السلام عليكم و رحمه الله و بركاته ..

يا جماعه فشلتونا حطينالكم الاعلان عن وظايف شاغره و طرشتو الطلبات و غالبيتكم ما سارو المقابله وحتى ما تعبتو عماركم تتصلون تعتذرون .. انزين يوم انكم ما تبون تيون المقابله ليش تطرشون الطلبات.؟؟؟؟

ع العموم للجادين فقط .. هالمره بليييييز ..

ورجاءا اخواننا العرب والخليجين .. و البدون .. و الهنود .. منعا للاحرااااج هالوظايف و تقديم السيفي بس لمواطنين الدوله .. او حاااملي الجواز و المرسوم.

تعلن مجموعة شركات الرستماني عن وجود الوظائف الشاغرة التالية:


موظف استقبال receptionist

– منسق تسويق marketing coordinator


– ضابط امن وسلامهsafety and security officer


– موظف بداله telephone operator


– مندوب علاقات عامه PRO


– موظف خدمة العملاءcustomer service representative


-اداري تسويق Marketing executive

-استشاري خدمات service advisor


كما نرحب باية طلبات في اية مجالات اخرى

دخيييلكم بس للجادين ..

الي بيحضرون المقابلات و يردون ع التلفون و تلفوناتهم مب مغلقه ولا مقطوعه ولا خارج نطاق الخدمه .. و الي عندهم نيه يتصلون لو ما بيحظرون المقابله يقدمون الطلب و الي يبا يتسلى يستريح

انتظر الطلبات ع هالايميل

ramayil@alrostamanigroup.ae

18 thoughts on “الاعلان عن وظايف شاغره في مجموعه شركات الرستماني .. ^^”

  1. لما قريت الي انته كاتبنه

    رحت عند مدير التوطين الي بالمناسبه هو موااطن بن مواطن بن مواطن …….. بن مواطن اساله عن موضوعك والاشاعه الي انته حاب اتروجها .. و راويته الي انته كاتبنه جان يضحك .. و قاللي طالعي يمينج و شمالج فما فهمت .. لاني شفت على يمييني زميلتي المواطنه فلانه و المواطنه فلانه .. وعن شمالي زميلاتي المواطنات فلانه و فلانه و فلانه !!!

    وانا ادري و بعيني شايفه انه في كل اداره في مجموعه شركات الرستماني في مواطنين وايد ..

    الحينه الي قاله المدير انه المرشح المواطن يوم تتم مقابلته يعرف كل شي عن طبيعه العمل و ما يتم تعيين المواطن للوظيفه الا لو هو وافق عليها و وقع على عقد العمل يعني داوم بمحض ارادته و بعدين قسم التوطين يقوم بمتابعه مدى رضى المواطن عن نوعيه المهام الي ياديها بعد ما يداوم وفي حاله وجود اي عقبات يقوم القسم بعمل اللازم لمحاوله تذليل اكبر عدد منها ..

    الحين يا عزيزي اذا انته تبا تيلس في بيتكم او تبا تيلس فالكوفي شوب و يوصلك الراتب فالاحرى بك ان تجلب تقرير طبي يثبت اعاقتك و ستقوم وزاره الشؤون الاجتماعيه بصرف مساعده اجتماعيه شهريه لك

    لكن لا تيلس تتكلم عن الهنود و غيرهم و انته اصلن مب قادر تسوي ربع الي يسوونه و الدليل على ذلك انك داومت كمن يوم وقلت تراني ماروم عشاني برع المكتب و انا فالشمس .

    وبعدين الشخص الي كاتب الرد هاذا معروف لدينا و هو عرف كل شي عن الوظيفه خلال المقابله و تم تعيينه بعد ما وافق عليها و وقع على عرض العمل وعقب ما داوم اتصل و قال الوظيفه غير ملائمه له لانه قاعد يحس انه ما يسوي شي وتم التواصل مع مديره المباشر لتغيير الوظع و اعطائه مهام حقيقيه والاتصال فيه للتاكد من انه تم عمل اللازم ..

