للاسف تستمر معاناة المتعاملين من بعض الوسطاء دون تدخل من السوق…….
والوسطاء مازالوا على اسلوبهم ماتغيروا
تدرون ليش لانك اذا انت بتسير بيي غيرك وبيسجل عندهم
قبل فترة كنت مشترك عند وسيط من وسطاء السوق…
وكل ما اتصل مايردون
لين ما ردوا علي وصار بيني وبينهم مشادة كلامية بسبب هالشي
قلت له اذا ما عندك استعداد ترد على مكالماتي ومكالمات غيري ليش من الاساس تسجلني عندك
قلت له انا غلطان لما سجلت عندكم وانا انشالله بلغي حسابي عندكم
تدرون شو رد علي ؟؟؟
قالي بكل وقاحة : ” الباب يفوت جمل ”
نعم ” الباب يفوت جمل “
اكيد عرفتوا جنسيته هالشخص طبعا…
معقولة هاللي يصير؟؟؟؟
الى متى؟؟؟؟؟؟؟؟؟
انا اتخيله هالشخص لو انه هو نفسه يشتغل في معرض سيارات او مفروشات ومريت على محلهم وقلتله اني بشتري هالسيارة او هلغرفة النوم
وقلتله اني بمر عليكم بعدين.. اول شي بيسويه بياخذ رقمي موبيلي..
وبيتم يتصل علي ليل ونهار عشان اييي عندهم واشتري من محلهم…..
لكن اللي يصير في السوق الصراحة مأساة واهانة للسوق وللمتعاملين ولهالبلاد
صحيح ان “الباب يفوت جمل”
بس انا بقوله بعد ان “باب هالبلاد يفوت ديناصور”
من اخر واسوا الوسطاء في السوق حاليا اللي تعاملت معاهم “وسيط هيرمس” بصراحة اقولها
وياريت كل واحد تعامل مع وسيط من هالشاكلة يخبر عنه اخوانه عشان يتجنبونه ….
وتحياتي..
هيرميس للوساطة المالية من افضل الوسطاء الموجودين …..هل تعاملتوا مع الوثبة او الشرهان او بنك الاتحاد او الاسلامي او الانصاري وقارنتوا بينهم وبين هيرميس….اذا كنت من صغار المستثمرين هل تجرأت يوم ودخلت صالة ال الفي اي بي الخاصة بالانصاري؟هل سمحوا لك حتى بالدخول لهذه الصالة!؟ اذا كنت من صغار المستثمرين هل يمكنك شراء اسهم في سوق دبي عن طريق وسيط بنك الاتحاد فرع برج الغيث!
((((( هـــــيك الله بــــــــــده ))))
سامحهم الله دنيا واخره وكان الله غفورا رحيم
كثرة الشكاوي وكثر السب واللعن فيهم وكل يومين مضروب واحد فيهم …..بس ما شي فايده!!!!!!!!
الاخوة الاعضاء والمشرفين كتبوا عن هالموضوع وايد وماقصروا.. بس انا حبيت اضيف شي لاحضته
وجربته للاسف الشديد في معاملة الوسطاء لصغار المستثمرين اكرر صغار المستثمريين فقط ! ! !
الــــــــــــــــــــــــــــــــــــــسياسة الجــــــــــــــــــــــــــــــــــــــديدة :
1-اكثر الشركات تطلب فتح حساب بمبلغ مالي كبير على الرغم انه يوجد قانون يمنع ذلك ؟؟؟
2-دايما وابدا ::::::::: عزيزي المستثمر اتصل ونحن بنرد عليك لاتحضر المكتب عندنا:::::::::::
3-استخدام كافة الاساليب السوقية وقلة الاحترام والادب والتطنييش والكلام من الخشم
4- عدم الرد على الاتصال اذا كان مب هامور
5-عدم تنفيذ اغلب الصفقات الغير مربحة للوسيط
6-استخدام اسلوب :::روح وبعدين بنتصل عليك:::: او تعال باجر::::بنخلص معاملتك اليوم
الاســــــــــــــــــــــــــــــــــــباب:
1-كثرة المستثمرين الصغار لدى الوسيط نفسه والزحمة الشديدة على المكتب
2-الوسيط ما يبى يعور راسه ويا اي واحد داش السوق يديد
3-قوانين السوق ماتخوفهم ولا تسوي شي كنها مخالفة باركن
4-الاعتماد على الهوامير لجني اكثر الارباح
5-فيه عـــنصريه باللـــــــــقو اذا انت مــــــواطن
اسباب كثيره امثله كثيره بس ما اقدر اكتب خلاص تعبت والله تعبت وانتوا ادرى مني ! !
تحــــــــــــــــــــــــــــــــــذيــــــــــــ ـــــــــــــــــــــــــــــــر
الـــــوسيط سبــــــب رئيسي لامراض القلب والراس وارتفاع الضغط والسكري والذبحة الصدرية
الجقاير استوت اهون منهم
و الله ياخي العزيز أنا أعتبر هيرمس هو أفضل السيئين مقارنة مع وسطاء مكاتب وسطاء ثانية…
أنا فاتح عند هيرمس و بعدين فتحت عند الأنصاري و الأخير تميت وياه أسبوعين بعدين لاعت جبدي منه و رديت عند هيرميس بعد ما شفت إنه نعمة مقارنة مع الأنصاري..
صحيح إنه مرات يكون الخط مشغول بس يوم يرد عليك ما يسوي حركات مثل بعض الوسطاء الي يعلقونك ساعة على التلفون
و في اليومين الأخيرين قاموا يردون بسرعة على التلفون و ما كان في أي مشكلة..و هم واعدين العملا بمركز اتصال عن قريب..
عموما كل واحد و تجربته و الله العالم شو حصل بالضبط بينك و بينه.. بس إذا عندك شكوى ممكن تقدمها لإدارتهم في دبي..
تحياتي
انا عند مكتب الداار .. والله لاعت جبدي منهم ..
التلفون ما يردون عليه .. ومرتين سرت لهم السوق وبعد ما دخلوا الاوردر … وامس ردوا علي وبعد ما دخلوا الارودر ,,,
الظاهر انه كل الوسطاء متفقين على هالشي انهم ما يردون على التلفونات ولا ينفذون الاوامر ..
مادري يبون يحتجون على قرار تخفيض العموله ولا شو ..
وحسب علمي انه الامارات الدولي كان احسن وسيط ..والكل كانوا يمدحونه.. شو اللي صارله ؟؟
الموضوع بدا يكبر والهيئة كالعادة .. ما عندها خبر .. او بمعني اصح ما يبون يتفهمون موقف صغار المستثمرين .. لأن المسؤولين مب حاسين بهذا الشي ..