البث المباشر

30 thoughts on “البث المباشر”

1. انا من رايي ان البث المباشر فكره حلوه وايجابيه

   بالنسبه للاخ بوعمر انا اشوفه انسان مثقف ومتمكن ومناقش جيد والله يعطيه العافيه

   والاخ جابر عبيد انسان واعي بمعنى الكلمه وله اسلوبه الخاص والممتاز في النقاش

   اما بالنسبه للاخ بو راشد في عيمان فانا اشوفه جيد ولا يوصل لدرجه بوعمر وجابر

   اسلوب بوراشد هو الرد على الناس بعد ما يبندون التلفون ويحط عليهم طيب ان كان في شئ ناقش معاهم عالهوا مب بعد ما يبندون

   جابر عبيد نفس الشي بس وي المسؤولين بعد مايبند عنهم حش فيهم شويه واتمنى قبل مايحش يصارحهم ويواجهم

2. لكن كلهم في صوب وعبدالله بن خصيف في صوب
   كم بقول ما بوفي ومابروم أبرد حرتي
   يوم اييبون طاري شيخ او مسؤول يطلع المديح :
   (طال عمره بوفلان الله حق ما يقصر طويل العمر بابه مفتوح للكل)
   وهو عمره ما شافه او سارله فيقوم يجعم اللي يتصل ويطلعه غلطان

   واذا وحده تتصل ومن ضمن كلامها تقول اتمنى حد من شيوخنا النشاما يسمعنا .. يقولها:
   (طويلة العمر .. طويلة العمر مع احترامي لج بس ان الشيوخ ما ينزلون عمارهم للاشياء الصغيرة ومب ملزومين بديون حد .. ومحد ضربكم على ايدكم تاخذون ديون)

   لا ووحده متصله البارحه تصيح مسكينه وتشرح له معاناتها اويا ريلها
   طول المكالمة وهو يضحك عليها هو وهذا علي اللي وياه وانا اشوفهم طول المكالمة فالتلفزون

   ما قول إلا
   الله يهديك يا بوراشد
   من عقب ما قرقشوك بقرشين
   قمت تتمصخر عالخلق وتطنز عليهم
   ويخافون يتصلوبك وهم في امس الحاجة
   لانهم يعرفونك انك بتمسح فيهم الأرض

   الله المستعان

   وانا وياك بكل كلمه قلتها مانقول الا بس الله يهدييه

3. الله يهديك يا بن خصيف طايح ضحك على الناس يوم تتصل ومايعطيهم فرصه عسب يرمسون ويقولون الي بخاطرهم

   مره اتصلت حرمه المسكينه كانت تتشكى من حالها وجيه وهو طايح يضحك عليها
   ابا اعرف بس كيف استوا مذيع وين مقومات المذيع الي عنده
   اما راشد الخرجي وجابر عبيد ماعليهم كلام مذيعيين متميزيين وخاااصه راشد الخرجي
   الله يوفقهم ان شاء الله
   واتمنى بن خصيف يتعلم ولو شويه من راشد الخرجي ويودر عنه الضحك على الناس

4. الله يسترمن الي ياي
   البث المباشر صار وجوده والعدم واحد

5. لوكان هناك مكان او هيئة تتبنى المشاكل كان افضل
   مع العلم بان وزارة الشئون الاجتماعية هي التى مخولة بهذا كلة
   اتمنى من احد يسمع مشاكل الناس و يوجد لهم حل دون نشر تلك المشاكل عبر الاذاعات العامة
   وتكون سرية مثل فكرة الامين في شرطة دبي
   و نحن على استعداد لوضع الخطوات الاولى لهذه الفكرة لوزارة الشئون الاجتماعية

Comments are closed.