” الباب يفوت جمل ” قالها هذا الوسيط

57 thoughts on “” الباب يفوت جمل ” قالها هذا الوسيط”

1. حبيبي الوسطاء سواسية وهرمس الي في ابوظبي اشوفه زين ويرد على التلفون بعكس الوسيط الي انا فيه ، ( الرمز ) كمعاملة زين لكن عمره ما يرد على التلفون ، وفي شخصين داخل سوق ابوظبي .. الاول الملتحي اعتقد اسمه حسن يشتغل على طول اما الثاني فحاط سماعة الموبايل ويرمس ينقل اسعار الاسهم واحد واحد والخلق واقفين يدامه .

   ادارة السوق ضعيفة فالموبايلات اصلن ممنوعة لكن منو المراقب عليهم ؟!! وشو العقوبات ؟؟ غرامه بيدفعها الهامور على الراحات

2. والله إخوانا ما بيطلعلكم تلومون الوسطاء ، المثل بيحكي إن غاب القط إلعب يا فأر ، وهذا اللي حاصل ، هيئة الأوراق والأسواق المالية هيك بدها .

3. الإمارات للوساطة المالية نتصل مليون إتصال ولا أحد يرد عليك إلا أنت وحظك يا تصيب يا تخيب تخيلو ياجماعة مرة إنتظريت إني أجي لدبي كله عشان أنفذ عملية شراء عقب محاولة يأسه أستمرت لمدة أسبوع من الإتصال دون نجاح فحصلت زيادات لسعر السهم دون أن أتمكن من شراءه بسبب الوسيط .

4. الغالي فدييييييييت خشمك

   بس لو تكتب الشكوة بخط يدك وتقدمها حق إدارة السوق وأنا أوعدك أنك راح تشوفه متعاقب

   جرب وما راح تخسر شي

   ودمت سالم

5. لا بارك الله فيهم من وسطاااء …

   هيرمس و العربية الدولية …….. من أسوأ الوسطاء اللي تعاملت معاهم ……… ياخي وقاحة ومافي اي نوع من الاحترام …………

   سبحان الله… من فترة كنت اسمع ان هيرمس هو افضل الوسطاء…. والحين الكل يسب فيه. اذا كان هذا هو أفضل وسيط، فما بالك بالأسوأ؟
   الان اقدر اقول أن سوق دبي المالي لايوجد فيه وسيط يستاهل التعامل معه. والله لو جماعة يتعاونون ويفتحون لهم ومكتب وساطة ويحطون “كول سنتر”… ترى ياجماعة العملية ماتحتاج عالم ذرة أو عالم فضاء أو حتى خبير اجنبي. كلها اسلوب تعامل فقط، والبلد فيها ناس فيهم الكفاءة. شوفوا العبار والقرقاوي ومعظم الدوائر المحلية (اقول المحلية وليس الاتحادية). المطلوب نظرة جديدة للناس والمسألة في الاخر أن الوسيط هو المستفيد الاكبر.

Comments are closed.