بسم الله الرحمن الرحيم
السلام عليكم ورحمة الله وبركاته
اللهم صل على محمد وعلى آله وصحبه أجمعين
وأتمنى محد يزعل من كلامي أو يتحسس من موضوعي
أعتبر كل العبايات الي ظهرت الآن مهرجة ومضحكة وكل يوم تتطور في كل شهر تقريبا بشكل هب طبيعي ابدا ..
وفي بعض البنات مريضات كل شهر تشتري عباه فوق 800 درهم توصل 1000 أو 1500 أو 2000ليش ؟؟؟؟؟
مب حرام !!!
هذي العبي عبي مهرجه يعني وين بتوصل كل يوم تطلع موضة عمياء وفاسدة هالموضات السخيفة ؟!
أول شي ظهرت لنا العباية الفرنسية وبعدين الفراشة وبعدين الي مبنده المخصره شوي !!! وبعدين المخصرة مرة على الجسم !! كنها مثل لبس السيرك ! ( بدون تعليق طبعا الكل يفهم شو المقصد ! مجرد عبايه ) !!! وبعدين الحوت !! والحين الكم المفتوح ؟؟؟؟؟؟؟؟؟؟؟ والزنود تبين نص الذراع واليد نظيفة !!! الله عليها محلاها !!!! تقول شوفو ايديني !!! عادي بكل جرأة تلبسها في الشغل أو في المراكز
تفكير مؤسف جدا ومخجل ويفشل لهذه العباية !! عبايه مصخره بالقوو!!!
للأسف الشديد هذي الي تلبس العباية هي مب عباية هذي فستان !!!! وشوهوا اللباس الشرعي للعباه وشوهتو سمعت العبايه بهالطريقة كل وقاحة تعرض جسمها ونفسها تقول أنا هني !!!!! …
هل هو تفاخر عندج هالعباه قلدتي فلانه أو قلدتي فستان !!!
إذا كان كل وحدة عندها ايمان والتزام بحدود اللباس … محد رح يتعرض لها ولا رح ينتبه لوجودها…
صحيح زمانا زمان فيه الكثير من التطورات والتقدم لكن كل شي له حدود …
والله الوحدة باحتشامها ولبسها الشرعي تكون مصانه وجوهر مكنونه لؤلؤة تنحفظ وتاج تنحط على الراس
العباه ذلك الرمز الذي يدل على الدين والاحترام والحشمة … أصبح عنصرا من عناصر الكشخة … وكأن العباية جزءا من الاكسسوارات التي تتقلدها المرأة !!
ما أجمل أن نأخذ من العفاف سياج!!!
و هنا أتوقف … وسؤال ؟
بالنسبة للرجال : لما لا تمنعون نساءكم او خواتكم عن هذا التبرج الفاضح ؟!!؟
أما النساء: لما لا تعرفن قيمة هذا الحجاب الشرعي و تلتزمن به ؟!!؟
الهدف الحقيقي من هذا الموضوع هو عرض نصيحة موجهه للنساء وللرجال أيضا لكل أخ غيور على عرضة … و فيها نصيحة وتذكرة و موعظة لهن …
اللهم استرنا بالحجاب في الدنيا واجعله قصدنا منها طاعتك لا عادة تبعنها …
اللهم انا نسالك الثبات فوق ارضك وتحت ارضك ويوم عرضك …
نسأل الله أن ينفع بها و أن تكون سبباً في هداية نساء المسلمين .. اللهم آمين
ما شفتوا عباة لويس فيتون وفندي وبيربري
المحاسب أولا وأخيرا والد وأخ وزوج هذي السافرة اللي تجرأت ولبست لبس المهرجين بدون حشمة وصدقت المصممين التافهين
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
شكرا على هالموضوع الطيب اخوي واتمنى من جميع خواتنا التوقف عن المصخره والعبي الفاتنه والخــــــوف من رب السماء يوم تندم في يوم لاينفع الندم وياليت كل بنت تعرف انه كل بنت تقلدها في عبائتها احتما لوالله اعلم انها تكسب ذنبها فالوحده تستر عمرها افضل من كسب الذنوب ومحد ناقص كسب ذنوب
يزاك الله خير
لي متى انعلق ولي متى نتكلم ولي متى احلى شي العباه اللي عليها قطع جيييينز هههههههه شو هالمصخره
صح كل وحده بدت تلبس من هالعبي تستوي مصخره
اذا نصحتي حد قالج ما يخصج كيفي او امي و ابوي موافقين ليش تدخلين
يعني مفتخرين بهالشئ..
و احين اخر موضة العبي اللي سمعت فيها و كانوا حاطنيها على قناة دبي
ما اعرف في اي برنامج بس كانوا يطلعوا كل شوي موديل عباه ما اعرف من تصميم منو
انه العباه السوده توصل لين الركب و الباقي يكون من قطعه ملونه ثانيه !!!!!
او العباه كلها سودا و من الخصر و نازل اي ع شكل مثلث لون ثاني من الصوبين !!!
هل هذا منظر عباه !!؟
في البدايه انا اتحسبت انها لابسه عباه مفتوحه و ثيابها امبينه عقب اكتشفت انها عباه
انا وايد علقت على مثل هالمواضيع و تعبت ماله داعي ارمس زياده
في الاول و الاخير السبب من الاهل
و الله يهدي الجميع
مشكوووووووووووور ياخوي ع الموضوع لاتلوووومون البنات لوموا الذكور مب الرجال الي هي يوم تشوفه تقول رجل ولكنه ذكر بس بخصوص بعض الذكور هالزمان يبا حد يصلبه اذا الريال هالوقت يطلع من البيت بكندورة مخصرة وضيقة تقول سترج وين ماتبون تتطلع جيه البنت بس الله يستر من الي بيي