حياكم الله وعساكم على القوه

…

هالموضوع سبشل لبنوتات المنتدى

قبل كل شي ابي اقولكم سالفة العنوان..

قبل كم يوم سلمكم الله كنت طالعه من البيت واشوف ولد مزيوووون ماشاء الله عمره تقريبا
4 سنين لابس ثوب وشماغ وكااااشخ سالته شسمك حبيبي ..قالي بصوت جهوري

( فلان بن فلان الشمري واللي مايعرف ا لصقر يشويه )

قلت له يابعد حيي والله والنعم بالشمامره .. بس هذا اسم جدك ؟؟ قالي لاااااا يعني اللي مايعرف الصقر يشويه وياكله ..أفحمني بصراحه ..

وعرفت صدق أن اللي مايعرف الصقر يشويه

….

نرد لصلب لموضوعنا

اليوم كنت رااايقه وقلت خلني أطبخ غدا عليه الكلام ….

وسويت طبخه سعوديه ميه بالميه ..أسمها بُف .. وهالطبخه نسويها برمضان عادةً يعني

اليوم مانسوي فيه سمبوسك نسوي بُف وهلم جره لين يجي آخر الشهر وحنا كل

واحد زايد4 كيلو اذا مو أكثر ..

وبما أني رايقه صورت لكم .. ولسان حال شغالتي يقول عساها بخير المدام .

…..

بالبدايه أقولكم المقادير..
مقادير الحشوه ..(لحمه مفرومه +بصل +بهارات وملح ,تسوى على النار ويضاف لها كميه كبيره

من البقدونس قبل وضعها بالعجينه )..

مقادير العجينه..

(5 كاسات دقيق+ ملعقة سمن+ملعقة كسترد+ صفار بيضتين + كاس ونص ماء+شوية ملح)

..

ناسيه أصور البيض ومصوره لكم الماي بس تعرفون البيض ولا مووو ؟؟ههههههه

..

طبعا العجينه تعجن بالعجانه لانها هلاااااك لو انعجنت باليد

لانه المفروض تكون قاااااااااسيه .. وتعجن شوي ونخليها ترتاح ربع ساعه

ونرد نعجنها على سرعه أعلى<<.شالحكمه من انها ترتاح مادري

وهالعجينه نقدر نلفها بالنايلون ونحطها بتبرويت بلاستك ونفرزنها لمدة شهر..

..

ودعواتكم

3C/P>

9 thoughts on “البُف ..واللي مايعرف الصقر يشويه..”

  1. ياااااااا حظهن المكرشات بالمنتدى …

    موضوع … سيدا .. ساوي … طوالي .. مباشر .. في الصميم >> لزيادة الوزن .. و


    طبعاً ما أقدر أقيم … إلا بعد تذوق .. حبة بــــــف

    رووعـــة أعطيك العنوان .. عشان التوصيل ..

    تسلم يمينك ويسراك على الموضوع والشرح المفصل .. ( كتاب الطبخ )

  2. ماشاء الله عليج وتسلم ايدج بس بصراحه احس وايد فيها عيان وطباخ

    وانا احب الشيء السهل

    هاتيلنا سوالف سهله نستفيد من وراج ^_^

    وتسلم ايديج


  4. يالمسواك متعرفي اني عامل رجيم لازم هذي الحركات الي تحرق الاعصاب اخر اليل بكره صلحيلي كبده حاشي

    سلمت يداكي يامونليكس

    ههههههههههههه ماعرفنا لكم

    حطيت لكم برنامج رياضي وصحي قلتوا كلنا ضعاااف وبنختفي ..

    حطيت لكم أكل قلتوا لااا مسوين رجيم ..

    ئئطع نفسي يعني

    ونعم الرجيم مع كبدة الحاشي هههههه

    …..

    تسلم أخوي رحال وأنتبه لاتختفي

Comments are closed.