بسم الله الرحمن الرحيم
بخصوص البيع والشراء فالمنتدى للاسف كأن الناس تسير تشتري او تشوف السلعه
فالمحلات وتيي تعرض السلعه فالمنتدى بفايده غير معقوله هذا اذا ماكان دبل السعر
يعني بالعربي اكثر اللي فالمنتدى اللي يبعون البضائع يكونون اخس عن الهنود ماخذين فايدتهم
في اشياء كثيره فالمنتدى انعرضت وكل ماافكر اشتري شي امر على المحلات وانصدم بسعر
الجماعه اللي فالمنتدى اقرب مثال البارحه في وحده عارضه
طاولات لاب توب بــ 120 قلت قبل ماشتري
خلني امر محلات الكمبيوتر مريت وقالي الهندي بــ 80 نفس الطاوله بالظبط
ومره كانو عارضين عدة اعضاء وعضوات سلعه ادري لو قلتها بيحذفون الموضوع المهم
كل ماسألهم عن السعر يقولون 300 درهم ولا درهم ينقص وفايدتنا بسيطه قلت قبل ماشتري
خلني اسير اسأل في المحل اللي يصنع هالسلعه مريت على المحل قالي بـ 180 درهم
قلتله شي طيب والله قالي فالنت يبيعونها بــ 300 على طول تذكرت المنتدى وبعض التجار
اللي ييبوون السلع من الخارج على قولتهم هههه وفالنهايه تطلع من اقرب محل من بيتهم
يعني انا لو تاجر وبعرض بضاعه بعرض بفايده معقوله حتى لو انك تشتري من المحلات
المحل لو تاخذ منه كميه بينقصلك وببيع بنفس سعر المحل او بفايده معقوله مب دبل
ولابييب سعر مميز احسن عن المحلات اكثر كلام الناس هالايام ان فالنت اكثر السلع
رخيصه واسعار مميزه فالنت والناس مساكين يشترون من المنتديات العربيه على بالهم
ارخص عن برع بخصوص المواقع الاجنبيه للبيع والشراء فعلن اشوف اسعارهم مميزه
وارخص عن برع
فنصيحه مني لجميع الناس اللي يشترون من المنتدى اقولهم قبل لاتشتري شيك
على المحلات ومتأكد 90 فالميه ان سعر المحلات بيكون انقص.
الله يعيني على بعض التعليقات
السموووحه منكم
هذا الواقع والله يستر
اشكرك على تعليقك عالموضوع
شي اشياء بعشر بعد وسعر التوصيل 35 هههه
اشكرك على تعليقك عالموضوع
أخي العزيز / انا أوافقك الرأي وأن بعض الناس لا تحب إلا الربح الكثير مع إنه لو وضع 10 أو 20 درهم ع السلعه فايده له، هو الربحان كونه بيبيع من خلال النت أو بالمتاجرة الإلكترونيه إن صح التعبير لا يدفع إيجار محل ولا ترخيص ولا أي شي يلزمه انه يحط لمت معين للسلعه لكن ياخي انت ما تقدر تمنعه كل واحد حر في بضاعته وكل واحد له سياسة عمل معينه اقل ما فيها بيقولك روح اشتري من السوق اذا انت معترض !! والتجاره شطاره، والشي الآخر الي نحطه في الحسبان. ان الان في وقتنا الحالي الزحمة، مب محتاج اقولك الواحد نص وقته يروح وانت بعدك في السياره فإنت ويالس في البيت ع الكمبيوتر وبتدفع إيجار التوصيل بتوصلك السلعه لحد عندك في البيت وهذي الوسيله سريعه ومريحه وكل واحد له طريقة في الشراء .. وجهة نظر …
كلامك ميه في الميه
والبعض يدبل السعر مرتين