    وكان رده ايجابي .. وطلبناه اذا كانت لديه اي ملاحظة اخطارنا بها فورا .. وتفاجأنا بعد يومين بارساله رساله sms يقول فيها ان الوظيفه لا تناسبه …

    الحين يا جماعه الخير الاخ الي كتب هالكلام من وين له الحق ان يطعن في شركه عريقه مثل مجموعه الرستماني بس لانه بطران و محصل حريه التعبير عن البطره في المنتدى

    الناس الي مثل الاخ هاذا هم الي يالسين يشوهون صورة المواطن ؟؟ و يصعبون التوطين الحين المدير الوافد لما يشوف مواطن داوم اسبوع و اختفى بعدها .. هل تعتقدون انه بيكون تشجع و بيوظف مواطن مره ثانيه

    انا مب يالس اسوق لمجموعه الرستماني بس حنا شادين حيلنا والمواطنين الي عدنا مرتاحين لانهم يعرفون انه وراهم قسم التوطين اللي يسهر على راحتهم والاخ الكريم الي كتب هالكلام لازم يعرف ان التوطين هو وضع المواطن فالمكان المناسب

    فالسموحة اذا ما يبنالك مواطنين يشتغلون في نفس المكان الي كنت فيه لانه قسم التوطين شاف ان وظيفتك هيه الوحيده اللي يمكن توطينها في ذلك القسم اما البقيه فلا يمكن ذلك لانها وظائف دنيا

    يا جماعه الخير القصد من سعيي وراء تحري الحقائق ليس التسويق للرستماني انما للحد من التعليقات اللي من وراها قد تتاثر حركه التوطين سلبيا وخلونا نكون واقعييين ترانا عشان نفرض التوطين لازم نغير افكار مب نفرض قوانين….ولازم نواجه التحديات مب نرضخ للاشاعات

    واللي عنده راي ثاني يكلمني

    أول شيء ملاحظاتي كانت بشكل عام على القطاع الخاص وأنا ماروج إشاعات أتمنى تسمون

    الأشياء بإسمها هذي مب إشاعه هذي تجربه من الواقع

    وقصة الشخص اللي ذكرتيها قصة شخص ثاني أنا ماطرش رسائل sms عشان أوصل رأي وهذا دليل

    على أن معاناة المواطنين في القطاع الخاص لاتنتهي

    وبعدين أنا ماتكلم عن التوطين في hr الموارد البشرية اللي يقدمون support دعم للمواطنين عشان

    تقوليلي المدير مواطن ومواطنات على يمينكم ويساركم أتكلم عن التوطين في الشركات اللي تكون تابعه

    للمجموعات الكبرى حسب كلامج وردودج السابقه نقدر نقسم بعض المواطنين المتقدمين أو من تم قبولهم

    في الوظيفه إلى

    1. غير جادين

    2. يتسلون

    3. الوظيفه لاتناسبه

    رايج في الهنود وإني ماقدر أشتغل ربع اللي يشتغلونه وكل المسؤولين في

    القطاع الخاص مقتنعين الظاهر بهذا الكلام لدرجة إن نسبة المواطنين 0.3 ٪ في القطاع

    الخاص

    المواطنين يشوفون ويعرفون الشغل في القطاع الخاص كيف

    يعني مب محتاجين لرأي أو رأي غيري القصص كثيرة أنا كتبت تجربتني وأنتي ذكرتي قصه

    وهم حرين مب مجبورين يشتغلون في وظيفه مب مرتاحين فيها نفسيا

  2. زوجي نجح بالمقابلة اللي بالتلفون بس ما في حد اتصل فيه بعدها وهالكلام من اسبوع

    ana elly sawwait lah el mu8abala fel phone

    o i passed his papers to the maneger

    o enshalla 5air

Comments are closed.