للاسف تستمر معاناة المتعاملين من بعض الوسطاء دون تدخل من السوق…….
والوسطاء مازالوا على اسلوبهم ماتغيروا
تدرون ليش لانك اذا انت بتسير بيي غيرك وبيسجل عندهم
قبل فترة كنت مشترك عند وسيط من وسطاء السوق…
وكل ما اتصل مايردون
لين ما ردوا علي وصار بيني وبينهم مشادة كلامية بسبب هالشي
قلت له اذا ما عندك استعداد ترد على مكالماتي ومكالمات غيري ليش من الاساس تسجلني عندك
قلت له انا غلطان لما سجلت عندكم وانا انشالله بلغي حسابي عندكم
تدرون شو رد علي ؟؟؟
قالي بكل وقاحة : ” الباب يفوت جمل ”
نعم ” الباب يفوت جمل “
اكيد عرفتوا جنسيته هالشخص طبعا…
معقولة هاللي يصير؟؟؟؟
الى متى؟؟؟؟؟؟؟؟؟
انا اتخيله هالشخص لو انه هو نفسه يشتغل في معرض سيارات او مفروشات ومريت على محلهم وقلتله اني بشتري هالسيارة او هلغرفة النوم
وقلتله اني بمر عليكم بعدين.. اول شي بيسويه بياخذ رقمي موبيلي..
وبيتم يتصل علي ليل ونهار عشان اييي عندهم واشتري من محلهم…..
لكن اللي يصير في السوق الصراحة مأساة واهانة للسوق وللمتعاملين ولهالبلاد
صحيح ان “الباب يفوت جمل”
بس انا بقوله بعد ان “باب هالبلاد يفوت ديناصور”
من اخر واسوا الوسطاء في السوق حاليا اللي تعاملت معاهم “وسيط هيرمس” بصراحة اقولها
وياريت كل واحد تعامل مع وسيط من هالشاكلة يخبر عنه اخوانه عشان يتجنبونه ….
وتحياتي..
:qww98874:
مهزلة في بلادنا و يعاملونا أخس من الغرب, بس أقول الغلط منا نحن إلي عطيناهم ويه :kljfg:
صدقوني ماشي بيفيد وياهم غير المقاطعة
المقاطعة
ثم المقاطعة
ماظني مديرهم يفرق عنهم كثير
انا فكرت اني اسوي زوبعة واشتكي واقلب الدنيا…
بس واحد نصحني قالي اني مابتستفيد شي
ولو ان شي من كلامك بيفيد ماكانوا هالوسطاء يستمرون في السوق
واغلب الوسطاء واصلين يعني وراهم ظهر..
فكرت في كلامه لقيته اغلبه صح…
فحولت على وسيط ثاني (مابذكره حتى لا يقال ان الهدف من موضوعي دعاية )
افضل من هيرمس
عالاقل شركة وطنية
لا دعاية أخوي ولا هم يحزنون…. اذكر اسم الوسيط الجيد اللي تعامل وياه وخل الأعضاء يستفيدون… واذكره يمكن حد شاف منه شي انت ما شفته…
صدقوني ماشي بيفيد وياهم غير المقاطعة
المقاطعة
ثم المقاطعة
ماظني مديرهم يفرق عنهم كثير
انا فكرت اني اسوي زوبعة واشتكي واقلب الدنيا…
بس واحد نصحني قالي اني مابتستفيد شي
ولو ان شي من كلامك بيفيد ماكانوا هالوسطاء يستمرون في السوق
واغلب الوسطاء واصلين يعني وراهم ظهر..
فكرت في كلامه لقيته اغلبه صح…
فحولت على وسيط ثاني (مابذكره حتى لا يقال ان الهدف من موضوعي دعاية )
افضل من هيرمس
عالاقل شركة وطنية
السلام عليكم ..
اسمح لي الغالي صاحب الموضوع اقلك انك غلطان اذا سكت عن هاي المهزله اللي صارت عليك والله ما نرضاها .. يا اخي روح المكتب عندهم وكلم مديرهم ما بتخسر شي حق محفوظ ولا اذا سكت انت وسكت غيرك باشر بطاولون على اهلنا بعد ..
هيرمس (كان) كثير من الاخوه يمدحونه في المنتدى .. بس والصراحه اقولها حاله كحال باقي الوسطاء .. تقدر تقول افضل السيئين .
أخي الكريم… موضوع الوسطاء موضوع معقد وحساس ويشغل بال إدارات الأسواق…
أولا: ما كان للوسيط ان يتفوه بتلك الكلمات الخارجة عن اللياقة فضلا عن أساليب التجارة..
ثانيا: ما كان لك أن تهدد بسحب أموالك، كلنا تعرضنا لنفس موقفك ولم نهدد بسحب الاموال، لمناهم على التقصير ولكن لم نهدد، ما فعلناه هو اننا غيرنا الوسيط بهدوء تام.. أما اسلوب ليش ما تردون وليش تسجلوني اذا ما تردون فليس الا مضيعة للوقت، غير الوسيط، ايا كان، وان شاء الله يأتيك الخير تباعا…
ثالثا: هرمس شركة وساطة جيدة، ولكن في الفترة الأخيرة اصبح الاتصال بهم صعبا نوعا ما وهم وعدوا بكول سنتر خاص بهم…
رابعا: تعاملت معهم ولم ألاقي منهم الا الاحترام.. لذا كان عليك أخي ان تهدئ من روعك وتذهب لمديرهم تسأله عن رد الموظف عليك وهل يرضى به… ويبدو انك لم تجرب فريد في الامارات ولا موظفي الاسلامي للوساطة….
خامسا: كل الوسطاء في الرد على المكالمات متشابهون.. فما خياراتك بعد هرمس.. لا أحد، اللهم الشاهين.. او الذهاب الى السوق ومقابلة مدير التداول في هرمس…
والله يوفقك