تعودنا نشوف صورهم في إيميلاتنا ، و في المنتديات بمواضيع الصور المضحكة، شو هي سالفتهم بالضبط؟
هذي بعض الصور:
الصور مب فوتوشوب ولا ملعوب فيها أبداً، واقعية وجودهم مثل واقعية مرور فصل الربيع على الإمارات، حتى لو كان يوم أو أسبوع ^__^
هالتيس يتسلق شجر الأركان – Argan Tree المنتشر في المغرب وأجزاء من الجزائر عشان ياكلون الثمار، يعني لا يكون على بالكم يصعدون الشجر عشان يصورونهم ويطرشون ايميلات عنهم 
؟ 
! بالنسبة لهم الأكل نادر عالأرض المستوية وأسهل عليهم يتسلقون الأغصان وياكلون من ثمارها على انهم يدورون مسافات بعيدة عشان لقمة ولا لقمتين صغار.
؟ ! بالنسبة لهم الأكل نادر عالأرض المستوية وأسهل عليهم يتسلقون الأغصان وياكلون من ثمارها على انهم يدورون مسافات بعيدة عشان لقمة ولا لقمتين صغار.هذي مقاطع فيديو للحبايب صاعدين شجرة
:
الفيديو يضحّك تحس كأن الشجرة تطلّع تيوس يطيحون منها لووووووووووول 
حسافة مب مصورين كيف يتسلقون الشجرة بس حاطينهم ينزلون منها
.
متوسط طول الشجرة يكون 8 إلى 10 أمتار وعمرها يصير بين 150 إلى 200 سنة. أغصانها شوكية متعرجة وسبحان الله حوافر الصخل تقدر تتحمل أشواكها وتستفيد من تعرجات أغصانها للتسلق. في مناطق المغرب يستخدمون هالشجرة بدل أشجار الزيتون لاستخدام العلف، الزيت، والخشب. تتحمل المناخ القاسي، تنمو في التربة الصخرية والطقس الحار من غير مشاكل. يسمونها شجرة الحياة — The Tree of Life لاستخداماتها وفوايدها المنوعة.
الثمار طعمها مرررر وحجمها بين 2 إلى 4 سم، الغلاف الثمري ريحته مميزة طيبة بس أيضاً نكهتها لاذعة جدا جدا 
. داخل الغلاف الثمري تلقى بذرة أو بذرتين أو ثلاثة فيهم زيت يستخرجونه ويبيعونه في الأسواق لأغراض تجميلية واستهلاكية. هذي صور من الثمار:
. داخل الغلاف الثمري تلقى بذرة أو بذرتين أو ثلاثة فيهم زيت يستخرجونه ويبيعونه في الأسواق لأغراض تجميلية واستهلاكية. هذي صور من الثمار:
غابات الأركان المغربية في تناقص مستمر عبر السنوات الأخيرة بسبب الاستهلاك الزايد والرعي الجائر واستخدام المنتجات المستوردة كبديل عنها، الغابات محمية بمناطق معينة ولها قوانين وعادات وتقاليد تمنع إضرارها، يحطون حرس لمنع دخول الناس أو الحيوانات للغابات إلى فصل معين في السنة( واذا مب مصدقين اسألوا أم مروة )^__^
بعدين يخلون القطعان يدشونهم وياكلون من الثمار المنتشرة، وبس يخلصون يجمعون الباجي للأغراض الأخرى. حسب ما فهمت الحيوانات ياكلون الثمار و”يـعـقّـــون”
أو “يــتــخــلــصــون” 
من الغلاف الثمري اللي داخله البذور والزيت، من جذه يخلونهم يدشون أول وياكلون عشان يسهلون عليهم عملية استخراج الزيت شوي،
بعدين يخلون القطعان يدشونهم وياكلون من الثمار المنتشرة، وبس يخلصون يجمعون الباجي للأغراض الأخرى. حسب ما فهمت الحيوانات ياكلون الثمار و”يـعـقّـــون”
أو “يــتــخــلــصــون” من الغلاف الثمري اللي داخله البذور والزيت، من جذه يخلونهم يدشون أول وياكلون عشان يسهلون عليهم عملية استخراج الزيت شوي،
زيت الأركان شوية غالي (اخواننا المغاربة يسمونه الذهب السائل — liquid gold) ومؤخراً اهتمت فيه الشركات الأوروبية لاستخدامه في المكياج بحكم فوايده المميزة. لونه أغمق من زيت الزيتون مع صبغه حمرا ونكهة مكسرات (بين اللوز و البندق)، يعني أتوقع مثل آيسكريم باسكن روبنز التوت 
… بسبب سعره الغالي انتشر الغش في بيعه على أطراف الشوارع المحلية، يخلطونه بزيوت أرخص لزيادة كميته. واستخدامه الرئيسي بالقرى والمغرب بشكل عام يكون في الطبخ لإضافة النكهة.
… بسبب سعره الغالي انتشر الغش في بيعه على أطراف الشوارع المحلية، يخلطونه بزيوت أرخص لزيادة كميته. واستخدامه الرئيسي بالقرى والمغرب بشكل عام يكون في الطبخ لإضافة النكهة.
أتمنى بأن المعلومات هذي يديدة عليكم
و السموحة عالقصور ^__^
و السموحة عالقصور ^__^
اول مره اعرفهم انا دوم اشوف تيوس على يبل حفيت يرقن وينزلن هههههههههههه اما فوق الشيره لو اشوفها بعيني هنيه بقول ين وبدوس عنهن .. بس اشكالهن تحفه صراحه ههههههههههههه
يعطيك العافيه
سبحان الله
عبالها قرود مو تيوس
سبحااان الله
بخصوص الاركان للاسف بدا في الانقراض بسبب اقتلاعه ويتم بناء مكانه بيوت لا متشاات طبعا بدون علم الدولة لدلك تم انشاء محمية شجرة ارجاان على القرب من مدينة اكادير الطريق السيار
التيوس وهي وتاكل هالحبوب وبس لما ترجع دارها بالليل تلقيها طاحته على الارض بعد ماكلت غشاءه الخارجي
ووبخصوص زيت اركان في غش وتلاعب الناس فيه نادر تلاقي الاصلي لازم تعرف لك احد بالبادية ويسوونه لك بدون غش
ووهدا لون زيت اركان مال الاكل
هدي طريقة استخلاص زيت اركان
بعد مانرمي حبات الاركان الي ازلنا لها الغلاف الخارجي متل في الصورة الاخيرة الي حطها اخونا جواد
في الرحى
السمووحة منك اخوي جواد على تدخلي بالصور