السلام عليكم ورحمة الله وبركاته
اولاً احب ان ابارك لنفسي وابارك لشعب الامارات 
بافتتاح جسرين جديدين في عجمان
واشييد بجهووود امارتي الحبيبه واحب ان اشكر بلدية عجمان وادارة الطرق على سرعة انجازها للجسرين وعدم عرقة حركة المرور
بس لاحظت شيء طبعا محد بيلاحظ ويايه ،، بس ممكن لا قدر الله تسمعون مستقبلاً عن حادث ارتطام رأس شخص بالجسر او راعي بكب او شاحنه والسبب هو دنو مستوى الجسر وما اعرف هل هم مراعين الارتفاع المسموح به
يعني ماشاء الله تخطيط االجسر وايد عجيب ومن تحت الجسر يتفرع الشارع ويوديك على اي طريج تباه بدون اي تعقيد ومسوين تحته يوتيرن يرجعك بس ها اليوتيرن ممكن راسك يصقع فيه
لدرجة اني كل يوم الصبح ،، اشهد قبل لا امشي من تحته
ما اعرف هل انا يتراوالي ها الشيء او حد مر من تحته ولاحظ ها الشيء
ثانيا بعد ما تخلص من ها اليوتيرن على طول يطلعك من تحت الجسر على الشارع العمومي انزين مافي مجال تتفادي السيايير اللي قادمه من جهة اليمين ،
طبعا انا اعتبر ها المنتدى هو البث المباشر اللي من خلاله اقدر اشتكي ويا ريت حد من المسؤولين يفيدني 
او على الاقل ينقل ملاحظتي
واللي لاحظ ها الشيء يقولي لعل وعسى نتفادى الحوادث المستقبلية
في شيء ثاني انه بافتتاح الجسر صارت زحمة غير طبيعية امام شرطة الحميدية ،، ما اعرف ها من الجسر او من الجاليه الاسيويه اللي تموت من الخوف اذا شافت الشرطة ،، وتخف السرعه ،،
الرجاء مناقشة الموضوع بجدية وعدم الخروج عن صلب الموضوع
مبروكَ لـ امارة عجمان على هذا الجسرَ “
مم مادري شي عن الجسرَ .. بس ان شاءالله ماتصير حوادثَ ”
” وسلامت رآسكمَ ”
> موفق بإذن الله … لك مني أجمل تحية .
لا ما يحاي انته ناول بنقالي توه ياي من بلاده شاحنه وما يعرف يقرأ الارتفاعات وطرشه يمشي من تحت الجسر
بس ثواني بيستوي قاب كبير في الجسر
ولا يهمك انته بس
ثانيا بعد ما تخلص من ها اليوتيرن على طول يطلعك من تحت الجسر على الشارع العمومي انزين مافي مجال تتفادي السيايير اللي قادمه من جهة اليمين ،
(( كلامج صح ……. و اكيد المسؤولين عارفين عن هالشي … و أكييد بيتخذون القراار المناسب … ))
و بخصووص ارتفاع الجسر …
انا متيقن انهم مسوين هالشي اولا تقليل الكوست و ثانيا لمنع مروور الشاحنات و عسبة انسيابية الجسر …. و مادري لو في اسباب اخرى
أما بخصووص الزحمه إلي استوت عن مطبات مركز الشرطه فأسبابها واااظحه :
1) شارع حيوي .. يربط جسر الحميديه و شارع الامارات و العاابر .. الناس كانو قبل لا يخلصوون الجسر يمتنعون عن هالشارع عسب الاصلاحات ….
2) زيادة اعداد السيارات ادى إلى انهم يوقفون مره وحده عن المطبات .. مما ادى إلى هالزحمه ………
و إلى مزيد من التقدم يا امارتي الغاليه ^___^
شكر خاااص لكااتبة الموضووع …….. (( و موضوعج حلو محد خربه ))
مبروك عليكم الجسرين.
نشكر الحكومه الإتحاديه على هذا الإنجاز.
يا جماعه تراكم مكبرين الموضوع.
إذا الجسر نازل وايد، الحل بسيط.
بما إن الجسر عريض (أقصد سماكته)، فـ يمكن حل المشكله بأخذ طبقه من أسفله مقدارها متر واحد لا غير.
يعني السالفه كلها إنهم يشترولهم “قريندر”، و يعطونه بتاني ما عنده إقامه، و خلال يوم يومين الموضوع منتهي.
بس
وبعد ابارك لعيمان وعقبال الشارجه
تحياتي لك
مع كل الود
اختكم
سهمي عالي