى ما يصير مر
بعدين هني تديرو بالكم وتعلنو حالة الاستنفار في المطبخ ههههههه
في دي الخطوه نخد كاسين ونص ماء مغلي ونظيفه على السكر المحروق
ديرو بالكم من جد هني رح يطلع بخار وايد وايد ويطشر
فبتعدو عنه
هني طبعان رح نخد الساقو بعد ما غسلناه ونقعناه زين وصار لين
ربع ساعه تكفي لو اقل منها
نصفيه عن الماء زين بمنخل
ونظيفه عليه
ونحركه شوي
بعدين نظيف الكوب الثاني الي بقى
على الساقو بس نلحظ ادا تبونه حالي اي سكر زياده نظيف الكاس كله وادا وسط نقلل السكر فيه
حسب الرغبه الي تبونها
هني يفضل انو نسخن الزبده لمن تصير دهن معروفه دي
بس ليش مستعيلين حطينا زبده كامله من غير تسخين
نفس الشي بس لمن نسخنها تعطي رائحه وطعم حلو
ونظيف بعدها الهيل المطحون
ونحرك زين لمن تختفي الزبده
والهيل مع بعض
بعدها نظيف الزعفران ومثل ما قلنا اصفر نقلل والاحمر نزيده
ونحرك مني لين يتلون تماما
يفضل انو نغطي الصفريه بالمنيوم <قصدير ونتركها 10 دقايق على نار هادئه
طبعا ما ننسى نحركه
ونتاكد من انو الحبات اختفت او شبه مختفيه على حسب الرغبه
ناس يفضلون فيه حبات شوي
بجدي خلص عندنا ما يسما بساقو
ونبدي نحطه بالصحون او اي شي تبون
نحط على الويه اي شي تبونه بختياركم ورغبتكم
بالف عافيه يارب عليكم
.. الله يساامحك بس ^_^
شكله لذيييييييييييييييييذ ^_^