مرحبا
حبيت نشارك بعض بموضوع التقييم الوظيفي للموظف
وطبعا يختلف اذا كنت مسؤول او موظف وكييف تتم عملية التقييم وشو اتكون ردة فعلك بالتقييم اذا كان زين والا لا …
طبعا الحين بننقسم لقسمين منا الموظف العادي ومنا المسؤول والموضوع يخص الطرفين
نبدأ بسم الله
طبعاً اذا انته كنت حاسب نفسك او حاسبة نفسج انسانة شغوله او شغول وتيي الدوام من وقت وتأدي عملك على اخلص وجة وتنصدق بتقييمك السنوي ب… جيد او مقبول
وتلاقي اللي ما يشتغل وبليد في شغلة .. محصل تقدير احسن عنك
شو بتكون ردة فعلك ؟!
هل بتوقع على تقييمك .. هل بتجادل !
طبعا نرجع للمسؤولين وحبييت اسالهم
هل تقييم موظفك بناء على عملة طول العام وهل تتغاضى عن بعض الاخطاء في الشغل ولا تذكرها في التقييم ؟
اذا كان بينك وبين الموظف خلاف شخصي او حصل موقف ما بينكم ! هل اتحطة في راسك وتنزل من تقييمة ! بس للعناد
يااللــــــــــــــــــــــــــــــــــــــــــــه قولو بسم الله …
بس بغيت اقولكم عني …
بالنسبة للتقييم بصراحه اتلوم اتكلم وانطب وانجعم اذا فية اي ملاحظه ابلع لساني واسكت مع اني اعرف اني موظفة مثالية واعرف انه التقييم خالي من المصداقية ! من قبل مسؤوليني وبعدين ارد البيت واتندم بس ما احب اترجى حد او اذل نفسي لحد ^_^
اشكر مداخلتك في الموضوع ومنكم نستفيد .. يعني لازم الواحد ياخذ التقييم اللي هو يستحقة بعد عناء يعني ماشيء انصاف من البداية
وصدقك لازم ناخذ حقنا من البداية والى في النهاية بنصفى بدون كفاءة عمل ولا علاوات !
اشكرك مداختك القيمة اخوي
بارك الله جهودك وبصراحه نادر ما تحصل مسؤول يقييم بذمة واسلوبك عجبني في التقييم ورضا الموظف عن تقييمه يدل على انك مب مقصر وياهم النتيجة اللي تلاقيها منهم اتكون مرضية ويرتقي القسم عنك وتطعيهم دافع كبير للعطاء
بوركت والحمد الله انته مثل طيب في ها البلاد والله يوفقك في عملك واتحصل احسن المناصب بإذن الله
اشكرك صراحة…………..
الساكت عن الحق شيطان اخرس
بالفعل موضوع مهم ويستحق التعليق عليه
اول بدايات شغلنا لما يجي وقت التقييم مسؤولنا كان يقص علينا ويقول هذا فقط علشان الادارة وصعبة من بداية توظيفك تحصل على تقييم عالي
ومع مرور الوقت اكتشفنا ان التقييم مربوط بالعلاوات والامتيازات ومدى كفاءة الموظف وبالتالي استحقاقه للدرجات الاعلى
لكن مع التجارب تاكد ان من حقك عدم التوقيع على تقييم لم ينصفك حتى ولو تطلب الامر وقف العلاوة فترة من الوقت لان ما ان تنتهي الفترة المحدده للتقييم تبدأ عملية المحاسبة من قبل الادارة العليا للمسؤولين عن اللي تحتهم بشان عدم اكتمال التقييم لجميع الموظفين وساعتها المسؤول هو اللي بيطيح فيها وبتكبر السالفة
ممكن تطول المدة لكن فى النهاية تاكد ان حقك بتاخذه كامل ومكمل
كلام من خبرة
السلام عليكم
اشكركم جزيل الشكر على هذا الموضوع
بالنسبة لي انا بصراحة الحمدلله ماحب اظلم حد كانت التقارير والتقيمات سرية ولكن انا كنت اتجاوز هذي النقطة لأني ما كنت احب اعطيهم درجات اقل من اللي يستحقونها …..
وطبعا الله شاهد علي اني ما كنت اخلط بين الامور الشخصيةوالمشاحنات اللي كانت تصير بيني وبين الموظفين … وكنت اعطيهم حقهم على حسب شغلهم..
يوم كان وقت التقييم كنت ازقر الموظفين واحد واحد واقولهم عن صيغة التقييم والدرجة … وكنت اسألهم اذا هب راضين يخبروني ويقنعوني يمكن اكون غلطان.. ولله الحمد ما حصلت اي انتقاد الا من موظفة واحدة فقط اللي هي بالاساس ماكان يعجبها شي اصلا ….وما كنت ظالمنها وقلت لها شو سبب التقييم اللي اقل من الباقيين واقتنعت ولله الحمد ……….
والله يشهد اني ما ظلمت حد …
وبالتالي حصلت على تقييم امتياز من مديري العام
والحمدلله