أكيــد تذكرون موضوعيه الاولي ( اكسب 5000 عن كل 10,000 خلال 4 شهور فقط ) واللي هو عبارة عن استثمار في مجال العطور والبخور ..

الحمدالله .. الله وفقني فيه وما باجي غير شهرين والمساهمين يستلمون بيزاتهم باذن الله

ونظرا لرغبة الاخوة في المشاركة حبيت افتح باب التسجيل مرة ثانية ..

ابتداءً من اليــوم وحتى تاريخ 31/1/2008

والاخوان والاخوات اللي اول مرة يهبطون موضوعيه

هذا رابط الموضوع

وبالنسبة لحفظ حقكم بيكون فيه جيك مؤجل ..

لكن هالمرة الجيك بيكون براس المال فقط ( وليس راس المال والربح معا )

لسبب بسيط وهو ان الربح قد يزيد وقد ينقص

والربح انا بحطه فـ حساب المساهم عقب 3 شهور باذن الله ..

ونسبة الربح بتتراوح ما بين 4000 – 5000 لكل 10,000 درهم

وأقل مبلغ للمشاركة 10,000 درهم

والله يكتب النا الرزق الحلال بعيد عن الحرام أو اي مدخل له…

26 thoughts on “الجزء الثانـي: استثمــــــر بيزاتك وانتــه مرتـاح …”

  1. مشكورين اخواني كلن بنكــه

    عالمرووور والتعقيب سواء كان عالعام أو الخاص

    والله يوفج الجميع

  2. يعني لو قلنا التولة=30 جرام وقيمتها 50 درهم
    يعني الكيلو ب 1650
    يعني الطن ب 1.6 مليون درهم
    يعني بالمليونين تقدرين تاخذين طن و 200 كيلو يعني ما يعادل 24 ألف كيس اسمنت !!!!

    الرجاء التوضيييييح

    وعدم اهمال الرد … أنا مب ضدك بس الواحد لازم يضمن حقه وانا من حقى كمستثمر اطلب كل التوضيحات

    وجهة نظر و استفسار منطقي جدآ

    و لك الحق في انك تشك بالموضوع كمساهم في هذه المحفظه الوطنيه و خاصه ان ما شفنا اي مشاركه لأم عبدالله كعروض في قاعة البيع و الشراء للعطور و البخور الخ..
    و يمكن يكون الجواب انه عن طريق الاهل او منتدى ثاني ..
    ما علينا.. لاننا مانعرف اذا في واحد فيكم انه تأكد إن أم عبدالله باعت او اشترت بالعطور او البخور
    فقط همكم ال5000 او 4000 اللي تنزل بعد 4 شهور

    لو (افترضنا) ان ام عبدالله حاطه بيزاتكم في احد المحافظ مثل محفظة أحمد عبدالقادر و عن طريق صاحب المحفظه نفسه ..

    فبنقول على سبيل المثال ان المبلغ فقط (2000000) مليونين درهم مثل ما تفضلت انت و قلت ” فقط ” و على سبيل المثال

    * ال 100,000درهم = 30,000درهم
    * ال 1,000,000درهم=300,000درهم
    *ال2,000,000درهم = 600,000درهم ( شهريآ )
    و احنا (عندنا) مليونيين , يعني فايدتهم الشهرية = 600,000درهم
    * ال600,000درهم مالت شهر & نضربها ب4شهور
    المجموع = 2,400,000 مليونيين و اربعمائة الف درهم اماراتي صافي
    انزين .. (عقب اربع شهور) كل شخص بياخذ 5000درهم فقط
    يعني : 200شخص&5000درهم = مليون فقط

    الفائدة خلال ال4 شهور = 1,400,000
    مليون و 400الف درهم اماراتي

    احنا نقول على سبيل المثال دون تشكيك بأحد
    المهم نحن ننتظر جواب اختنا الفاضله أم عبدالله

  3. وينج يــــــــــــــأم عبدالله؟؟

    نرجوو التوضيح؟؟؟؟؟؟

    ســـــــــــــــــــــــــــــلام…

  5. يعني لو قلنا التولة=30 جرام وقيمتها 50 درهم
    يعني الكيلو ب 1650
    يعني الطن ب 1.6 مليون درهم
    يعني بالمليونين تقدرين تاخذين طن و 200 كيلو يعني ما يعادل 24 ألف كيس اسمنت !!!!

    الرجاء التوضيييييح

    وعدم اهمال الرد … أنا مب ضدك بس الواحد لازم يضمن حقه وانا من حقى كمستثمر اطلب كل التوضيحات

    ما شاء الله عليك أخوي حسبتها صح

    وانا كنت كنت أفكر مثلك

    ام عبدالله ارجو الرد والتوضيح على الاسئله الوارده أعلاه..

Comments are closed.