البنوته تخاااف // شو نسوي ؟!!

29 thoughts on “البنوته تخاااف // شو نسوي ؟!!”

1. عليج بالمعوذات
   وخليها تقرى فالغرفة قرىن وايد عسب تطرد الشياطيين

   و الرقية الشرعية بعد

   انا ولدي نفس الشي
   بس الحمدلله مافيه شي…مرات يناقز لانه يستكر ما يتنفس.. عطونا دوا والحمدلله احين وايد احسن عن قبل…!!

2. انا بعدني حتى ما عرست وصارلي فترة طويلة ما يلست عند ياهل حتى

   لكن مشكورين وجزاكم الله الف خير استفدت من كلامكم وايد حق المستقبل

   وانشالله البنوتة ماعليها الا العافية وماتشوفون عليها الا كل خير

   والسموحة

3. السلام عليكم ورحمة الله وبركاته

   موضوع بكاء الطفل في مثل هالعمر طبيعي

   مافي داعي للخوف

   فقط .. للاطمئنان انصح بعرض الطفل على طبيب اطفال

   وبخصوص قراءة القرآن وإزالة الصور والتماثيل واجبةحتى بدون بكاء طفل

   أسأل الله أن يبارك في طفلكم وينبته نباتا حسنا ويجعله قرة عين لوالديه

4. الظاهر حد يلعب وياها لعبه تخوف

   يعني دوم يخوفها وجيه بقصد اللعب وياها

   او تضحكونها طول اليوم

   ترى اذا الياهل ضحك طول اليوم ما راح يقدر ينام بسهوله وبيتم خايف طول الليل

5. حطي الراديو على أذاعة القرآن الكريم ديم
   ولا تطفونه خلوه ديم شغال
   ولا تصكون الأبواب عليها خلوا الأبواب مفتوحه
   ولا تطفون الأنوار عليها خلوا الأنوار واللمبات مضيئة
   أضاءة متوسطة وأنتبهي تصير الغرفة مظلمة
   وكل أشوي طلوا عليها وسووا حركة في غ
   الغرفة اللي تنام فيها على طول وخلكم قريبين
   من الغرفة دايم
   وحطي تحت راسها مصحف
   ووديها لشيخ إن أمكن شيخ وليس أي أحد
   يقرأ عليها
   ما أبي أقول أكثر عشان ما تتروعين
   سوي اللي اقوله وبتصير أحسن بأذن الله

Comments are closed.