بداية اصبرو خلوني اصيح
لا لا لا بعدني تعبانه نفسياً
بعد يبالي اصيح
مب قادره يبالي بعد اصيح
خلاص ازقرو الونج خل ايشل السياره على اقرب محرقه
انا برد في تاكسي البيت
اتخيلو اتخيلو
بس الله يخليكم لا تتخيلون وانتو تاكلون الحين
اللي يتريق يخلي اكله اللي يشرب يخلي شربه
بتييكم الصدمة
من يومين كل ما امر صوب سيارتي اشم ريحه مب طبيعيه ،،
وعاد اقول في خاطري شو السالفه اكيد ماي المطر مسوي شغل
بس ارد واقول لا لا الريحه مب طبيعيه ،،
اه اه اه اسكتو انا اكتب واتهاوع
المهم ،، يييت الدوام
يا جماعه كل يوم ايي الدوام والريحه ضاربه في خشمي شو السالفه
المهم لين يا اليوم اااااااااااااااه وما ادراكم ما هو اليوم
قلت حق ال driver مال الدوام خذ سويج سيارتي واتوكل بطل البونيت شوف شو السالفه
اقولكم ياي مب يركض الا يطير ميت من الضحك اقوله شو فيك ،،
قالي فلانه تعال شوف ،،
اقوله قول شوو فيه قالي فيه قطوه موووووووووووت مب بس موت مستوي شوارما
يا ربي شو سويت في حياتي عسب اسمع ها الخبر الصبح
قالي راس مال هو بنخش في المكينه ما ادري ما بين المكينه
اول شيء فكرت فيه
انها بتيني ها القطوه فليل
بعدين قلتله الله يخليك بعطيك اللي تباه روح سو اي شيء مابا اشوف لها اثر في السياره
قالي بوديها المغسله
قلتله شلها وشل ابوها واذا حد في الطريج بيشتريها عنك بيعها 
ماباها
تدرون من يييت وهو يعابل فيها ميمع جيس مال الزباله ( كرمكم الله ) ويشل القطع مالها )
الحين مب هاي المشكله لو اموت ما سقت السياره وروحت فيها
تعتقدون من افتح المكيف بتتناثر عليه اجزاء من القطه
يا ربي بعدني ابا اصيح
شو يابها شو خشها
قلبي يعورني
وبرجع 
ولكم المايك للمواساه وتقديم التعازي
هههه حليلج والله … يلى ماعليه اللي صار صار وهذا نصيبج … وهذا يوم القطووو (( او القطوة ))
حليلها كانت تبا تتّدفا بحرارة المكينة من البرد والهوى …
ولكنها لاقت حتفها …
ماعليج ان شاء الله مافي شي بيصير … بس انتي ودي السيارة المغسلة … غسيل كامل … ويا حبّذا بالبخار ..
ولو يرشّووون لج السياة بديزل بعد يكون احسن عسب الريحه اتخوووز ….
عادي..انا مره حصلت خروف تحت بونيت موتري
وحليله تحول غوزي….بس أموري طيبه الوالد شافه قال هاته نتغدى فيه حق الأسبوع كله
بس نصيحه عشان قطو ثاني لايجي ويتهور وينتحر في موترج
ربطي جلب بت بول عزج الله صوب التاير وشوفي مابتحصلين قطو على مسافة نصف قطر قدرها 30 كيلو
هههههههههه
ودي السياره المغسله
الله يرحم القطوه
شكلها بتنتقم منج
هذا وقد ذكر مصدر رسمي .. ناطق بلسان جماعة القطط الإرهابية أن أحد قطط هذه الجماعة قد لقي حتفه خلال محاولته زرع عبوة ناسفة في سيارة المدعوة Ursoul إنتقاماً منها لانها منعت هذه الجماعة من النبش في قمامة المطبخ التابع لها .. ..وقد فشل القط في ذلك ولقي مصرعه جراء كمين أعدته المدعوة Ursoul بعد أن علمت مصادرها الإستخباراتية عن عمليه الإنتقام ..
كان معكم مراسلكم … >> أ. ج . ل . س .. راديو الرابعة … عجمان .. ..
العوض في سلامتك اختي أم سلطان .. أنتي ما قصدتي ان تؤذيه .. ولا دريتي .. عنه ..
سوي تنظيف للمكينة بالديزل … وخلي البونيت مفتوح ويتعرض للشمس .. وبتخوز الريحة إن شاء الله
ولا تنسي تتصدقي لدفع البلاء عن نفسك ..
هههههههههههه
سويتيه شاورما ماعليج غير تقربين الخبز وعطيها بالخمس ههههههههههههههههه