السلام عليكم ورحمة الله وبركاته

سبق وطرحت نفس الموضوع بس كان عن اللكزس LX 570 والحمدلله الموضوع لقى اقبال كبير والكل استفاد منه وفي هذا الموضوع نبا نتكلم عن الاستيشن اليديده VX-R شو (ايجابيات وسلبيات) هالسيارة من حيث الشكل والسعر والسيرفس والمشاكل الي تصادف مستخدميها ومن حيث الثبات والهدوء على الطريق و التقنيات لي فيها و هل قاصرنها شي المصنع نسى يضيفه فيها
ومن الوكيل الافضل وشو استخدامها فالبر يعني نفس الجديمه ولا احسن
وفي نقطه ابا اعرف عنها

شو الفرق بين GX-R V8 و VX-R مخمل
طبعا غير الشاشة

وشو لي تغير بين موديل 2008 و 2009

يعني باختصار نبا تقييم شااامل عنها

الي يحب يشارك يتفضل يقول رايه عشان الكل يستفيد من هذا الموضوع

27 thoughts on “الاستيشن اليديده Vx-r *ايجابياتها وسلبياتها*”

  1. السلام عليكم

    حبيت اشاركم ياخوان بخصوص الاستيشن اليديد انا مطلع وحده بداية ارمضان vxr 2009رقم 2 وسعرها 242000يعني القماش الصراحة السيارة مريحة وممتازة بالرمل انا الصراحة اقارنهي بالنيسان2005 الصراحة السياره اقوي واهدي وخصوصأ بالبر وصرفية البترول وايد احسن
    عيب السيارة الوحيد لين احين البريك ضعيف وفيه فضاوة وقوة المحرك مب هاك الزود
    وعندي معلومة انا دايما اشوف الاخوان عندهم مشكلة بالحجز مع انه السيارة متوفره عند النعيمي للسيارات ومدة الأنتظار مب اكثر من اسبوع.

    مشكور ع الإضافة,
    ممكن توضح وين النعيمي للسيارات؟
    هل هو معرض ام وكالة ؟
    هل مواصفات بهوان أم الفطيم؟
    غثيتك بالأسئلة ولكن أعرفك ما بتقصر

  2. السلام عليكم

    حبيت اشاركم ياخوان بخصوص الاستيشن اليديد انا مطلع وحده بداية ارمضان vxr 2009رقم 2 وسعرها 242000يعني القماش الصراحة السيارة مريحة وممتازة بالرمل انا الصراحة اقارنهي بالنيسان2005 الصراحة السياره اقوي واهدي وخصوصأ بالبر وصرفية البترول وايد احسن
    عيب السيارة الوحيد لين احين البريك ضعيف وفيه فضاوة وقوة المحرك مب هاك الزود
    وعندي معلومة انا دايما اشوف الاخوان عندهم مشكلة بالحجز مع انه السيارة متوفره عند النعيمي للسيارات ومدة الأنتظار مب اكثر من اسبوع.

  5. الاستيشن اليديده الفطيم والبهوان ما فيهن هيدروليك للمعلومه بعض الاخوه يفكر الفص او الفرار اللي جنب القير حق الهيدروليك لا يا اخوان انا عندي vxr v8 وهذا نظام عاملينها لتغريزه يوم اتغرز السياره اتشغل هذا النظام والنظام يقوم بعمل ارتجاج في دوران التاير اي بمعنى ايدور التاير مع الارتجاج وبعدي فيه ثلاث سرعات يعني تقدر اتخليه بطيء او وسط او سريع وميزت هذا النظام انك بعد ما اتشغل النظام بس ادوس على الريس اشوي وبعدين اتشل ريلك من الريس وهيه تمشي لحالها يعني ما عليك الا اتلف الاستيرنج يمين ويسار وفي حالت انك فتحت الباب ايوقف النظام اتوماتيك يعني سيفتي بس اللي ما يبقي ايعور راسه يفتح الدريشه حق السياره ويحول من السياره وهيه لحالها بتطلع ههههههه شب الضو وسو شاهيك يوم بتطلع افتح الباب وبيوقف النظام طبعن هذا النظام لتغريزه واللي فيها هذا النظام ما فيها دفلوك لانها يعتبر هوه دفلوك بس نظامه غير وعلى فكره يوم اتشغل النظام تراها يعمل ارتجاج لسياره فلا اتفكرون انها في شي غلط في السياره لانه هذا هوه النظام

    مشكور ياخوي عالتوضيح وجزاك الله خير

    والله الاستيشن اليديده مافيها حيلة دام هذي مواصفاتها

Comments are closed.