السلام عليكم ورحمة الله وبركاته
اخواتي
كنت حابة اتكلم عن موضوع الاذان الموحد ، بصراحة من يوم سار الاذان موحد سرنا ما نعرف انو عشاء اذن الا بالساعة مثل اوروبا ،،، يعني صوت المكروفون واطي جدا جدا ، بعدين صلاه العصر لو تلاحضون في مؤذن ما نفهم شو يقول لا لما يسكت نقول خلاص الاذان خلص
بعدين زمان لما كل المساجد تاذن تحس انك بالجو اسلامي وبعدين كلنا ندعي ونسكت ونوطي التلفاز
يعني كان الاحساس غير ،،،،، بس الحين كلها على بعض دقيقتين
انت شو ملاحضاتكم على هذا الموضوع بصراحة صارلي فترة اتصل بالاوقاف وما حد يرد علي 
اللهجة تختلف بس كلنا نتكلم بالعربي ، بعدين 70 % من سكان ابوظبي من الجالية اسيوية.
الجاليات الغير العربية تأذن شو يعني ! مش مسلمين بعدين يتكلموا بالعربي وان كانت اللهجة غير
طووف يا بو هزاااع…وانا معاك بصرااحه…واضيف ..في مساجد ما فيها مؤذنين..أو المؤذن تاخر لسبب ما..مريض او ظروف..مثلا..وبعدين شو المؤذن يسوي غير الاذاان وظيفته بس يأذن ياخي تحسه هو متضاايق وملاان….ف الايجابيات والسلبيات موجوده..وان شاء الله تتساوا الكفه وما حد يطلع زعلاان
أخي الكريم … أنا أقصد أخواننا المسلمين من الجاليات الغير عربيه الحين ان شاء الله وضحت اكثر .. وبالعكس يوم اقول صوته حلو ولا لا انا مب متأثر بالفضائيات ولا اسمع أغاني لعلمك الخاص .. وزارة الأوقاف كانت تيب مؤذنين من جاليات أسيويه عشان الرخص وهذا قصدي … وعاد انته خذتني بشراع وميداف وفهمت كل شي سلبي ودورت زله عشان ترد بالرد هذا …
صراحة كلامكم جميل ، بس ما اعرف لو كلمت الاوقاف يعني شو يقدروا يعملوا ، الاذان في دبي غير الصوت في كل مكان وميكروفون عالي جدا ،،،،، اوكي خلوا الاذان موحد بس الصوت لازم يكون عالي جدا بعيدين زمان خلال خطبة الجمعة المحلات كانت تسكر بس الحين اشوف بعض المحلات مفتوحة( عيني عينك) يعني اتصل اشتكي لمين الشرطة ولا مييييييييييييييييين