«التربية» تستبعد تأجيل بداية العام الدراسي

59 thoughts on “«التربية» تستبعد تأجيل بداية العام الدراسي”

1. المدرس وحليله يتعب ويتعب ويشرح ويشرح يمكن باليوم يعطى 4 حصص وغير عن الاشغال الثانيه والمهازب وعايلته من صوب و و و

   الاجازة زينه

2. يا ححبيب قلبى شوف مناهج اليوم وقارنها بمناهج قبل

   مشكلتك انته ماعشت ولا عاصرت هذيج الايام عسب تعرف الفرق فى المناهج وطريقة التدريس كيف كانت

   اليوم المعلم يدرس الطالب ويمسح على راسه على شان يفهم
   يعطونكم كتابين حق ماده معينه صحتو صياح هذى التربيه والوزير الفلانى مايعرف ولا رئيس شعبة الطلبه ونحن نطالب حكومتنا نحن مظلومين ونن مطهدين وحالتنا لله

   وين قبل فى حد من الشباب الى مب من الجيل هذا سمع انه قبل يات شكاوى من طلاب على اداراة وسلك تدريسى ومناهج
   ولعلمك قبل فى مكيفات ولا بعد ابشرك مكيفات ابوحصان بعد بس من النوع الى على الارض
   ونحن ياحبوب درسنا وكافحنا ونشتغل فى الحر وتحت الشمس وانتو فى المدرسه ولاتبون اداومون

   انا من جهتى اشكر الوزير على اصراره اسمرار الدوام فى شهر رمضان

   يا أخويه الفاضل..
   مناهج قبل هب شرات الحينه..
   مناهج قبل عليك بالكتاب…صمه..ودحه …وبس..تعال أمتحن..أسلوب الألقاء والتلقين..
   شي طبيعي الطالب يتحمله..لأن المدرس شرح وإلا ما شرح..
   عادي الطالب بيحفظ وبيصم الكتاب وبينجح..

   لكن ألحينه..

   المادة الواحدة..تتطلب من الطالب هذي الأمور..
   ***التركيز الشديد..
   ***التعلم الذاتي..يعني المعلم يقف موقف المقيم للطالب..
   ***أداء تجريبي..سواء مختبرية..او تكنولوجيه..للكمبيوتر..
   ***أنشطة ثقافية و أجتماعية..ملزم بها الطالب بالمشاركة ..لأنها تحسب له درجات بالتقويم.
   ***لوحات حائطية ومنشورات ينفذها الطالب…
   ***إذاعات يومية..تتطلب مجهود من برامج مميزة كل يوم صباحي….
   ***إمتحانات على مستوى عالي من قبل موجهين عاليين المستوى..يعني الطالب يشد راسه وينتفه من الأسئلة…
   ***بعض المواد تحتاج للبحث الدوري بالنت..أو بالمكتبات أو دور الصحافة للوصول للمعلومة..وعليها تحسب له درجات التقويم..

   وعلى فكرة أصبح الطالب هو من يقوم بدور المعلم..تطبيقا للمنهاج الجديد…أما المعلم دوره موجه..

   فأي قدرات تسع لطالب..أن ينفذ هذه المجهود العظيم…وهو صائم..!!!

   وأكرر …اللي عايش بالميدان هو الذي له الدور في إقرار القرارات..
   هب اللي ميلسين على المكاتب…!!

   والسمووحة ع الإطاله..

   من : …… ظبيانية ….

3. خلو عنكم الدلع وداوموا تاخذون اجر لو تعبتوا وانتوا صايمين

4. هههههههههههه

   يحليلهم الاهالي …

   لكن هذه الشائعه اول مره اسمعها

   انا اللي سمعته ان يعطونهم اجازة عشرة ايام …
   يعني يا العشر الاوائل او الاواخر… والافضل طبعا الاواخر …

   لكن الشهر كله!!! لووووووووووول

   اول مره اسمعها صدق الناس سوالف

   ويسلمووووووووووو غاليتي،،،

   تحياتي

   اختكم
   سهمي عالي

5. السلام عليكم
   ليش يا اخوي الحين مب مقصرين ؟!؟! حتى القرار الي نزل مب نافع يقولون والله سير اشتكي ومنو قالك ان المناهج مب رديئة مناهج دسمة كل كتاب شكبره وكل صفحة جريدة مب كتاب واذا عن الحر اصلن قبل كانو يعيشون في العريش ما كان شي لا مكيف ولا مراوح ولا شي يعني كانو متعودين على الحر وبعدين حر الحين مب مثل حر قبل ومب كل طالب يسهر وينش المغرب والصراحة حرام عليهم ثاني يوم مدارس اول يوم رمضان !!!! واذا عنك تقول والله مدللين انته مب حاس لانك تداوم ما تطلع برا بالساعات في الشمس والحر
   والسموحة يا اخوي

   يا ححبيب قلبى شوف مناهج اليوم وقارنها بمناهج قبل

   مشكلتك انته ماعشت ولا عاصرت هذيج الايام عسب تعرف الفرق فى المناهج وطريقة التدريس كيف كانت

   اليوم المعلم يدرس الطالب ويمسح على راسه على شان يفهم
   يعطونكم كتابين حق ماده معينه صحتو صياح هذى التربيه والوزير الفلانى مايعرف ولا رئيس شعبة الطلبه ونحن نطالب حكومتنا نحن مظلومين ونن مطهدين وحالتنا لله

   وين قبل فى حد من الشباب الى مب من الجيل هذا سمع انه قبل يات شكاوى من طلاب على اداراة وسلك تدريسى ومناهج
   ولعلمك قبل فى مكيفات ولا بعد ابشرك مكيفات ابوحصان بعد بس من النوع الى على الارض
   ونحن ياحبوب درسنا وكافحنا ونشتغل فى الحر وتحت الشمس وانتو فى المدرسه ولاتبون اداومون

   انا من جهتى اشكر الوزير على اصراره اسمرار الدوام فى شهر رمضان

Comments are closed.