السلام عليكم و رحمه الله وبركاته
شحالكم ؟!!
اممم
ياليت حد يفيدنا ،، عندي بنت أخت صغيرونه عمرها 8 شهور
و تقول أمها دوم ترقد ساعه و تنش من الرقاد متروعه شكلها تشوف كوابيس
أخوها اللى أكبر عنها قالت كنت أقرى عليه أيه الكرسي و المعوذات و الحمد لله صار أوكي
بس البنوته حليلها مافاد وياها اللى فاد في أخوها ،،
ياليت اللى يعرف لنا حـل يخبرنا ،،
ع فكره أنا دورت في قوقل ،، بس مالقيت شئ
أصلن ماعرف شو اكتب في البحث !
مشكورين مقدما 
ولدي نفس الشي.
هذا يصير للياهل اللي نشاطه زايد شويه وقت اليقظه.
لا تخافين، المخ في هذي المرحله يالس يبني و يتخيل، و يختلف بناء العقل من طفل لآخر.
مثل ما الكل عارف إن كل كلمه لها معنى،
مثال، إذا قلتلج كلمه مثل “تفاحه”، إنتي على طول بيي شكل التفاحه الحمراء على بالج. هذا صار من خلال ربط مخج للأسماء بالأشياء.
بينما الياهل لازال ما عنده هذي الخاصيه، أو لنقل إنها في بداياتها. يعني المخ يتعب عشان يربط.
الموضوع طويل و متشابك، بس حبيت أعطيج مجرد لمحه.
على فكره،
كثرة المفاتن على الياهل يسبب هذي الحاله بعد.
و إذا على ماي زمزم، إختي و ريلها يايين من العمره من يومين، إن بغيتي دبة ماي قوليلي، بطرشلج إياها على الأرمكس (ببلاش).
اشحالج ؟؟؟
وعن الصغيرونه ما فيها الا العافية ان شاء الله
بس اللي اعرفه انها مثل ما قلتي كوابيس
اقروا عليها ولا تنسون طبعا الرقية الشرعية …..
ولكن في شيء مهم…
لا تصرخون باصوات عاليه في النهار يعني لا تخوفونها حتى لو بمزح
لان دايما اسمع الحريم يقولون لما تخوفونهم في النهار او يسمعون اصوات عاليه
يفزون في الليل وهم يصرخون خايفين …وبس
وما عليها شر ان شاء الله
والسموووووووحه
مع كل الود
اختكم
سهمي عالي
ماي زمزم بتحصلينه في مكتبة البلاغ في جميرا وراء الجمعيه اذا انتي من دبي
بخصوص حبة البركه حطيلها بالحليب
الله يحفظها ان شاء الله …
ان شالله مافيها إلا العافية
في بعض الاطفال ايون متعبيـن لين يكملون سنه واكثر