” الباب يفوت جمل ” قالها هذا الوسيط

57 thoughts on “” الباب يفوت جمل ” قالها هذا الوسيط”

1. للاسف تستمر معاناة المتعاملين من بعض الوسطاء دون تدخل من السوق…….

   والوسطاء مازالوا على اسلوبهم ماتغيروا

   تدرون ليش لانك اذا انت بتسير بيي غيرك وبيسجل عندهم

   قبل فترة كنت مشترك عند وسيط من وسطاء السوق…

   وكل ما اتصل مايردون

   لين ما ردوا علي وصار بيني وبينهم مشادة كلامية بسبب هالشي

   قلت له اذا ما عندك استعداد ترد على مكالماتي ومكالمات غيري ليش من الاساس تسجلني عندك

   قلت له انا غلطان لما سجلت عندكم وانا انشالله بلغي حسابي عندكم

   تدرون شو رد علي ؟؟؟

   قالي بكل وقاحة : ” الباب يفوت جمل ”

   نعم ” الباب يفوت جمل “

   اكيد عرفتوا جنسيته هالشخص طبعا…

   معقولة هاللي يصير؟؟؟؟

   الى متى؟؟؟؟؟؟؟؟؟

   انا اتخيله هالشخص لو انه هو نفسه يشتغل في معرض سيارات او مفروشات ومريت على محلهم وقلتله اني بشتري هالسيارة او هلغرفة النوم

   وقلتله اني بمر عليكم بعدين.. اول شي بيسويه بياخذ رقمي موبيلي..

   وبيتم يتصل علي ليل ونهار عشان اييي عندهم واشتري من محلهم…..

   لكن اللي يصير في السوق الصراحة مأساة واهانة للسوق وللمتعاملين ولهالبلاد

   صحيح ان “الباب يفوت جمل”

   بس انا بقوله بعد ان “باب هالبلاد يفوت ديناصور”

   من اخر واسوا الوسطاء في السوق حاليا اللي تعاملت معاهم “وسيط هيرمس” بصراحة اقولها

   وياريت كل واحد تعامل مع وسيط من هالشاكلة يخبر عنه اخوانه عشان يتجنبونه ….

   وتحياتي..

   السلام عليكم تحيه طيبه وبعد اخواني

   كل الكلام اللي قيل في الوسيط هرمس صحيح بس هم اربع اشخاص والناس تتتصل بالألاف هم بشر في النهايه نحن صح انعاني بس لاحول ولا قوه الا لله

   يوم الخميس الموافق 29-9-2005 سوف يتم نقل قسم الر د على المكالمات الا ابراج الإمارات وسيتم مضاعفه عدد الموضفين وبنشوف وعلى قولة المثل وصل الكذاب عند باب بيته
   وسيكون الرقم الجديد هو
   043300727

   وشكرا

2. أخي Etisalat

   مع إحترامي الشديد لك ، والله السوق عارف وداري بكل هالمشاكل وهو اللي مقويهم على المستثمرين ، وإذا انتم بتحكوا عن هيرمس ‘ فروحوا شوفوا إعمار وموظفهم أبو سكسوكة اللي في السوق ، عنده إحترام بشكل غير طبيعي وكنك رجال اتكلم معاه وشوف كيف بمسح فيك الارض أمام كل العملاء . وبتحكيلي قسم الشكاوي بنتظر شكوى على وسيط ، معلش أخوي اسمحلي أحكي إنك ضحكتني ‘ عذرا منك

3. ياجماعه هذا الوسيط ممتاز بمعنى الكلمه
   ولم يذكر في المنتدى الا بالمدح
   والموظفين محترمين
   وماشفتو الانصاري وغيره
   3 ايام اتصل كل يوم من 8 صباحا حتى 10 ومح يرد
   وحتى لما رحت لقيت معظم الناس ت اف اف من ضيق الخاطر والإكتأب وضياع الفرص

   ونقلت حساب ل هيرمس واحسسست بالفرق
   وقريبا سيكون عندهم كول سنتر
   عندهم مشكله في عدد الخطوط لان الهواتف تابعه للسوق المالي وقريبا يكون عندهم البداله الختصه بهم وان شاء الله تكونون مرتاحين معاهم

4. أنا إحساسي يقولي إن الوضع ما بيعتدل لغاية 2020 :^19: يوم يفتحون المجال لشركات عالمية وأوروبية والوضع حاليا صعب من كل النواحي يعني ضغط الواحد يرتفع يوميا علشان ناس ما يفهمون في الشغلة :qww121: ولكن يا جماعة لا تنسون إن رمضان ياي خلونا ندعي على الوسطا يمكن يشلهم إعصار كاترينا ولا إعصار ريا :efgh:

5. ياخي نيوكمر انت تقول انك متصل عسب ينفذلك طلب شرا او بيع المهم انت تسير لادارة السوق

   وتخبرهم ان عندك شكوى على الوسيط وقبلها تكون مجهز شكواك كتابيا والدليل خلهم يرجعون

   للتسجيل وصدقني ودهم يمسكون شكوى على الوسطاء ياحبهم لهالشي عندي واحد من الربع

   يشتغل في السوق يقول مانصدق توصلنا شكوى على الوسيط على طول تحقيق.

   مشكلتنا نحن نرمس وبس ماشي فعل ، يوم توصل السالفة لـ سير اشتك ولا افتح بلاغ

   قال وش لي بالمشاكل ووجع الراس.

   تحياتي

Comments are closed.