السلام عليكم
وين الموده والرحمه اللى وصى بها النبى…أحس انه كل واحد يبا ينهش فى أخوه بدون رحمه ….
اذا شخص يبا شقه او بيت بغرفه او غرفتين..ليش يدفع 50 او 60 ألف..مب حرام؟؟؟؟
يعنى انا حرمه ليش أسكن فى مناطق الهنود والبنغاليين؟؟؟ترضونها على اهلكم؟؟؟….بس لأنه الاسعار فى هالمناطق اللى دون المستوى اتكون اقل؟؟؟؟..والسكن فيها ماينفع للحيوان من قدم المبانى…. فكيف يسكن فيها البشر؟؟؟ليش مااسكن فى شقه او بيت نظيف وضمن مناطق سكنيه مخصصه للعوائل؟؟؟
والله اعرف ناس امأجرين بيوتهم بأسعار أقل عن الاسعار القديمه……بس لأنهم يخافون ربهم……وايقولووون الفلوس مابتنفعنا فى قبورنا..وبعد امأجرين لوافدين…..وايقولوون فقارى مايقدرون يدفعون اكثر عن هالسعر
الرواتب مب ذاك الزود عسب ترفعون الاسعار…ورواتبنا مب بس لدفع الايجارات..عندنا التزامات ماديه كثيره…
الله يرحم الايام اللى كانت الفلل الكبيره تتأجر ب60 الف..والله يرحم الايام اللى كان فيه الجار يربى عيال جاره….ويصرف على تزويجهم…و….و…..والامثله كثيره
واتقولون ليش المواطن ايحس انه غريب فى بلده…اذا انتو ماراعيتوا المواطن فى الاسعار اللى اتحطونها ….كيف حد ثانى بيرحمه؟؟؟يعنى المواطنين من كثرهم؟؟؟؟..ياأخى مب لازم تستفيد من ورا المواطن..ماشاء الله الوافدين أعدادهم اضعاف أضعاف عدد المواطنين…والشركات اللى اتوظفهم تدفع لهم كل شى…حتى بعض الاحيان تدفع لهم ثمن السياره …..يعنى هو عايش احسن عن عيشة المواطن…..المواطن اذا صرف بيصرف فى بلاده..واذا فكر ايجمع فلوس عسب يبنى ..تراه بعد بيبنى فى بلاده..يعنى كل هذا بيرد لك وبيرد لعيالك فى المستقبل…اذا انت رحمت اخووك…غيرك بيي وبيرحم عيالك فى المستقبل….والدوائر تدور….وترانا مالنا غير هذا الوطن…..فراعوونا فى الاسعار….وشعار (انا وطنى..وطنى أنا)نباه يترجم على أرض الواقع…مب بس نتريا أصحاب القرار هم اللى ينفذونه..نبا الشعب كله يتكاتف..ويرجع المواطن يرحم اخوه المواطن…والوافدين مثل مايوونا فى الامارات بيظهرون منها وبيسيروون مكان ثانى…..ارحموا من فى الارض يرحمكم من فى السماء
الطعن في الميت حرام …………. لاحيات لمن تنادي ماشي قلوب
ربي يفرجها عليكم والله يحلها