البارحة مريت وكالة الفورد وبالصدفة لمحت هذي السيارة
فورد سبورت تراك
وفي نوعين منها
سبورت تراك ليمتد
سبورت تراك XLT
طبعا الليمتد أفخم ومواصفاتها أكثر مثل جلد وفتحة ومكيف الكتروني وكراسي كهربائية ومثبت سرعة وحساسات خلفية وست CD و MP3 وتدفئة للكراسي وبلوتوث وتقدر تفتح الجامة الخلفية المطلة على الحوض اتوماتيكيا وطبعا الحوض مجهز بغطاء راقي وفيه دوسات وغيره يعني مجهزة تجهيز كامل مب شرات الجمس تاخزة سلق من الخارج واي شي تباه بفلوس مثل دوسات وغطاء للحوض وغيره (من واقع تجربة)
بس للأسف لي عندنا ينزل بدون شاشة
السيارة أربع أبواب 4X4
المحرك 6 سلندر 4.0 يعني زين ولا بأس فيه
الجير 5 سرحات أتوماتيك
الضمان ثلاث سنوات او 60000 كلم وكذلك سنتين اضافيتين للمحرك والجير والدفريشن
الصيانة مجانية ثلاث سنوات او 60000 على جمييييع الأشياء
السعر بالنسبة للميتد فل ابشن
129 ألف
135 ألف مع بلوتوث
بس لما قلت للموظف بعطيك كاااااش اباها مع بلوتوث( بلوتوث وفويس كول)
والله ماقصر قالي بدخل على المدير وبرد لك
يابلي ياها ب 125 ألف مع بلوتوث أما بدون البلوتوث ب 119 ألف
أنا اتشاور على اللون الحمر او الأسود وابا رايكم بالسيارة وخصوصا لي مجربينها لاتقولون لي خذ F-150 لأني شفته وماعجبني حجمة وايد كبير
لكن لو هذا الوحش ينزل عندنا كان خذته وماتريت بس المشكلة ينزل في امريكا واسمه Adrenalin
موتر سته سلندر وعلى هذا البدي احس انه مافيه عزم
لو تجرب سواقته قبل لا تشتريه يكون احسن
الله يوفقك
ما احب الفورد ولا اسمع له طاري
لكن مع مرور الوقت وانتقال وكالة الفورد للطاير حبيت اجرب الفورد على استحياء
وعن تجربة شخصية بصراحة كنا ظالمين الفورد بسبب الوكيل وهي كسيارة ما عليها كلام
وانتشارها في الامارات يدل على ذلك وجربت الاكسبلورر وكانت نعم الرفيق للدروب الطويلة للعمرة وصلالة ودول الخليج وسواقتها حلوة في البلاد والسوق وعن البر بعد اشوفها تبيض الويه لو كنت دريول
ومثل ما قالوا الاخوان استخير وتوكل على الله وبالتوفيق والله يعطيك خيرها ويكفيك شرها
على ما اعتقد مكينته
V8 4.6
السلفرادو مايفرق عن السييرا اللهم الويه والشعار فقط