السلام عليكم ورحمه الله
اخواني صار لنا فتره طويله من فتحنا مواضيع نتكلم فيها عن مشاريعنا وافكارنا وتبنيها
قبل كانت في العديد من المواضيع كنا كاتبينها ومنسقينها مع بعض لكن كلها اختفت مع تجديد القسم
وخذتنا امور المحافظ والتاسيس والعقود وغيره
لكن اشوف القسم ماشالله بدا يستعيد عافيته فبنفتح موضوع من المواضيع القديمه اللي كنا دوم نتكلم فيها
وهو الافكار المتميزه اللي مب شرط تكون حصريه لكن تكون متميزه في طرحها
ومثل ماكنا نسوي ان شخص يعرض الفكره وباقي الاشخاص يعدون الدراسه المناسبه لان ماشالله في الكثير من الخبرات اللي تساعد على هالشي وهذا شي شفناه قبل من كل الاعضاء واتوقع ان يرجع الحين مره ثانيه ان شالله
فطبعا كالسابق نتمنى من كل عضو عنده فكره ويحس بصعوبتها او عنده مشروع ويحس بصعوبته انه يعرضه وكل الاعضاء يتعاونون معاه في انجاح هالمشروع
سواء من المتخصين بالدراسه او الحسابات او الاعلانات
وان شالله نشوف روح التعاون بين الكل من جديد مثل ماكانت
وبانتظار افكاركم 
ونسيت انوه اخواني بسبب الموضوع اللي صار والشد وتوجيه هالاتهامات وغيره احب اخبركم انه لن يتم استقبال اي طلب بالمحفظه حاليا يعني اللي للحين ماوقعوا خلاص ماراح يكون في اي توقيع حاليا
وبيكون ذلك الى ان اييب لكم اوراق استثماراتي وبكل مكان لان الاستثمارات في اكثر من دوله مش في مكان واحد مثل مايعتقد الغير اصلا كيف مدير محفظه بيكون استثماره في وجهه واحده!!
عموما وللعلم هالاوراق والمستندات ماراح تكون الا من حق كل شخص يشوفه بنفسه مب بعد تكتبون لي يانايف اعرضها بالمنتدى وعلى العام وحتى المحفظه بعد مانرجع نفتحها بعد ماتشوفون استثماراتنا ان شالله مابيكون فيها اي نقاش بالمنتدى واللي يحب يعرف اي شي يكلم المنسقين والمندوبين او المتعاونين معانا
وشكرا
صباح الخير اخواني مليونير الاسهم والمرحوم شكرا لكم على ردودكم الطيبه وان شالله دوم نحاول ان نطور ونسوي شي عشان نوصل للاحسن
اخوي كاش شحالك انت ان شالله طيب
شوف الله يسلمك اولا في موضوع المحافظ كنت ارد عليك لان كان واجب علي ان ارد على اسئلتك
لكن الحين انك تدخل بموضوع يختص بالافكار التجاريه والكل يعرفه من زمان واحنا نتكلم بهالافكار تجي وترد بهالطريقه فهذا يعني ان اللي تسويه هجوم شخصي منك علي انا ياخوي
اخوي المحافظ كثيره بالمنتدى وبخارجه ماعتقد انك سالت اي مؤسس محفظه نفس هالاسئله وحتى الجدد منهم شمعنى هالمسار الغريب وطبعا استقبلته لان كان لازم استقبله منك اخوي ومارد عليه باي شي خارج الموضوع بس الحين انا عرفت والكل عرف ان اللي تسويه مش انتقاد محفظه ولا انتقاد تاسيس شركه ولا انتقاد تحالف انما انتقاد لصاحب الموضوع وهني مثل مااقول خلاص احنا طلعنا من نطاق النقاش التجاري
وبالنسبه للافكار اللي عندي على ارض الواقع الله يسلمك الكل يعرفها بالمنتدى يمكن انك جديد عشان جذي ماتعرفها بس لو يرجعون المنتدى القديم كان عرفت الافكار اللي عندي سواء اللي كنت استفيد منها او اشارك فيها الاعضاء عشان كلنا نستفيد
او اقول لك اسال الاعضاء اكتب موضوع وقول لهم شنو افكار نايف ومن شاف شغله وبيردون عليك بنفسهم انا خلاص ماله داعي ارد على شي لان مثل ماقلت الموضوع اتجه لموضوع ثاني ومابي اكون من النوع اللي قاعد يدافع عشان يرضي احد فان شالله بمجرد السؤال يردون الاعضاء
فتاكد اني ماراح ارد اي رد لان الموضوع طلع عن حدود النقاش المعقوله وبدا يتطرق لاي موضوع فيه اسم نايف على ماعتقد
فهني اقول لك اسمح لي اخوي انا ماقدر اواصل معاك لاني بديت اكشف عن اشياء كثيره لي وتخصني شخصيا بس كنت متعاون لاخر درجه وعرضتها وانت من النوع اللي يحب يتدخل بكل شي سواء الشغلات اللي تخص الموضوع اللي احنا المفروض نتكلم عنه او في غيره وانا مااقدر اني اصادق على كلامك او اكذب كلامك ويمكن اللي تقوله صح ويمكن مب صح ويمكن اللي اقوله انا صح ويمكن مب صح بس عموما انا ماحبيت اني اكذب اي شي من كلامك عشان لاياخذ الحديث مجرى اخرى وخليتك تقول كل شي براحتك وبكل المواضيع لان ماتوقعت ان الموضوع بيوصل لهالدرجه منك بس حصل خير ان شالله
عموما الراي الاول والاخير للاعضاء الكرام اللي يعرفوني من فتره طويله و تعاملوا معاي سواء بالشغل او حتى بدون شغل وكانت بيني وبينهم صداقات وانا اعتذر منكم هالفتره لان احنا في العشر الاواخر فسمحوا لي بيقل دخولي للمنتدى مثل قبل واكثر
والسمووحه من الجميع وبالتوفيق ان شالله
اخوي نايف موضوعك يثبت وياكد بالبرهان القاطع اللي مافي اي مجال للشك
انك تدور فكره تنفذها من اللي جمعته من مبالغ ماليه
وانت اصلا لا تملك اي افكار تجاريه للتنفيذ وفي انتظار اقتناص الفكره من احد الاعضاء للتنفيذ الفوري
عطني افكار من عندك منفذه على ارض الواقع اخوي نايف
ارجو الرد على السطر ما قبل الاخير اخوي لانك تجاوب على اللي تريده بس
ما شاء الله عليك اخوي نايف وما شاء الله على تحمسك الدائم
الصراحة غيبتك كانت طويل وعسى ربي يوفقك في مشاريعك الجديد
بس الغالي لا تحرمنا من افكارك وموضيعك الاكثر من رائعة
يعجبني فيك انك دائما متحمس للافكار التجارية ما شاء الله عليك وانك تحاول تطور قدراتك قدر الامكان
الله يزيدك من علمه ويوفقك في دينك ودنياك
تحياتي