السلام عليكم ورحمة الله وبركاته
اولاً احب ان ابارك لنفسي وابارك لشعب الامارات 
بافتتاح جسرين جديدين في عجمان
واشييد بجهووود امارتي الحبيبه واحب ان اشكر بلدية عجمان وادارة الطرق على سرعة انجازها للجسرين وعدم عرقة حركة المرور
بس لاحظت شيء طبعا محد بيلاحظ ويايه ،، بس ممكن لا قدر الله تسمعون مستقبلاً عن حادث ارتطام رأس شخص بالجسر او راعي بكب او شاحنه والسبب هو دنو مستوى الجسر وما اعرف هل هم مراعين الارتفاع المسموح به
يعني ماشاء الله تخطيط االجسر وايد عجيب ومن تحت الجسر يتفرع الشارع ويوديك على اي طريج تباه بدون اي تعقيد ومسوين تحته يوتيرن يرجعك بس ها اليوتيرن ممكن راسك يصقع فيه
لدرجة اني كل يوم الصبح ،، اشهد قبل لا امشي من تحته
ما اعرف هل انا يتراوالي ها الشيء او حد مر من تحته ولاحظ ها الشيء
ثانيا بعد ما تخلص من ها اليوتيرن على طول يطلعك من تحت الجسر على الشارع العمومي انزين مافي مجال تتفادي السيايير اللي قادمه من جهة اليمين ،
طبعا انا اعتبر ها المنتدى هو البث المباشر اللي من خلاله اقدر اشتكي ويا ريت حد من المسؤولين يفيدني 
او على الاقل ينقل ملاحظتي
واللي لاحظ ها الشيء يقولي لعل وعسى نتفادى الحوادث المستقبلية
في شيء ثاني انه بافتتاح الجسر صارت زحمة غير طبيعية امام شرطة الحميدية ،، ما اعرف ها من الجسر او من الجاليه الاسيويه اللي تموت من الخوف اذا شافت الشرطة ،، وتخف السرعه ،،
الرجاء مناقشة الموضوع بجدية وعدم الخروج عن صلب الموضوع
أنا زعلانه من ربيعتي .. بقولهاا خلاص رضيت وبروح اتمشى وياااج بالسياره .. وبقولها وناااااااسه طلعي راسج من فوق بطلعه ……….. وبسرررررررررع من تحت هذا الجسر
خخخخخخخ
موفق بإذن الله … لك مني أجمل تحية . شـكــ وبارك الله فيك ـــرا لك … لك مني أجمل تحية .
الصراحه شكل الجسر يخوف . او مره بحياتي اشوف جسر نازل بهاي الطريقه
خاطري اشوفه على الطبيعه بس المشكله انا برع البلاد .
مادري يورسول هل اليوتيرن مهم وحيوي . ولالا . اشوف لو يغلقون اليوتيرن احسن
انا مثلج لما اشوف مثل هاي الاشياء الي تقهر اتم متحرقص هههه
السلام عليكم ورحمة الله وبركاته
حبيت اني ادخل واعلق عالموضوع لني انا اتصفح المنتدى اكثر شئ …
انا دوم كنت اسير عيمان وكنت اظهر من اليرف وطوالي آخذ اليوتيرن وين البلدية شارع الحميدية …(مب ساكن فعيمان بس اسير اشرب كرك وين بيت الجاي) المهم قبل يومين انصدمت انه مصكرين اليوتيرن كملت الين ماوصلت الجسر خذيت اليوتيرن تحت الجسر … وربي الموتر التعن اول شئ لني عندي فورويل وعليها تواير 900 مركب اريل لجهاز لاسلكي من دخلت تحت الجسر قمت اسمع اصوات غريبة والسبب انه الجسر وايد وايد نازل واريل موتري طويل …يوم ظهرت ووقفت اجيك عالاريل <<< طبعا الاريل فالزباله والقاعدة معفوصة … ولا القهر لفيت ع وحده عندها مورانو .
بأختصار الجسر مب مناسب للسيارات لو اتكون جسر مشاة ابرك … اتخيلوا شاحنة اتمر من تحت هالجسر >>> هذا ونا عندي فورويل وعليها تواير 900
الله المستعان
والشكر لراعية الموضوع
صحيح كلام الأخ .. يمكن لإننا تعودنا ع الجسور الطايرة شرات اللي في دبي .. بس هذا أحسن .. عشان تقل الواحد يخاف وتقل سرعته خخخخخخخخخ
وما أتوقع في سيارة عادية ارتفاعها أكثر من 2.5 .. يعني بناء الجسر سليم 100 %
بس تبقى مشكلة المطبات واليوتيرن .. لازم يشوفون لها حل ..
والاهم .. حاسبي ع راسج وانتي مارة من تحت الجسر .. ولا تكبرين الشيلة خخخخخخخخخخخخ
وتقبلي مرور أختج