التجمعات الشبابية في ستار بوكس ؟!!

19 thoughts on “التجمعات الشبابية في ستار بوكس ؟!!”

1. وين بحصل فرابتشينو موكا شرات ستاربكس

   بس ترى ستاربكس مش موجود هنا في ايطاليا المشهورين بالقهوة.

   بس الزحمة شي عادي لانه مشهور.

   افا عليك ياخويه

   بس لو تشد حيلك حبتين انته

   وتجرب كوفي غيره بتنسى شي اسمه فربتشينو !!

   لأنه عادي جدا وانا ماشوف فيه هالحلاه الي هم يطروونها !!

   صحيح الناس اذواق .. بس وايد مبالغ في وصفه بالنسبه لغيره من الكوفيات !!

   مشكور على مرورك

2. ان من الناس اللي يقعدون في الكوفي يوميا، صار شي روتيني في حياتي. وقعدتنا كلها في ستار بكس للاسف…

   طبعا ستار بكس ما يعتبر كوفي راقي ولا يستخدمون “بن” غالي بالعكس يستخدمون ارخص انواع البن حتى مشروب الكوفي ما يكلفهم اكثر من درهم او درهمين وينباع بـ 18 و20 درهم وكل 6 شهور او سنة يرفعون السعر بعد ما كان قبل كم سنة المشروب ينباع ما بين 8-11 درهم. ومن ناحية الديكور..الطاولات والكراسي خشب من النوعية التعبانه مصممة لقعدة 10-15 دقيقة وانت مروح. لكن بسبب اختيارهم مواقع استراتيجية ومميزة..هالشي ساعد على انتشاره خاصة في مناطقنا…والشباب ما شاء الله لزقه عالكرسي بالساعة ساعتين…

   كيف تعرف ان الكوفي اللي يستخدمونه من النوعية التعبانه؟ اطلبوا كابتشينو او كافيه لاتيه…وبتعرفون انهم فعلا ما يخصهم بالكوفي…لكن المشاريب المعروفه عندهم هي اللي اتي عليها اضافات مثل كراميل والاشياء الثانية فـ تغطي على طعم السئ للكوفي.

   الحين تقولون طايح فيهم طيحة واخر شي كل يوم تقعد عندهم ؟ ….
   انا من النوع اللي ما احب يلسة ميالس…اغلب ربعي يحبون يقعدون في ستاربكس..حاولت اقنع فيهم انغير لمكان ثاني لكوفي ارقى لكن ما شي امل..والله ظهري قام يعورني بسبة كراسي ستار بكس…مادري شو جابرنهم يقعدون على كراسي خشب…

   موضوع مغازل الشباب..بتكلم عن المكان اللي اقعد فيه كل يوم بدون ذكر اسم المكان
   من سنين نقعد في هالمكان لكن من فترة سنة تقريبا ..اخترب المكان بالمرة وبشكل فظيع…قاموا اييون شباب ويهال مادري من وين طالعين..وعالوييكند اخس ..مول مب اشكال قعدة كوفي..لا يحشمون بنات الناس..اتقولون اول مرة في حياتهم يشوفون بنات…يعقون رمسة يوم بنت اتطوف وتعليقات سخيفة ويلاحقون البنات ويرقمون بالغصب…لدرجة ان نحن كشباب نتضايج من هالتصرفات..حتى مرات يوم نشوف هالاشكال تقعد في الكوفي ويتحرشون بالبنات على طول نطلع نروح مكان ثاني..مافينا بعد يتحرونا منهم وتتشوه سمعتنا..

   وبعدين البنات الله يهديهن يلبسن لبس..كانها الوحده كاتبها على يـبهتها غازلوني بليز

   لووووووووووووووووووووووووووول

   

   ” وشهد شاهد من اهله “

   احييك بصراحه..

