البث المباشر

30 thoughts on “البث المباشر”

1. صح كلامك يا بوشهد

   انته 100%

2. انا من رايي ان البث المباشر فكره حلوه وايجابيه

   بالنسبه للاخ بوعمر انا اشوفه انسان مثقف ومتمكن ومناقش جيد والله يعطيه العافيه

   والاخ جابر عبيد انسان واعي بمعنى الكلمه وله اسلوبه الخاص والممتاز في النقاش

   اما بالنسبه للاخ بو راشد في عيمان فانا اشوفه جيد ولا يوصل لدرجه بوعمر وجابر

   اسلوب بوراشد هو الرد على الناس بعد ما يبندون التلفون ويحط عليهم طيب ان كان في شئ ناقش معاهم عالهوا مب بعد ما يبندون

3. لكن كلهم في صوب وعبدالله بن خصيف في صوب
   كم بقول ما بوفي ومابروم أبرد حرتي
   يوم اييبون طاري شيخ او مسؤول يطلع المديح :
   (طال عمره بوفلان الله حق ما يقصر طويل العمر بابه مفتوح للكل)
   وهو عمره ما شافه او سارله فيقوم يجعم اللي يتصل ويطلعه غلطان

   واذا وحده تتصل ومن ضمن كلامها تقول اتمنى حد من شيوخنا النشاما يسمعنا .. يقولها:
   (طويلة العمر .. طويلة العمر مع احترامي لج بس ان الشيوخ ما ينزلون عمارهم للاشياء الصغيرة ومب ملزومين بديون حد .. ومحد ضربكم على ايدكم تاخذون ديون)

   لا ووحده متصله البارحه تصيح مسكينه وتشرح له معاناتها اويا ريلها
   طول المكالمة وهو يضحك عليها هو وهذا علي اللي وياه وانا اشوفهم طول المكالمة فالتلفزون

   ما قول إلا
   الله يهديك يا بوراشد
   من عقب ما قرقشوك بقرشين
   قمت تتمصخر عالخلق وتطنز عليهم
   ويخافون يتصلوبك وهم في امس الحاجة
   لانهم يعرفونك انك بتمسح فيهم الأرض

   الله المستعان

4. قبل فترة جايبين لقاء مع مدير قناة حسب علمي انها في المملكة العربية السعودية خاصة للبث المباشر وتابعة للملك عبدالله بن عبد العزيز لحل مشاكلهم القناة برعايته والمسئوليين يحلون مشاكل المواطنيين فوراً انتشار هذه القنوات انما دليل لشي واحد انه يتواجد مسئوليين لا يخافون الله ولا يطبقون القوانيين ويتم التلاعب بمصالح المواطنيين ولا يطبقونون القرارات ويفضلون الواسطة على القانون

   انتشار هذه القنوات والتي تكون تحت الرعاية الرسمية للحكومة او الشيوخ او الوزراء لكي يتم كشف اي تلاعبات او استهتار بمصالح الناس

   ارباب

5. و على فكرة لقد انتشر برنامج البث المباشر على مستوى الخليج ايضا

Comments are closed.