السلام عليكم ورحمة الله وبركاته
اولاً احب ان ابارك لنفسي وابارك لشعب الامارات 
بافتتاح جسرين جديدين في عجمان
واشييد بجهووود امارتي الحبيبه واحب ان اشكر بلدية عجمان وادارة الطرق على سرعة انجازها للجسرين وعدم عرقة حركة المرور
بس لاحظت شيء طبعا محد بيلاحظ ويايه ،، بس ممكن لا قدر الله تسمعون مستقبلاً عن حادث ارتطام رأس شخص بالجسر او راعي بكب او شاحنه والسبب هو دنو مستوى الجسر وما اعرف هل هم مراعين الارتفاع المسموح به
يعني ماشاء الله تخطيط االجسر وايد عجيب ومن تحت الجسر يتفرع الشارع ويوديك على اي طريج تباه بدون اي تعقيد ومسوين تحته يوتيرن يرجعك بس ها اليوتيرن ممكن راسك يصقع فيه
لدرجة اني كل يوم الصبح ،، اشهد قبل لا امشي من تحته
ما اعرف هل انا يتراوالي ها الشيء او حد مر من تحته ولاحظ ها الشيء
ثانيا بعد ما تخلص من ها اليوتيرن على طول يطلعك من تحت الجسر على الشارع العمومي انزين مافي مجال تتفادي السيايير اللي قادمه من جهة اليمين ،
طبعا انا اعتبر ها المنتدى هو البث المباشر اللي من خلاله اقدر اشتكي ويا ريت حد من المسؤولين يفيدني 
او على الاقل ينقل ملاحظتي
واللي لاحظ ها الشيء يقولي لعل وعسى نتفادى الحوادث المستقبلية
في شيء ثاني انه بافتتاح الجسر صارت زحمة غير طبيعية امام شرطة الحميدية ،، ما اعرف ها من الجسر او من الجاليه الاسيويه اللي تموت من الخوف اذا شافت الشرطة ،، وتخف السرعه ،،
الرجاء مناقشة الموضوع بجدية وعدم الخروج عن صلب الموضوع
المشكله في التصوير في ها المكان
اقولك تحت الجسر اتقولي صوري
اسميهم بيطيروني ان نزلت من السياره
بس بحاول عن قريب بس طبعا حد يسوق وانا اسوي زووووووووم
بحاول
يا الله ،،
يا الله
ان شاء الله ما اطير الطياره وتسير بالسلامه عنا
واتخلي موضوعي يمشي بسلام
يا رب انا شو سويت في حياتي
عشان جي تي ار يخرب مواضيعي
السلام عليكم ورحمة الله وبركاته
ممكن صورة للجسر واتكوني انتي واقفة وحاطة يدج على خصرج عشان نشوف الارتفاع
يمن المقاول انجبر لوجود شبكة مجاري او كهربة فوقة فسوى ارتفاع بسيط
القنوعه اسكتي عنه عندي احساس بيتسفر سويسرا على اقرب طياره
جي تي ار
اذا ما عندك رد على الموضوع الزمنا بسكوتك الحلو
والا انته ما عندك تجارب في الحياه وتعليق على اي موضوع
اضني انته لا تمشي على الشارع لا تركب طياره ولا تركب طراد
ما عندك تعليق على اي شيء
بس تقرض
يا الله قل خيرا في موضوع الجسر
او
اصمت
لي ماشوف الجسر بعيني