بداية اصبرو خلوني اصيح
لا لا لا بعدني تعبانه نفسياً
بعد يبالي اصيح
مب قادره يبالي بعد اصيح
خلاص ازقرو الونج خل ايشل السياره على اقرب محرقه
انا برد في تاكسي البيت
اتخيلو اتخيلو
بس الله يخليكم لا تتخيلون وانتو تاكلون الحين
اللي يتريق يخلي اكله اللي يشرب يخلي شربه
بتييكم الصدمة
من يومين كل ما امر صوب سيارتي اشم ريحه مب طبيعيه ،،
وعاد اقول في خاطري شو السالفه اكيد ماي المطر مسوي شغل
بس ارد واقول لا لا الريحه مب طبيعيه ،،
اه اه اه اسكتو انا اكتب واتهاوع
المهم ،، يييت الدوام
يا جماعه كل يوم ايي الدوام والريحه ضاربه في خشمي شو السالفه
المهم لين يا اليوم اااااااااااااااه وما ادراكم ما هو اليوم
قلت حق ال driver مال الدوام خذ سويج سيارتي واتوكل بطل البونيت شوف شو السالفه
اقولكم ياي مب يركض الا يطير ميت من الضحك اقوله شو فيك ،،
قالي فلانه تعال شوف ،،
اقوله قول شوو فيه قالي فيه قطوه موووووووووووت مب بس موت مستوي شوارما
يا ربي شو سويت في حياتي عسب اسمع ها الخبر الصبح
قالي راس مال هو بنخش في المكينه ما ادري ما بين المكينه
اول شيء فكرت فيه
انها بتيني ها القطوه فليل
بعدين قلتله الله يخليك بعطيك اللي تباه روح سو اي شيء مابا اشوف لها اثر في السياره
قالي بوديها المغسله
قلتله شلها وشل ابوها واذا حد في الطريج بيشتريها عنك بيعها 
ماباها
تدرون من يييت وهو يعابل فيها ميمع جيس مال الزباله ( كرمكم الله ) ويشل القطع مالها )
الحين مب هاي المشكله لو اموت ما سقت السياره وروحت فيها
تعتقدون من افتح المكيف بتتناثر عليه اجزاء من القطه
يا ربي بعدني ابا اصيح
شو يابها شو خشها
قلبي يعورني
وبرجع 
ولكم المايك للمواساه وتقديم التعازي
صراحة حاس بمعاناتج لوووول..مريت بنفس التجربة بس مب قطوة..مادري شو كان طيطار ولا فار….اسميها كانت تطلع ريحة خايسة في الموتر لدرجة اني كنت ببيع الموتر..ما خليت شي ما رشيته في المكينة…غسلت المكينة بالماي والصابون…صدق كنت بايعنها…عقب غسلتها بالبخار في المحطة الكبرى…حلت المشكلة تقريبا…لين ما خازت الريحة بعد فترة…كنت ارد البيت واخلي البونيت مبطل..لان كل ما كانت المكينة حارة اكثر كل ما فاحت الريحة اكثر
ربج ما يضرب بعصا..من كثر ما تحطين على قطاو جي تي ار 30000…..بس لحظة..احتمال عملية مدبرة من جي تي ار نفسه..who knows……
ما انصحج تسوقين السيارة ..الريحة بتضرب في مخج..احتمال يغمى عليج…
ودي السيارة يغسلونها كامل بالبخار مع المكينة…
الله يعينج…
متابعه المسلسل
ذبحتونا
مره تلوع كبودنا ومره نضحك أرسولكم على حل نرجع ولا مانرجع
يورسول يامجرررمه قاتله نفس و كل هالصياح على السياره وماكسرت خاطرك القطوه
ههههههههههههههههههههههههههه بقولهم تعالو متلثمين عن الريحه
الأشراف 800288
الهدف 800828
توكّلي على الله.
هاتولي رقم مال الونجااااااااااااااات
خل ايي يشلها ويتوكل شوفت السياره تييب المغثه