الاحباط ورانا ورانا

15 thoughts on “الاحباط ورانا ورانا”

1. انا اسف اختي لاني عممت كنب بكتب بعض السكرتيرات لكن كنت متحمس

   بالحل اخوي بس ترى صدق وايدين يتحرون السكرتيرات همهم لبس ووينسون انه اصابع الايد مب كلهم وحده

2. ما يخصه اخوي

   انا سكرتيرة مدير عام وراتبي راتب قليل ومب كل السكرتيرات مكياج وكلام حلو

   بس المشكلة في بلادنا انه المواطن مب ماخذ حقه

   بخبرك عن شي صار في الدوام عندي تقريبا سنة 2004 كنت اشتغل في عيادة من العيادات ويتني ترقية ودرجتي زادت ولازم اكون في مكان يكون افضل من المكان الي فيه المهم نقلوني الى مكان واستويت سكرتيرة المدير العام هناك وانا ما ادري اني بكون سكرتيرة قلت شهادتي برمجة كمبيوتر اكيد شغلتي بتكون في قسم الايتي

   المهم سرت قابلت المدير قالي ها مكتبج اقوله انا بس يايه اشتغل في الكمبيوتر قال لا انتي بتكونيين سكرتيرتي كانت سكرتيرة القبلية من الدول العربية تعرفون وحده يديدة ما تعرف شي يعني اكيد تبغي تتعلم علشان تعرف طبيعة العمل الي بتستلمه فقلتلها عطيني اساعدج بشي كانت ترفض وكل ما اقولها كيف تسوين جذيه تقول طريقة صعبه ما بتعرفينها انا قلت شكلها ما تباني هنيه فسكت عنها وكنت اسوي اي شي واخاف اسالها صح او لا علشان مره سالتها قالت مب جذيه انتي يبالج سنيين لين ما تعرفين الشغل قلتلها لا انا احب اتعلم انتي قوليلي الاساسيات وان شاءالله بفيدج

   مره دشت عليه في يوم من الايام وهيه معصبه قالت هيه اكيد ما يباني يباج تراج مواطنه مثله بس انا بسير بس برد ايي ومعاي الجنسية الاماراتية انا طبعي اني ما احب ارد على حد خاصه لو كان معصب فتميت ساكته لين ما خلصت كلامها ومن خلصت المدير دش وزقرني قالي تعالي مكتبي وسكري الباب انا قلت عسى ما شر يمكن لاني ما سويت شغلي عدل قالي امسحيها في ويهي ادري انج يديدة وهيه طيبه وغيره قلت له لا عادي اصلا انا مقدره موقفها لانها هيه تشتغل من متى وياك وايي شخص ويشل شغله هاي تكون شويه صعبه قلتله لا تخاف انا انسانه اقدر الناس وشو يحسون ويفكرون

   وبعدها تميت اتعلم بنفسي والحمد الله نجحت وتطورت نفسي بنفسي

   ها مثال على شي صار فيني علشان تعرف انهم يخافون يوم ايي مواطن مكانه خاصه على النظام الي الحين يلزم في بالتطوين في اغلب الدوائر الحكومية

   وبخصوص البدلات ترى نحنا في وزارة الصحه مثلا

   المواطن له راتب ويشلون منه للتقاعد يعني انا راتبي كامل ويا راتب التقاعد بيكون حوالي 16 او 17

   المقيم شو له
   راتبه 30 الف من غير البدالات الي تحت

   بدل سكن
   بدل عدوى
   بدل تذاكر له ولزوجته ولعيالهم
   اقساط مدراس عيالهم الي اقل من 15 سنة

   وبدلات ثانية يعني يمكن يوصل راتبه فوق الخمسين

   ويوم ينزلون زيادة لنا بتحصل المقميين يتحرطمون هيه زادوهم ونحنا لا

   يعني هنيه شو راح نسوي يقولون نحنا وايد نطلب ونبغي وظايف قياديه نحنا ما نطلب بها الشي نطلب بالمساوه بينا كلنا ترى هو تعلم ونحنا نتعلم شو يقدم ونحنا نقدم هو يتعب ونحنا نتعب

   يعني شو الفرق بينا وبينهم

   وصدقني في بلادهم هم يحصلون حقهم وزود ونحنا في بلادنا ما نحصل على ابسط شي الا وهي المساواه

   سامحني اخوي بس انت فتحت باب كنت اتجنب ارمس فيه بس تعرف شو الي مخلني متفائله انه مدير مواطن وقال بالحرف الواحد اتمنى كل موظفييني يكون من عيال البلاد وهو يسعى لها الشي والحمد الله قبول هاي الفكره من الي الناس الي فوقه وان شاء الله تنش بلادنا وتحاول انها تساوي الناس كلهم ترى رسولنا قال لا فرق بين عربي و اعجمي الا بالتقوى

   والسموحه منك اخوي ومن باقي الاعضاء على التطويل

   انا اسف اختي لاني عممت كنب بكتب بعض السكرتيرات لكن كنت متحمس

3. اكره ماعندي في الشغل الواسطه

   انا مسؤول فرع واكره شي ايوني

   ناس يسوون فتن واللي ينم واللي يسب

   فلان من ورا ظهره والسبب الترقيه

   على حساب اللي يشتغل الله يعينك

   ياخوي وانا والله حاس فيك وبشرنا بالخير

   ان شاء الله ….

   الحمدلله موضوعي ما فيها واسطة لكن غباء من شؤون الموظفين مع اصرار وترصد…

   مشكور على مداخلتك ومرورك الطيب.

4. اكره ماعندي في الشغل الواسطه

   انا مسؤول فرع واكره شي ايوني

   ناس يسوون فتن واللي ينم واللي يسب

   فلان من ورا ظهره والسبب الترقيه

   على حساب اللي يشتغل الله يعينك

   ياخوي وانا والله حاس فيك وبشرنا بالخير

   ان شاء الله ….

5. السلام عليكم
   اخوي مع احترامي لجميع الاراء بعطيك راي الشخصي

   ما اعتقد ان من مصلحتك تلمح للموضوع وتذكر حالة السكرتيرة

   المفروض هذي تكون مهمة الموارد البشرية انها تدقق في مثل هذي الامور

   انا في راي انك تكلم حد من الموارد البشرية عندكم عشان يعيدوا النظر في وضعك وخلي موضوع السكرتيرة جانبي لان مب من مصلحتك تشهر فيها وممكن يؤثر على سمعتك في الشركة

   انت فكر في الموضوع الشخص اللي خبرك هذا الكلام المفروض هو نفسه يرفع الامر للمسؤولين عشان تتسجل في سجلهم وتقتدر عقب تستعملها كمثال لمطالبة زيادة
   
   تأكد ان مافي حد يستعملك لانك مواطن لتحقيق مصالح شخصية

   تحياتي

   أسمحلي عزيز لا من يشوفون الغتره والعقال قال هذا بنك متحرك

Comments are closed.