التعامل بين الرجل و المرأة في العمل

28 thoughts on “التعامل بين الرجل و المرأة في العمل”

1. اشكر اخوي ابوظبي 2127 الله يسلمك اخوي..

   واشكر اختي راعية البورش على المشاركة والاطراء الله يعطيج العافية ..

   اعقب على بعض كلام اختي راعية البورش :

   ( ولا ترمسهم إلا بحـــدود العمـــل ومــافي ســوالف جــانبيــة وضحك معاهم )
   المشكلة تلاقي البنت بطبيعتها وبساطتها تسولف مع الريال بعفوية ، تعامله مثل اخوها ، وهذا خطأ لأنه راح ينعكس عليها سلبا والريال يستغل عفوية البنت لأغراضه الشخصية من نواحي مالية مثلا او ربما يصل الى اخلاقية !!

   اما عن الزينة ، فمثل ماقلتي ( ينزل من قيمتهن وهم مب عارفين ) ،، نحن صراحة نحترم البنت قد ماهي محترمة عمرها في لباسها وهيئتها وحركاتها .. والبنت بأخلاقها من داخل مب الشكل الخارجي ..

2. اخي R34
   
   
   

3. أنــا شفـــت أخـــوي جـــزاك اللــه خيـــر الـــرد قلــت عجــيب

   وســـرت أدووور علـــى منـــو كــاتبـــه قــلت خطير الرد ( صراحتـــاً مثــل اللي كنــت برمسكــم عنه )

   أخــــوي R34 أبدعــــت كالعـــاده ..

   للأســـف عـــادةً البنـــات ينســـون الشغــــل ويــركــزون على أشــيا ثانيـــة ( وهاي غلــــط ) ..

   لازم التـــركيـــز على انهــاء العمــل اللي بيــدنا والإخـــلاص فيه والرجوع للبيت وترك كل شي قبل الرجوع للمنزل

   والنـــاس اللي حوالينهــا رجال كانوا أم نســـاء يعاملــون بالحســـنى والدين لا أكثــر من ذلك

   ولا ترمسهم إلا بحـــدود العمـــل ومــافي ســوالف جــانبيــة وضحك معاهم (لأنه يعتبر غلـــط وأكبــر غلـــط )

   والانتبـــاه للبـــس المـــرأة بالعمـــل محتــشم وساتــر مافيه زينــه أو لفـــت نظـــر

   زوجـــي كــان يخبــرني عن البنــات بدوامــه عطـــر وميك أب ودلع بالمشــي وحركــات لفت نظر

   ويقــول : أن هــاي ينـــزل من قيمتهـــم وايـــد .. بــــس هـــم مــب عــارفيـــن

   وأن المحتـــرمة نحتـــرمهـــا لأحتـــرامهــا لنفسهـــا ونقــدرها ونعطيها ألف ســلام وقيمـــة

4. في شي نسيته

   لاتطول في مكاتبهن ،، يعني خلص شغلك واطلع ،، لا كوفي ولا ريوووق !!!!!!!

   واذكر ان كل هالاشياء التي ذكرتها هي بداية لأشياء اكبر وعواقب لايحمد عقباها .. عن أبي عبد الله النعمان بن البشير -رضي الله عنه- قال: سمعت رسول الله -صلى الله عليه وسلم- يقول: ( إن الحلال بَيِّن وإن الحرام بَيِّن، وبينهما أمور مشتبهات، لا يعلمهن كثير من الناس، فمن اتقى الشبهات فقد استبرأ لدينه وعرضه، ومن وقع في الشبهات وقع في الحرام، كالراعي يرعى حول الحمى يوشك أن يرتع فيه ) رواه البخاري ومسلم.

   فالواحد يتجنب الحرام والشبهات من بداية الشرر ..

5. صراحة اشكرك على هذا الموضوع المهم ..

   اولا خلنا نرجع اشوي لورى أيام الرسول – صلى الله عليه وسلم –

   كانت المرأة تشارك في الغزوات لعلاج المرضى والمصابين ..

