البــــحرين تمنع خدمة البلاك بــــيـــري*********

19 thoughts on “البــــحرين تمنع خدمة البلاك بــــيـــري*********”

1. اتمنى منــع ها الخدمــه عن جميــع التلفونات البيبيه ……

   ولو يمنعون البيبي بعد بيسوون خير ….بس لرجال الاعمال والناس العمليين ….
   
   فضحونا جمــاعه البيبي واليهالوه في المولات والدوامات والدوائر الحكوميه …..
   
   امس كمن وحده تداعم الخلق في الفستفال سيتي …. والدوامات كلها شات في شات ..
   
   وين تبون ..شو تبون …لين وين توصلون …شو فايدته البيبي ها ..غير المصاخه والخرابيط التافهه….
   
   اتحدى اي حد يقول لي ان الغالبية يستخدمونه في شي عصري او مفيد او عملي ….
   
   كل حد ياخذه عسب الشات والاشاعات والنكت والمصخره …والمغازل اولا وثانيا وثالثا واخيرن …
   
   لو يمنعونه …بيكسبون اجر ….بس مشكله اتصالات …. بيزات خساره ..خساره بيزات …لوول

   شـــــــــاو …

   والله المشكله تفكيرك ياخوي قناص سامحني .

   تدري اني واحد من المليون شخص مستفيد منه وايد
   لاني حاليا خارج الدوله . ومتواصل ويا اهلي وربعي 24 ساعه
   متى مابغيت حد من اخواني طرشتله على الماسنجر بلاك بيري
   متى مابغيت اسولف ويا ربعي وان شدهم عن الاخبار طرشتلهم على الماسنجر بلاك بيري

   الجهاز مفيد ومفيد جداً . سوى للتواصل او للتسليه

   حتى لو ماكنت مسافر . بخبرك ليش مفيد
   من غير التواصل مع الربع والاهل
   تبغي تستفسر عن شي معين او معلومه معينه مايباله طلع الجهاز وافتح على القوقل
   تبغي اترجم جمله معينه او كلمه انجليزيه طلع الجهاز وحط الكلمه وبيترجملك شو معناها
   بريدك الاكتروني شغال 24 ساعه .
   يالس بمكان وتتريا دورك طلع الجهاز وافتح برنامج جميع الاذكار او القران الكريم كامل او اي لعبه انته تحبها .
   ماسنجرك الي بالهوتميل اذا تبغيه شغال 24 ساعه .
   اي برنامج بخاطرك ياه موجود وتقدر تنزله ويفيدك وايد
   برنامج المؤذن
   برنامج التسبيح الاكتروني
   برنامج حصن المسلم
   برنامج القران الكريم
   برنامج معرفة الطقس
   مليون برنامج مابذكرلك شو البرامج الي بتيلفوني بتيود راسك

   يعني كمبيوتر صغير في جيبك .
   انا اقول للي ماجربه . جربه وخله عندك اسبوع واحد وشوف كيف استخدامه
   انا كنت ماحب اشوف شكله وخاص البولد الجديم العود
   لكن عقب ماشتريته وجربته وخذت البولد اليديد الي حجمه صغير
   كنسلت النوكيا تيلفوني الاساسي الي ماكنت استغنى عنه واستبدلته بالبلاك بيري
   تعبت من الكتابه
   لكن مش خساره الكتابه والمدح فالبلاك بيري يستاهل الصراحه

   دمت بخير

2. صباح الخير

   وجمعه طيبه

   البلاك بيري تقدم خدمات عده ومنها ماسنجر البلاك بيري

   في البداية كنت اسمع قبل ما استعمل البلاك بيري من الناس عن المساوئ وتكونت عندي فكره سلبيه عنه

   وبعد ما خذيته اصبح لي وسيله للتواصل مع كثير من الاشخاص انقطعت علاقتي بهم واصبحت سطحيه

   يمكن البعض يقول يعني البي بي رد العلاقه ..

   اقول نعم رد وبشكل افضل بكثير ..

   وقت ما احصل احد من الاصدقاء القدامى اسأله عن البن كود

   واضيفه عندي ونسولف وقت ما نحصل فرصه

   اطرشله ويطرشلي اللي عنده مو شرط الوقت

   هو يقرأ اللي اقوله في اي وقت وانا كذلك

   وبعدين ..

   تطورت بالاضافه للاصدقاء اللي ضفتهم وردت علاقتي وياهم ..

   سويت فئات من كل الدول الخليجيه

   وطلب من الجميع عدم ارسال اي برودكاست ( يعني رسائل )

   وقمت اطرش الاخبار والاحاديث والاذكار ومنوعات ..

