..
شفت فيلم مصري والله ماادري اي اخلاق اي مبادئ فيه والله اني حزنت انا لها الدرجة سرنا نتمصخر على اعمارنا والمشكلة انه اللي سوا الفيلم ( على حد علمي ) مخرج كبير بخبركم قصة الفيلم باختصار وانتوا خبروني شو رايكم ( من دون ذكر اسم الفيلم ) :
خمس اصدقاء الروح بالروح من ايام الجامعة 3 اولاد وبنتين اثنين مزوجين( ادهم وفريدة) واثنين عايشين مع بعض وبينهم علاقة محرمة(خليفة ومريم) الثالث ممثل وله عدة علاقات (هاني) ( الفيلم مب سهر الليالي )
في البداية بخبركم الخربطة بالترتيب وشو التخبط اللي نحن عايشيين مع انهم تربطهم صداقة قوية :
خليفة يقيم علاقة محرمة مع فريدة برضا فريدة وهي مرتبطة كانت مخطوبة لادهم
فريدة تحب ربيع ادهم هاني وادهم يعرف ويصارح فريدة وفريدة تقوله يستوي شراته
هاني يقيم علاقة ويا مريم ويتحجج انهم كانوا سكرانيين وانهم مب غلطانيين
وبخبركم شي قاله هاني في الفيلم وان شاء الله تكون وجهة نظر قلة قليلة من المسلمين: انه اللي يحبون الحرمة تكون 100% له وماتكون لها علاقات قبل الزواج انسان معقد وانه لازم نتفهم شعورها وهالشي هو كان وجهة نظر المخرج انا نفهم هالتطور في هالدنيا ولازم نكون متفهمين انه الانسان له حق يستانس سواءا ولد ولا بنت
الله يحفظنا ويحفظ عيالنا من هالافكار المسمومة والمضرة بدينا الحنيف
وسلمتوا…..
…
الي يبا يشوف يشوف والي مايبا يبدل القناه
فيض بعض الناس يعجبهم هالسوالف
وفي بعض الناس ماتعجبهم
يعني انا من كم شهر سرت اشوف فلم انا والاهل تفاجأت ان الفلم من بدايته في مشاهد غير لائقه اخلاقيا
على طول قطعت الفلم وضهرت
انا اتوقعت انه فلم مضحك مب الها الدرجه
الله يعين ويرحمنا برحمته
الأفلام المصرية في قمة قلة الأدب وعدم احترام المشاهد ..
الاستهزاء بالدين وبالمشايخ وتقليد الشعرواي رحمه الله وخاصة من ( عادل إمام ) واللي يعتبرونه في مرتبة الرئيس عندهم وهو مجرد ممثل أدواره أكثرها خليع !!
الرقص والخلاعة وأغلب ممثلات الوقت الحالي كانوا رقاصات ( فيفي عبده صارت الممثلة الاولى )
غياب الفكرة والهدف والقصة والحبكة ( أغاني وحركات ماصخة وقلة أدب ) وبس والقصص مفبركة بوضوح ومستهلكة !
تمجيد القومية المصرية والاستهزاء بباقي الشعوب وأذكر استهزاء عادل إمام بالإمارات ( السفارة في العمارة ) واللي صور فيها بعض مشاهده في دبي !
صارت قصة الأفلام المصرية عبارة عن شاب حلو وغالبا ما يكون مطرب ويلعب دور ( خفيف الظل ) ويعيش قصة حب وعلاقات محرمة مع مجموعة من البنات الجميلات ونصف المشاهد قبلات ساخنة وحركات على السرير وأغاني ومشاهد بالبكيني على البحر والتطرق لمشكلات مصرية فقط مثل البطالة والفقر والفرق بين طبقات المجتمع المصري ..
لو يسخرون هالمبالغ المدفوعة للفنانين في الزراعة والعلوم والتعمير بيطلعون ذهب !!
انا اشوف المشكلة فينا نحن
الفساد في الارض ونحن علينا نختار
اذا مبدأك واحد وهو انك تبتعد عن الافلم الفاسدة والمخلة بالآداب فتبتعد عنها نهائياً سواء بالعربي او الاجنبي
يعني انت تبى اتقول الانجليز عادي عندهم علشان جي نحن نتقبلهم والعرب مب عادي عندهم علشان جي لازم نبتعد
هذا مب منطق وانا ما انكر صدمتنا على اللي عندهم دين ويعتبرون دولة اسلامية يكون هذا نتاجهم بس بعد اذا قررت اني ما اشاهد هالافلام لان فيها وفيها فالاولى يكون كل الافلام .
ما نسيت شو قال قائدنا ضاحي خلفان انه علينا التصدي لظاهرة الشذوذ من العرب والأجانب
لما لها من آثار سيئة عالمجتمع
يعني لما نعالج نعالج الفساد كله بغض النظر كان من مسلمين او اجانب لأن عاداتنا وتقاليدنا وقبلها ديننا ما يقبل هالتصرفات .
فانت اذا كان مبدأك الصلاح والخير والمحافظة على روابطنا الاسلامية والتقيد بدينا الحنيف فلازم يكون الصلاح من نفسك في البداية وبعدين الناس ولازم يكون صلاح كلي مب نص نص .
احترامي
سلااام عليكم جميعا
للأسف نشوف الأفلام المصرية فيها خلاعة أكثر من الأفلام الأجنبية …
من فترة كانوا ناويين يعرضون فلم مصري بالسينما ،،، لكنهم سحبووه وماعرضوه ….
تدرون ليش ،،،، اللبيب من الإشارة يفهم
صراحة أنا كنت أتابع أفلام لبنانية وسورية وجزائرية وغيرها من الأفلام العربية
ويشهد الله أن كل الأفلام اللي شفتها نظيفه ومافيها شي ،،،
لكن ليش الأفلام المصرية بالذات ؟؟؟؟
مثل ماقال أخونا أنهم للأسف يعتبرونها تجارة لما يتاجرون بالأفلام اللي من هالنوع ..
صرنا نخاف على الصغار ،، خايف باجر يجيني الصغير ويقول لي :
بابا أنا شفت فلم وسخ لكنهم يتكلمون عربي ….
ساعتها كيف برد عليه
الله يحمي أولادنا العرب المسلمين
وأخوي ضحكتي اللي يقول أن عنده تشبع بالأفلام الأجنبيية هههههه بسميك توم كرووز الامارات ههههه ((سوااالف لاتزعل ياخوي)))
أنا أتابع أفلام أجنبية والصراحة أفلام هالأيام تكون نظيفة لدرجة أني أندهش (قصدي الأجنبية)
وصحيح كلام أختي
لازم نتبادل الأراء ووجهات النظر
ووالله أن هناك ردود أنا استفدت منها
أخوكم
القلم الحر
الاختلاف في الرأي لايفسد في الود قضية