   فالاختلاط وعمل المرأة مع الرجل موجود من زمان ..

   الفترة الماضية كانت المرأة تخلص دراستها وتتزوج وخلاص

   بعدين صارت تعمل ، بس في اماكن غير مختلطة

   الحين صارت المرأة مع الرجل في كل مجالات العمل ..

   لازم نعرف ونقدر اسباب خروج المرأة للعمل ،، والاسباب كثيرة واكيد كلنا عندنا اخوات موظفات وكل وحدة لها اسبابها الخاصة ..

   نبدأ الاجابة على سؤالك :

   اولا ،، اعتبر زميلتك في الدوام مثل اختك ،، يعني اختك في الاحترام فقط وفقط ..

   حط نفسك مكانها كأخ ، وشوف كيف تحب الناس يعاملوا اختك في الدوام ..

   لاتفكر تاخذ رقمها او ايميلها الشخصي ..

   تلفون الدوام وايميل الدوام للشغل فقط ..

   كلامكم في الدوام مثل ماقلت لك في الدوام فقط ،، لاتدخل في حياتها واهلها ونفسها !!

   طبعا انا موظف وبعطيك من خبراتي

   صراحة عشنا وشفنا !!! كل هذا الكلام اللي فوق بيكون من طرفك انت كرجل مسلم ومؤمن بربك وعارف حدود ربك ..

   واذكرك ان النساء ناقصات عقل ودين ، فلازم نتعامل معاهن بطريقة صحيحة لانستغل سذاجتهن لمصالحنا او الانحراف عن شرع ربنا ..

   تعال شوف شو راح يستوي ،، قلت لك لا تاخذ رقمها بس ممكن تحصلها هي عندها رقمك !!

   مرات تطلع من الدوام تتفاجأ بأن زميلتك متصلة فيك !! وحابة تتسولف الين توصل البيت !! متخيل !!

   مرات تتفاجأ بمسج من احدى الزميلات بعد الدوام !! بغض النظر عن محتواه ، بس بعد الدوام مالها خص فيك ولا انت لك خص فيها ..

   الحين بنتكلم عن بعض الحلول

   اولا مثل ماقلت لك ، انت بعد الدوام ماتعرف حد منهن ومالك خص في احد .. هي زميلتك من بداية الدوام الى نهاية الدوام بس ..

   اذا وحدة اتصلت بعد الدوام عشان تسولف وتضيع وقت فمن بعد اول مكالمة لاترد عليها مرة ثانية ..

   اذا طرشت لك مسج حتى لو ادعية وسوالف مطاوعة فلا ترد عليها وانتظر الى ثاني يوم وخلال وقت الدوام قول لها جزاج الله خير ع المسج وبس ..

   آخر شي سألت عنه عن النصيحة لو حاب توصلها لها ،، انت تعرف ان من الدين النصح للغير ،، وبالعكس فإنت لمن تنصحها وانت مؤمن بربك احسن من يجي واحد ما يعرف ربه ويخليها على خطأها

   بس تعال في شو راح تنصحها ؟؟ وكيف ؟؟

   لازم تكون عارف نوعية اللي جدامك وتعرف كيف تنصح ،، لأن البعض لمن ينصح يكون شديد وبالعكس يكره اللي جدامه من الشي الصحيح، ( بدل مايكحلها يعميها !! )

   وجه لها نصائح عامة وخاصة في الاشياء الظاهرة من لبس او هيئة او شكل او مشي،بعض البنات الموظفات ماينتبهون حق اعمارهن وهن في الشغل فواجب عليك تنصحهن ..

   هذا بشكل عام ومن واقع تجريب ..

   والحياة عمل جماعي ،، ولا ننسى اننا محاسبون امام ربنا في اقوالنا وافعالنا ،، والعمل عبادة فلا تجعلها سبب لضلالك وضلال غيرك ..

   ( وقل اعملوا فسيرى الله عملكم ورسوله والمؤمنون )

   والسموحة ع الاطالة

Comments are closed.