انا حبيت اطرح الموضوع عشان نستفيد من ردودكم
انا رحت جامعة العين للعلوم والتكنلوجيا في بوظبي
على اساس بدرس باكلوريوس على حساب الدوام
فطلبو مني وموافق من الجامعة
سرت عندهم قالولي النظام اليديد ماتدخل الجامعة الا ومعاك توفل وتكوب النتيجة 500
قبل كان عادي تتدخل وعندك لين التخرج تلازم اجيبة عشان تستلم الشهادة
فما ادري شو الفكرة من النظام اليديد هل مابيغون الطلاب يكملون دراستهم ولا
ف 500 فتوفل صعبة واحد عندة ثانوية متخرج من الدولة ايبها
ابغي الحل عشان ما اضييع المنحة مني
مع اني حصلت شخص عربي يشتغل بمعهد قالي في شخص ايبها بمبلغ وقدرة 10000 درهم خلال اسبوعين معترفة فيها ومصدقة من بريطانيا بدون ما احضر
ختيه هذي الشهادة اتيييج بدوون ما تمتحنين يعني وانتي يالسه في البيت
ولا تسيرين صوب الامتحان بطريقة غير رسميه لكنها معترف فيها وبأوراق رسميه
توجد ثغرة يتعامل معها هؤلاء الاشخاص
بصراحه ما اعرف شو هي بس الثغرة موجوده
بصراحه متفاجأه بها المبالغ الخياليه !!
أنا برد أقدم على امتحان ال IELTS ان شالله آخر شهر 2
ورسوم الامتحان فقط ب 800 درهم + الدورة نفسها ب 2500 !!
أخويه انا من جامعة العين وطبقوا هالنظام فعلا واللي عندهم ايلس وتوفل يمكن ما يتجاوزون 50 طالب وانا منهم وطلبة 2008 و 2009 مطلوب منهن ايلس قبل لا ينزلون مواد اما طلبة 2007 يتريونهم الين يخلصون وما يتخرجون الا بالشهاده
وسمعت ان في واحد يطلع الايلس بحوالي 5000 درهم واظني بعد في واحد ثاني ب 7000
هذا والله اعلم
واخويه نصيحه لا تطوف المنحه
خذلك شهادة ايلس بفلوسكـ وأموركـ طيبه
عشان ما تخسر المنحه انا ما ابى احرضك على هالشيء بس الحاية ام الاختراع وشكرا
نحن حاضرين لاي استفسار ^^
شكرا اختي على النصيحة
للرفع نبغي ارائكم
أنصحك تاخذ ال
IELTS بدال التوفل !! ماشي فرق كبير بينهمونصحتك بال IELTS ،، لأنه النجاح فيه سهل ،، بإذن الله
يعني المطلوب فيه انك اتييب 5.5 أو أكثر ،، وسهل جداً تاخذ العلامه ،، مقارنة بالتوفل ،، لأنه التوفل لازم 500 بالضبط ،، يعني مايقبلون لو يبت 499 !!
” قبل كل شي تأكد من الجامعه إذا يقبلون ال IELTS ”
وامتحان ال ILETS يتضمن ال
Writing
Listening
Reading
Speaking
والحلو في هالامتحان انك مثلاً لو خبصت في ال writing ،، وسويت زين في ال speaking ،، الدرجه ماراح تتأثر ،، لأنه الدرجة العاليه ترفع من المعدل
فهمتني ؟
وإذا ما عندك فكره عن ال IELTS ،، فيه دورات قصيره جداً تاخذها قبل ماتقدم على الامتحان ،، وبعدها تشوف متى مواعيد امتحان ،، وتقدم الطلب
مواعيد ال ILETS تكون محدده ،، لأنها مواعيد عالميه ،، والموعد الياي بيكون بتاريخ 21 2 2009
وليش اتضيع المنحه دام إنها منحه !!
موفق ،، يارب