السلام عليكم ورحمة الله وبركاته
اولاً احب ان ابارك لنفسي وابارك لشعب الامارات 
بافتتاح جسرين جديدين في عجمان
واشييد بجهووود امارتي الحبيبه واحب ان اشكر بلدية عجمان وادارة الطرق على سرعة انجازها للجسرين وعدم عرقة حركة المرور
بس لاحظت شيء طبعا محد بيلاحظ ويايه ،، بس ممكن لا قدر الله تسمعون مستقبلاً عن حادث ارتطام رأس شخص بالجسر او راعي بكب او شاحنه والسبب هو دنو مستوى الجسر وما اعرف هل هم مراعين الارتفاع المسموح به
يعني ماشاء الله تخطيط االجسر وايد عجيب ومن تحت الجسر يتفرع الشارع ويوديك على اي طريج تباه بدون اي تعقيد ومسوين تحته يوتيرن يرجعك بس ها اليوتيرن ممكن راسك يصقع فيه
لدرجة اني كل يوم الصبح ،، اشهد قبل لا امشي من تحته
ما اعرف هل انا يتراوالي ها الشيء او حد مر من تحته ولاحظ ها الشيء
ثانيا بعد ما تخلص من ها اليوتيرن على طول يطلعك من تحت الجسر على الشارع العمومي انزين مافي مجال تتفادي السيايير اللي قادمه من جهة اليمين ،
طبعا انا اعتبر ها المنتدى هو البث المباشر اللي من خلاله اقدر اشتكي ويا ريت حد من المسؤولين يفيدني 
او على الاقل ينقل ملاحظتي
واللي لاحظ ها الشيء يقولي لعل وعسى نتفادى الحوادث المستقبلية
في شيء ثاني انه بافتتاح الجسر صارت زحمة غير طبيعية امام شرطة الحميدية ،، ما اعرف ها من الجسر او من الجاليه الاسيويه اللي تموت من الخوف اذا شافت الشرطة ،، وتخف السرعه ،،
الرجاء مناقشة الموضوع بجدية وعدم الخروج عن صلب الموضوع
هلا انا احب الفتانين في ها الموضوع
الجسر سلمج الله
الجسر صوب منطقة الحميديه باتجاه شرطة الحميديه
الجسر الثاني
ودخلة اليوتيرن بتكون
اذا انتي يايه من صوب شارع الامارات مرورا بشارع الحميديه بعد مدرسة الحميديه اييج الجسر
طبعا اذا تبيين ترجعين على نفس الشارع بس كانج راده لازم تنزلين من تحت الجسر مسويت شرات اليوتيرين يرجعج
هذا اليوتيرن وايد ارتفاعه بسيط وبعدين من تدخلين اليوتيرن تبين تطلعين منه ما تقديرين اتشوفين اللي ياي من جهة اليمين
تعرفين انا فاشله في الوصف الدقيق ان شاء الله وصلت المعلومه
اصلن اذا حد منهم لف اليوتيرن على طول بيلاحظ المشكله
تابعي الموضوع اذا ما عليج اماره وخبرينا شو بيصير
واملنا بالله وفيج اخويتي العزيزه
وين مكان الجسر يور سووول بالضبط ،
عسب أعرف انقل المعلومة صح
مرحبا يور سوول
دوري ف موضوعج أكون فتااانة واطرش الموضوع صوب قسم المحليات يشوفون له صرفه …
في امكانية تصوري الجسر خلينا نشوفه ؟
الحمد الله حصلت اللي فاهم الجسر عدل
يعني كلامي سليم 100%
انزين فيه حل
ايسووون جسر مشاه وخاصه للطلبه لان المنطقة الواقعه عند شرطه الحميديه منطقه مابين مدرستين وحيين سكنيين
وايشلون المطبات
لانه مب معقوله الشارع انسيابي في البدايه وبعدين يضيع التعب كله والوقت في الوقفه جدام مركز الحميديه
يا الله مدام شديت الحيل وشاركت في الموضوع اتصل وخبرهم عن سالفة اليوتيرن لانه خطير وبصراحه انا كل يوم الصبح امر من تحته
بس ما اعرف كيف بيحلون مشكلته لانه داخل على شارعين يعني مستحيل يقسمون الشارع حق اللي طالع من اليوتيرن
وما قصرت اسعدني وجودك في الموضوع واضافتك الطيبه