مساكم الله بالخير اخوانى , من اسبوعين تقريبا كنت حاضر البرزة فى قصر سيدى صاحب السمو الشيخ محمد بن زايد ولي عهد ابوظبي الله يحفظه عشان كان عندي موضوع, ولكن للاسف ما تشرفت بمقابلته ولكني تشرفت بمقابلة واحد من اصحاب السمو الشيوخ اخوانه الله يحفظهم , المهم رمسته عن موضوعي وقال لى ابشر وفالك طيب وحطيت الطلب جدامه واستاذنت من سموه وظهرت , واليوم اتصلوا فينى من الديوان وطلبوا مني بعض الاوراق الثبوتية .
سؤالي لكم وخاصة لاصحاب الخبرة اللى تشرفوا بمقابلة اصحاب السمو الشيوخ الله يحفظهم شو اللى بيستوي بعد ما اعطيهم الاوراق المطلوبة يعنى شو الخطوة اللى عقبها ومشكورين طالت اعماركم.

9 thoughts on “البــــــــــــــــرزة”

  2. اخوي اصبر ولكن لا تنسى اتراجع ديوان الشيوخ وتستفسر كل فتره

    صار لي نفس الشي والحمدالله

    واقولك مبروووووووووك مقدما والله يخلي شيوخنا

  3. الأعضاء وفو وكفو

    بس حبيت اقولك أنه أوراقك باتنعرض على اللجنه بعد ما تكملها من الجهات المعنيه على حسب الحاله

  4. مرحـبا أخويه ..
    مدامـ قالكـ ابشر وفالكـ طيب..
    ان شاء الله اموركـ بـ تمشي..
    الحمدلله.. شيوخنا مايقصرون ولا يردون حد ..
    واعتقد انكـ قابلت سمو الشيخ حامد بن زايد ..

    ودامـ اتصلوا لكـ .. ان شاء الله بيخبرونكـ كل شي ..
    بس انت وصل لهمـ الاوراق ..

    الله يوفقكـ أخويه .. وتلقى مبتغاكـ ..

Comments are closed.