انا حبيت اطرح الموضوع عشان نستفيد من ردودكم
انا رحت جامعة العين للعلوم والتكنلوجيا في بوظبي
على اساس بدرس باكلوريوس على حساب الدوام
فطلبو مني وموافق من الجامعة
سرت عندهم قالولي النظام اليديد ماتدخل الجامعة الا ومعاك توفل وتكوب النتيجة 500
قبل كان عادي تتدخل وعندك لين التخرج تلازم اجيبة عشان تستلم الشهادة
فما ادري شو الفكرة من النظام اليديد هل مابيغون الطلاب يكملون دراستهم ولا
ف 500 فتوفل صعبة واحد عندة ثانوية متخرج من الدولة ايبها
ابغي الحل عشان ما اضييع المنحة مني
مع اني حصلت شخص عربي يشتغل بمعهد قالي في شخص ايبها بمبلغ وقدرة 10000 درهم خلال اسبوعين معترفة فيها ومصدقة من بريطانيا بدون ما احضر
هالشهادات بتلاحقك طول عمرك … انا الحين ابا اقدم للماجستير و طالبين Ielts اقل سكور 6.5
و انا مسوتنه 3 مرات قبل بس للاسف مدته سنتين و ينتهي مع ان اخر مره يايبه 7
اليوم ببتدي الكورس في البرتش كاونسل ..يومين في الاسبوع من 7.45 لين 10.45 فليل لمدة 6 اسابيع
و الاسعار شرات ما ذكرتهم الاخت الكريمه رد روز
و عقب بنمتحن و شو نسوي بعد لا حول و لا قوه
ارضى بالامر الواقع و بعدين هالشي بيفيدك في دراستك و بيسهل لك امور وايد
و تراه وايد سهل ..الا مصخره بعد ما يباله شي
شوف يا خوي
أنا امتحنت التوفل أكثر من 18 مرة وفي النهاية يعني عقب سنتين ونص يبته
يعني سنتين ونص ضيااااااااااااااااااع من عمري ع الفاضي
ومرة من المرات قلت في خاطري ليش ما أمتحن Ilets
ودفعت 800 درهم وامتحنت في تقنية البنات والحمد لله يبته من أول مرة 5.5
ونصيحتي لك أنك تمتحن Ilets
تحياتي لك
اسمح لي أخوي ،، أخالفك !!
يوم تحط في بالك إنه فلوسك أنتَ أولى بها من غيرك ،، صدقني الدنيا ماراح تمشي عندك بفلوس !!!
خلك في السليم ،، واتوكل على الله
مشكورين على الردود
وهاي الدنيا اختي كل شي يمشي بالفلوس والواسطة الله كريم
مايجوز هالكلام ياخوي !!
نحن نتعب ونمتحن ،، وغيرنا ياخذها بالساهل !!