السلام عليكم ورحمه الله
اخواني صار لنا فتره طويله من فتحنا مواضيع نتكلم فيها عن مشاريعنا وافكارنا وتبنيها
قبل كانت في العديد من المواضيع كنا كاتبينها ومنسقينها مع بعض لكن كلها اختفت مع تجديد القسم
وخذتنا امور المحافظ والتاسيس والعقود وغيره
لكن اشوف القسم ماشالله بدا يستعيد عافيته فبنفتح موضوع من المواضيع القديمه اللي كنا دوم نتكلم فيها
وهو الافكار المتميزه اللي مب شرط تكون حصريه لكن تكون متميزه في طرحها
ومثل ماكنا نسوي ان شخص يعرض الفكره وباقي الاشخاص يعدون الدراسه المناسبه لان ماشالله في الكثير من الخبرات اللي تساعد على هالشي وهذا شي شفناه قبل من كل الاعضاء واتوقع ان يرجع الحين مره ثانيه ان شالله
فطبعا كالسابق نتمنى من كل عضو عنده فكره ويحس بصعوبتها او عنده مشروع ويحس بصعوبته انه يعرضه وكل الاعضاء يتعاونون معاه في انجاح هالمشروع
سواء من المتخصين بالدراسه او الحسابات او الاعلانات
وان شالله نشوف روح التعاون بين الكل من جديد مثل ماكانت
وبانتظار افكاركم 
مرحبا اخواني
اخوش كاش شكرا لمتابعتك مع الجميع وانا اتفق معاك بخصوص الكلام اللي قلته بخصوص الارتداد العكسي وان شالله يكون التحطيم او اي شي يصير من الارتداد يعود بالفايده على الجميع ان شالله
اختي الغزال شكرا لك على اهتمامج وتسلمين على ردودج والله يوفقج دوم ان شالله
اخوي كاش للمره الثانيه ان شالله الكل مايشوف منا الا النجاح والمحاوله والاجتهاد في النجاح في كل مره نتعثر بها بمشروع
وياليت اي احد صار معاه نجاح بمشروعه يخبرنا عنه وكيف قدر ان يستمر فيه وينجح لتكون فايده لنا كلنا ان شالله
واخواني استاذنكم في نهايه الاسبوع لان ماراح يكون عندي وقت اشبك بحكم السفر وان شالله ارجع اواصل الرد على استفساراتكم من بداية الاسبوع القادم
للنجاح ضريبه اختي الغزال كلام جميل
بس وين النجاح الله يسلمك ما اشوفه
اشوف الا بس كلام ؟؟؟
الله يوفق الجميع
والعفو يطول عمرك
السلام عليكم ورحمة الله وبركاتة
اشكركم اخواني 000الأخ نايف موفق بإذن الله تعالى ولا بد للنجاح ضريبة
الاخ الكاش اشكرك ع إهتمامك000 وسيتم التواصل مع تريدنج000ولا يهمك
أما بخصوص تجارتي 000الحمدلله ماشية على خير مايرام والفضل يرجع لله تعالى
وتحفيزكم طريقي لمواصلة المشوار بإذن الله تعالى
كلام الاخ نايف
خوي كاش بخصوص اسالتك الامور التجاريه لها اكثر من ناحيه والشخص كرجل اعمال تكون استثماراته اكثر من ناحيه لتكون دعم له دايما
كلام الاخ كاش
وينها هالاستثمارات اللي تقول عنها وينه الدعم مالك؟ عطني ناحيه وحده بس ياليت تكون على شارعين
كلام الاخ نايف
وبخصوص الارتداد العكسي هي من اقوى النظريات اللي اعترف فيها وبقوه
كلام الاخ كاش
بس اذا ارتدت عكسيا صوبك بقوه ممكن تكسر وممكن تحطم وومكن تنهي شي من اساسه ولا كانه صار
فوجب التنويه لهالنقطه
وشكرا اخواني لتفاعلكم بالموضوع مثل ماتوقعت منكم
وتوقع اكثر اخوي نايف بعد
————————
عليه الف صلاة وسلام اختي الغزاله
اختي الغزاله طمنينا عن تجارتك في السلطنه واذا بغيتي خط تجاره جديد تراه تريدنج لاين موجود الحين ويوزع خطوط واظن عقب شوي بينافس اتصالات
اخوي r7aaluae لحق حالك وسر عند محامي قبل لا يضيع عنك الوقت في مشروعك
اخوي ابو عمار وانا مثلك اكرر شكري للمواضيع المفيده والمقيده
اخوي r7aaluae
اجبت عليك في موضوعك وان شالله يفيدك الرد واذا كان في اي شي مش واضح عندك ياليت تقوله وان شالله نوضحه لك اكثر اخوي
اخوي ابو عمار الله يجزيك كل خير ان شالله وماتقصر