التعليم العالي – والتوفل

16 thoughts on “التعليم العالي – والتوفل”

1. أخوي تأكد من التوفل هذا

   في بعض المعاهد يعطوك توفل مخصص بس لمعهدهم أو جامعتهم

   وفي منهم يعطوك توفل خاص بالإمارات فقط

   وفي منهم يعطوك التوفل العالمي

   بنسبة لتوفل الإمارات أو الخاص للجامعات والمعاهد يكون من 500 اي ان جبت 500 ناجح

   اما العالمي اللي اعرفه يكون بــ 300 ويكون كمبيوتر

2. ختيه هذي الشهادة اتيييج بدوون ما تمتحنين يعني وانتي يالسه في البيت

   ولا تسيرين صوب الامتحان بطريقة غير رسميه لكنها معترف فيها وبأوراق رسميه

   توجد ثغرة يتعامل معها هؤلاء الاشخاص

   بصراحه ما اعرف شو هي بس الثغرة موجوده

   بس معناه انهم مزورين لمصداقية الشهاده…

   كلنا نبي نكمل وندرس صحيح طلباتهم تعجيزيه…بس مايمنع من المحاولة ..طالبين منا 6 اليز وهذي رابع مرة بمتحن…وان شاء الله يتوفق الجميع..

3. انا حمد الله جبت التوفل من ثاني مرة مع اني جبت أول مرة 497 و ما قبلوني في الجامعة !!

   أنا أغلب صحابي بعد ما امتحنوا توفل أكثر من 20 مرة ، غيروا لل Ielts و فعلا الكل نجح بدون استثناء ..

   هذا الكلام بالنسبة لجامعة ابوطبي و قيس على جميع الجامعات في الدولة ..

   أنا أنصحك بielts لأنه فعلا سهل و هم نفسهم يراعوا إن لغتك الأم مش الانجليزية ..

   لحق أحجز من الحين لأنه المواعيد تاخذ وقت ..

   و الله يوفق الجميع ..

4. خيبه اشحقه شرط 500 في التوفل؟

   وايد جامعات في امريكا كانت تقبل 450

   انا بعد طلعت روح يبت 600 وشوي ..هذا قبل 10 سنوات..الحين لو امتحن ما اظن اييب 500

   500 عاد..صعبه على وايد شباب خاصة دراسة اللغة الانجليزية في البلاد عندنا مب لين هناك الا في المدارس الخاصة….حشا بيدخلونهم جامعة هارفارد وانا مادري

   صدق شروط تعجيزية..الله يعين الجيل الياي..

5. اخوي اذا تشوف 500 صعبه
   ف ما بالك امريكية الشارجه 530 و بتزيد السنه اليايه 540

   الانجليزي لابد منه هالايام

Comments are closed.