   وصحيح هالتصرفات تطلع من المراهقين اكثر ما انها تكون من الكبار .. ماقولك ماشي ناس كبار ما يسوون هالشي… بالعكس شي ..بس المراهقين تلقاهم على حبتين زياده.. لأنه تصرفاتهم عفويه وما يفكروون قبل لا يقولون الكلمه يعقونها سواء زينه او شينه .. الله يهدينا ويهديهم..

   اني ويز..

   الله يعينك على يلسة الكوفي وكراسيهم التعبانه..

   والله يجمعك انت وربعك على الخير ان شاء الله

   وقوّاك الله ..

3. الكافيه عادي والجلسة فيه عادية ومتعة إذا كانت بقصد الأكل والشرب شرات باقي الناس

   بصراحة هناك فرق كبير بين الأجانب مثلا وبين (بعض ) الشباب
   ركزوا شوي وشوفوا الأجانب كيف يلستهم وكيف يستمتعون باليلسة وبطريقة عادية
   وغير متكلفة ..
   وشوفوا بعض الشباب مب كلهم كيف يالس وكيف مضبط السفرة وفاتح الجريدة أونه يقرأ
   وعيونه ماتقر في مكان تقول يمثل مشهد جاسوسي وتلقاه بس تمر بنت تتغير قسمات ويهه
   وإذا مروا شباب ينكس راسه وينزل عيونه

   ياأخي كل الناس يلاحظون كل شي خلك طبيعي مثل كل الناس

   تصرف بعفوية وحافظ على شخصيتك وخلك طبيعي وتقهوى وارتاح ونش وخل غيرك ييلس عقبك
   ولا تتسبب بالزحمة وحجز الكراسي والتأثير على أرباح الكافيه خاصة إذا كنت ويا شللة

   عن أبي سعيد الخدري أن رسول الله صلى الله عليه وسلم قال إياكم والجلوس بالطرقات قالوا يا رسول الله ما بد لنا من مجالسنا نتحدث فيها فقال رسول الله صلى الله عليه وسلم إن أبيتم فأعطوا الطريق حقه قالوا وما حق الطريق يا رسول الله قال غض البصر وكف الأذى ورد السلام والأمر بالمعروف والنهي عن المنكر .

   مب تشغل الرادار وتتسبب بالضيج للناس لأنه أكيد ماحد يحب حد ينظر له بفضول
   وخاصة بنات الناس مب يايين المول عسب تتفرج عليهم انت وغيرك

   مشكورة اختي على الطرح الممتاز
   موفقة بإذن الله … لك مني أجمل تحية .

   اللهم صلي وسلم على سيدنا محمد وعلى آله وصحبه أجمعين يا رب العالمين..

   هي والله ياخوويه صدقت..

   متعته إذا كان الي قاصدنه شرات باقي الناس للشرب والاكل وتغيير الجو

   مش للفت الانتباه والازعاج والحشره و النظرات الي شرات الرادار ومضايقة العامه..

   تسلم ما تقصر على الاضافه.. وشاكره لك مرورك
   

4. مرحبـآ اختي

   شكرا لج عـ هـ الطرح ..

   بصراحه قريت موضوعج كامل و حاولت اظهّر منه مشكله معينه ما لقيت .!

   و لا فهمت لـ شو تبين توصلين بالظبط .؟

   هل المشكله ان ليش الخلق يسيرون هالكوفي دام انه عادي و قهوته عاديه و سعره غالي .؟!
   << هذه بيزاتهم و هذا ذوقهم ومافي اي شخص يقدر يجبرهم يسيرون كوفي غيره ..

   هل المشكله ليش هالشباب يسيرون يوميا او حتى ما يقدرون يتريقون الا في هالكوفي .؟ّ
   << اكيد انعجب في اكله و استحلى هالريوق .. وما اعتقد هالشي يسبب اي ضرر لج او لـ اي شخص ثاني ..

