السلام عليكم ورحمة الله وبركاته
اخواتي
كنت حابة اتكلم عن موضوع الاذان الموحد ، بصراحة من يوم سار الاذان موحد سرنا ما نعرف انو عشاء اذن الا بالساعة مثل اوروبا ،،، يعني صوت المكروفون واطي جدا جدا ، بعدين صلاه العصر لو تلاحضون في مؤذن ما نفهم شو يقول لا لما يسكت نقول خلاص الاذان خلص
بعدين زمان لما كل المساجد تاذن تحس انك بالجو اسلامي وبعدين كلنا ندعي ونسكت ونوطي التلفاز
يعني كان الاحساس غير ،،،،، بس الحين كلها على بعض دقيقتين
انت شو ملاحضاتكم على هذا الموضوع بصراحة صارلي فترة اتصل بالاوقاف وما حد يرد علي 
إسمحلي المبررات اللي قلتها مب مقنعه
لغته غير عربية منو بيصلي بالمصلين ؟ عن يكون سوا صلاة موحده بعد؟
صوته حلو؟ ياريال إنتوا وايد تاثرتوا بالفضائيات وبرامج منو صوته أحلى (…..)
ضيعنا الأخلاق حتى فوايد وأجر الآذان إحتكرنها لشخص واحد يبون يدخلون التطور للعبادة
بس مب جذه عاد العبادة يجب أن تمارس من قبل كل الأشخاص مانحتكرها لشخص واحد والله
يارنا يسير المسيد قبل المطوع بس عشان يحصل أجر الآذان
انا اشوف الاذان القديم
وااااااااااااااااااااااااااااااااااااااااااااااااا يد
احسن
ياخي اتحس بجو ايماني حلو وتسمع الصلاة روح الرياض ياخي عجيب اذانات وذكر الله يتردد في كل مكان
حتى اللي مايصلي يوم يسمع الاذان يتكرر والله ينادية يستحي ويسير يصلي
اما اذان ابو دش
اذان واحد وطاف
ادخل المسجد قبل الاذان وشوف يوم يركب السماعة ويأذن قلبك يعورك
غير يوم اتشوف المؤذن يدعي ربه قبل ويأذن
وتسمع الاذانات من صوب
انا ضد الاذان الموحد اللاسلكي
هذي سنه بأن يقوم مسلم بالاذان في الوقت
اخاف بعد كم من سنه تصير الصلاه موحده ونصف ورى مسجل و يقرى القران من غير امام
ضد و بشده
اول احسن
ودووم الجدييم افضل
يكفي انك يوم تخلص تسمع اذان
تقول اللهم رب هذة الدعوه التامه
الحين تقولها مره وحده
والله انا اشوف الأذان الموحــد أحسن …. خصوصا يوم يكون عندنا ناس لغته الأولى غير عربيه .. الأذان الحين في وقت واحد مب مثل الأول ” يعني في وقتها” … وغير جيه الصوت ما شاء الله جميل .. مادري ما احس فيه سلبيات غير يوم الولد اللي في بوظبي يوم خرب مادري سرق الساتلايات مال الأذان الموحد…