الحذر الشديد من بعض الارقام الغريبه التي تسبب ضرر بالدماغ

43 thoughts on “الحذر الشديد من بعض الارقام الغريبه التي تسبب ضرر بالدماغ”

1. السلام عليكم ورحمة الله وبركاته

   يا اخوان انتوا فاهمين غلط

   أنا ياني اتصال من هالارقام وقالي اسمي وقال اني مسحور وما دري شوه

   سرت اتصالات وخبرتهم بالسالفة وقالوا لي هاي شبكة من السنغال ( أفريقيا) نصابة يتعاملون بالسحر
   يرومون يطلعون اسمك واسم امك ويسون لك سحر ويقولك انه علاج هالسحر اللي فيك عندهم وانا
   الحمد لله لا في سحر ولا بطيخ بس تصدقون ناس وايد طاحوا بهالحفرة أتذكر يوم سرت اتصالات لقيت حرمة
   عيوز وحليلها تلطم وتصيح قصوا عليها وخذوا عنها تقريبا 50000 وهي مصدقة انه ريلها ساحرنها

   انتبهوا يا اخوان هالارقام اللي بدايتها 0022 من السنغال ويتكلمون اللغة العربية الفصحى بس لا
   تنصدم اذا قالوا لك اسمك أو اسم حد من الاهل وين تشتغل وين وين ووو……

   كلام صحيح
   عنا وحده في الدوام حصل لها نفس الموضوع لو ماسكرت جان سحروها
   بس اللي معاها في القسم قالولها انه هذيلا يعملون سحر عشان تحولهم مبالغ ماديه في حساباتهم او تسرق لهم او تقتل او حتى تقتل نفسها…المهم البنت بخير وسهاله
   وارجو الانتباه من هذه الارقام والمكالمات الخارجيه
   والله يسلمنا اجمعين ان شاء الله
   

2. اذا اجاك اتصال وكان بدايته 00971تأكد انه من الامارات
   

3. كلااام فاضي ولازم ماتساعدون في نشره لان شيء ناس ثقافتهم مب لين هناك فبسهولة

   يصدقون هذا الشيء أما إذا كان الشخص واعي وفاهم فمستحيل يصدق شيء لم يثبت طبيا

   أصلن ووسائل الإعلام أكيد بتناول الحدث وبتشوفونه في cnn بعد لن شيء مب بسيط

4. الله يسلمنا

   مشكور يالطيب وجزاك الله خير

   وبالنسبه لي الرقم لو من الامارات و ما اعرفه ما ارد عليه لو ينقع

5. أعتقد أنه كلام فاضي لانه كل واحد من الملل مب عارف شو يسوي حب ينشر الأشاعات عسبت يتسلى في عقووووووووووووووووووووووووول المجتمع ويشغلهم

   أو أنه حركه من الأتصالات تبغي تخرب على دو والعكس صحيح

Comments are closed.