   هل المشكله إن هالكوفي سياسيته ذكيه و عرف كيف يسحب هالـ ( هبلان ) شرات ما تقولين .. و اختار مواقع استراتيجيه و دفع عليها ايجار اكر .. و صمم ديكورات و ديزاي احلـى و اكيد دفـع عليه اكثر .؟!
   << هذه سياسة كل تـآجر و الشـآطر يفهمم ..~

   وإلآ المشكله إن الشباب قاعدين متيمعين و يسولفون .؟ او بعضهم زاد عن حده و ارتفع صوته .؟!
   ستار بوكس مـآله اي دخل في الموضوع لأنه محل و يبغي يبيع النـآس كوفي و قعده حلوه ..
   و الشباب من حقهم يقعدون و يسولفون .. و اللي يزيد عن حده المفروض السكيورتي في المركز او المول .. او التحريات يتصرفون وياه << يعني شغله امنيه بحته لا دخل لـ ستار بوكس فيهـآ ..

   يمكن تكون المشكله في إن كل واحد في الكوفي يطالع الثاني او كل واحد يحاول يتحرش في الجنس الثاني و ييررقم و يسوي و و و و و إلـخ إلـخ ..؟!
   يـآختي هالشي موجود في كل مكان .. و اللي ستار عـ عمره الل يستر عليه من فوق سبع سماوات ..

   و إذا البنت سارت هالكوفي و هي [ محشّمه ] صدقيني مافي اي شخص يقدر يقولها اي شي .. و لو واحد تجرأ و سوا هالشي تقدر تتصرف تصرّف بسيط جدا ما ياخذ منها الا ثواني ..

   تتصل 999 و تطلب المكتب الأمني في المول اللـي هي فيه .. و تقولهم صاير كذا كذا في المحل الفلاني و ثواني و بتلاقي شرطي مواطن بـ ثياب مدنيه و بيسحب هالشخص اللي تحرش فيها او الها شي ..و كـآن الله غفوراً رحيمـاً ..

   المشكله الأخيره اللي اعتقد انها سببت لج الغصصه ..

   إن البنـآت يتعمدن ايلّس حذال الشباب او العكس ..
   ياختي دآم هالبنت او شلة البنات هذه يبغون يسوون هالشي .؟ شو نقولهم يعني .؟ دخيلكم لا تيلسون حذال شباب .؟

   في النهـآيه .. اختي هـ الكوفي بعـدن ما شريته عشان ادافع عنه .. لكن هذا هو الواقع و غلط إنّـه نلـوم شيء او شخص مـآلـه اي ذنب ..

   الغلط و العيب فينا نحـن كـ بشر .. و كل واحد يحاول يصلح نفسه و اهل بيته و ربعه قبل لا يفكر يتفاتن ويا عامة الناس و يحاول ينصحهم عن الجلوس في الـ ستار بوكس كوفي شوب ..

   و همسـه اخيره .. انا ما دخلت هالكوفـي إلآ مرآت معدوده تنعد عـ اصابع الإيد الوحده .. و شخصيتي ما بقيسها عـ جلوسي في مثل هالأماكن ..

   و شكـرآ على حسـن الاستماع ..

   شكرن على المرور يالفيلسووف
   

5. كوفي راقي ومشروباته سواء البارده ولا الساخنه ولا ارووع .. وبالنسبة لمشكلة الزحمه ترى في كوفيات ستار بكس بمولات تكون تقريبا فاضيه او حتى فيها ناس ينعدون عالاصابع خخ دعايه للبنات مثل اللي في ابن بطوطه او مينا السلام حلووه القعده فيه لا حشره ولا ضرابه ولحد يدوخ زقاره عدالك يأذيك ..

   وعلى قولت دكتورنا في الجامعه if u want to make a relation go to starbucks

   ماشاء الله دكتوركم ف الجامعه شاطر ف اعطاء النصايح لنه عارف انه هاذا الواقع ..

   تسلم على مرورك ياخويه
   

Comments are closed.