اكله هل بوظبي والعين
كل أكله روحها صوب .. وكل وحده منهن ترمس عن عمرها ..
خبز خمير بثيث مفروكه والمظروبة … والله العظيم أني ما أتمصخر هذه أسامي صحيحة..
أكلة هل دبــي :
أكلة هل دبي المشهورة هيه : الهريس .. واللي ماياكل منها يخيس .. وهل دبي معروفين ..
في الأعراس لازم يكون في وسط الحوي جدر هريس ..
أكلة هل الشارجة :
لا لا لا .. كلكم غلطانين .. هب الدانقو ولا شي ولا حتى الباجلة .. هذه كلها خرافات واحد ..
ماشي أحلى من الدانقو حزّة العصر وحاط جدامك هالطاسة الممزورة دانقو ولوميتين من
الحامض .. تعصرهن في الملة أمممممممم
أكلة هل عيمان :
ما يحتاي بعد أزيد عليكم الزود .. معروفين هل عيمان بخبز الرقاق هنتين أبييّزة ..
وخصوصا بعد أوف حلاته اذا كان مدهون بدهن
أكلة هل أم القيوين :
لاااااااااا .. كله عاد ولا هل أم القيوين ..
الصراحة عندهم أكلة والله ما تخطر على بال واحد بيموت من اليوع .. أسمييييه عندهم أكله ..
ما يطبخونها اللا حزّة الغدا من عقب صلاة الجمعه ..
وهيه أكلة البياح : تراهم مشهورين أبها ومحد شراتهم وشراياهم ..
أكلة هل راس الخيمة :
ياسلام سلم على هالأكلة المشهورة اللي عندهم .. والله صوبنا ياهل راس الخيمة يعني
طاسة جامي ويقط ولبن من أمارة راس الخيمة ..
أكلة هل الفجيرة :
حافظ على هل الفجيرة … من تيهم أتقييّل عندهم ضيف … الله على الكرم الطافح فوق ..
اليبال …
وخصوصا بعد يوم يقربوبك عندهم وتاكل هذيج الأكلة ما ودك بعد تظهر من الفجيرة .. بس
الود ودك أتّم تظرب بالخمس ألين يوم الثاني ..
وأكلتهم مشهورة وهيه : طاسة حلوى حارة وعدالها دلة أقهوه الملقمه في حزتها
يوعتووووووووووووووووونا يا جماعه الخير
المندي طغت على جميع الاكلات وتصدرت قائمة الاغذيه
في كل إمارة :: ما تروح بيت وله مجلس وله ديوانيه وله كشتات بر وله بحر إلا والمندي يكون حاضر
الله يعينى على هي الاكله
شي مطعم توه فتح في أبوظبي أسمه ( المرحباني) يالله شو لذيذ أكله خاصة ( المثلوثة )
تراني ما اسوي دعاية حق المطعم و المطعم ما يخصني في الاصل بس حبيت إنه لا تفوتكم المثلوثة ماله
موضوع جميل
طلعت عن الموضوع شوي أعتذر لكاتبه
موضوع عجيب يل ولد …. تسلم ايدك
فديت البياح وأهله….
الصراحة أنا في خاطريه مجبوس لحم لأنه أريد أمتن بأي طريقه هب عارف كيف بخبر بشكارنا (كراني) باجر يسويليه مجبوس على الغدا اللي يبا يقرب عندنا………………….ز
تسلم ع الردوود