   انا ما استقبل الا من الربع والباقيين هو يستقبلون الاخبار

   طعباً الاخبار عن طريق مواقع رسميه مثل وام وصحف مثل الاتحاد والخليج ومواقع عالميا مثل سي ان ان والجزيرة وايلاف وغيرهم من المواقع

   الاخبار عن طريق برنامج رس

   الحين الاضافات عندي كبيره كل يوم ما يقل عن 4 إلى 7 اضافات

   طبعاً اللي يطرش شي غير مفيد ومو عاجبني احذفه

   بعد هالقصه اللي كتبتها ..

   برايي اني استفدت من خدمة الماسنجر للبلاك بيري

   اما عن باقي الخدمات فاكيد منها فائده اذا كنت احتاجها

   ياسلام ياخويه هذا الرد الطيب الي يثلج الصدر الصراحه وفعلن الناس فهمتنا انه شي سىء بس بعد كلامك بالعكس اشووفه وايد مفيييد .

3. صباح الخير

   وجمعه طيبه

   البلاك بيري تقدم خدمات عده ومنها ماسنجر البلاك بيري

   في البداية كنت اسمع قبل ما استعمل البلاك بيري من الناس عن المساوئ وتكونت عندي فكره سلبيه عنه

   وبعد ما خذيته اصبح لي وسيله للتواصل مع كثير من الاشخاص انقطعت علاقتي بهم واصبحت سطحيه

   يمكن البعض يقول يعني البي بي رد العلاقه ..

   اقول نعم رد وبشكل افضل بكثير ..

   وقت ما احصل احد من الاصدقاء القدامى اسأله عن البن كود

   واضيفه عندي ونسولف وقت ما نحصل فرصه

   اطرشله ويطرشلي اللي عنده مو شرط الوقت

   هو يقرأ اللي اقوله في اي وقت وانا كذلك

   وبعدين ..

   تطورت بالاضافه للاصدقاء اللي ضفتهم وردت علاقتي وياهم ..

   سويت فئات من كل الدول الخليجيه

   وطلب من الجميع عدم ارسال اي برودكاست ( يعني رسائل )

   وقمت اطرش الاخبار والاحاديث والاذكار ومنوعات ..

   انا ما استقبل الا من الربع والباقيين هو يستقبلون الاخبار

   طعباً الاخبار عن طريق مواقع رسميه مثل وام وصحف مثل الاتحاد والخليج ومواقع عالميا مثل سي ان ان والجزيرة وايلاف وغيرهم من المواقع

   الاخبار عن طريق برنامج رس

   الحين الاضافات عندي كبيره كل يوم ما يقل عن 4 إلى 7 اضافات

   طبعاً اللي يطرش شي غير مفيد ومو عاجبني احذفه

   بعد هالقصه اللي كتبتها ..

   برايي اني استفدت من خدمة الماسنجر للبلاك بيري

   اما عن باقي الخدمات فاكيد منها فائده اذا كنت احتاجها

4. خبر كاذب
   البحرين منعت شخص ينشر الاخبار المهمه والعاجله الخاطئه مثل موضوعك هذا
   ارجو التأكد لو سمحت لأن الردود احيانا لا تليق وتسبب كلام ماله داعي تطور ومادري شو اشياء ما تخص البحرين والحمدلله المملكه راقيه عن هالاشياء

   حبيبي احترم نفسك وردك لو سمحت يوم بتكتب فموضوعي انا ماتهمت حد ولا كنت سبب لللاشاعات انا نقلت الخبر من جريدة الامارات اليوم تقدر تدخل وتتأكد وتحاسب الصحفي ولكن ماسمحلك تحاسبني انا؟!؟!؟!

   ط§ظ„ط¥ظ…ط§ط±ط§طھ ط§ظ„ظٹظˆظ… – ط§ظ„ط¨ط*ط±ظٹظ† طھظ…ظ†ط¹ ط®ط¯ظ…ط© ط§ظ„ط¯ط±ط¯ط´ط© ط¨ط§ط³طھط®ط¯ط§ظ… ط£ط¬ظ‡ط²ط© ط¨ظ„ط§ظƒ ط¨ظٹط±ظٹ

5. خبر كاذب
   البحرين منعت شخص ينشر الاخبار المهمه والعاجله الخاطئه مثل موضوعك هذا
   ارجو التأكد لو سمحت لأن الردود احيانا لا تليق وتسبب كلام ماله داعي تطور ومادري شو اشياء ما تخص البحرين والحمدلله المملكه راقيه عن هالاشياء

Comments are closed.