بداية اصبرو خلوني اصيح
لا لا لا بعدني تعبانه نفسياً
بعد يبالي اصيح
مب قادره يبالي بعد اصيح
خلاص ازقرو الونج خل ايشل السياره على اقرب محرقه
انا برد في تاكسي البيت
اتخيلو اتخيلو
بس الله يخليكم لا تتخيلون وانتو تاكلون الحين
اللي يتريق يخلي اكله اللي يشرب يخلي شربه
بتييكم الصدمة
من يومين كل ما امر صوب سيارتي اشم ريحه مب طبيعيه ،،
وعاد اقول في خاطري شو السالفه اكيد ماي المطر مسوي شغل
بس ارد واقول لا لا الريحه مب طبيعيه ،،
اه اه اه اسكتو انا اكتب واتهاوع
المهم ،، يييت الدوام
يا جماعه كل يوم ايي الدوام والريحه ضاربه في خشمي شو السالفه
المهم لين يا اليوم اااااااااااااااه وما ادراكم ما هو اليوم
قلت حق ال driver مال الدوام خذ سويج سيارتي واتوكل بطل البونيت شوف شو السالفه
اقولكم ياي مب يركض الا يطير ميت من الضحك اقوله شو فيك ،،
قالي فلانه تعال شوف ،،
اقوله قول شوو فيه قالي فيه قطوه موووووووووووت مب بس موت مستوي شوارما
يا ربي شو سويت في حياتي عسب اسمع ها الخبر الصبح
قالي راس مال هو بنخش في المكينه ما ادري ما بين المكينه
اول شيء فكرت فيه
انها بتيني ها القطوه فليل
بعدين قلتله الله يخليك بعطيك اللي تباه روح سو اي شيء مابا اشوف لها اثر في السياره
قالي بوديها المغسله
قلتله شلها وشل ابوها واذا حد في الطريج بيشتريها عنك بيعها 
ماباها
تدرون من يييت وهو يعابل فيها ميمع جيس مال الزباله ( كرمكم الله ) ويشل القطع مالها )
الحين مب هاي المشكله لو اموت ما سقت السياره وروحت فيها
تعتقدون من افتح المكيف بتتناثر عليه اجزاء من القطه
يا ربي بعدني ابا اصيح
شو يابها شو خشها
قلبي يعورني
وبرجع 
ولكم المايك للمواساه وتقديم التعازي
لا لا ليش ها التحليل
يعني فقيره ياسه تدفى وانا اقول شو مدخلنها
يا الله قلبي من الصبح يعورني وييت انته وزدتني بتحليلك
انا بقولج ليش القطوه دشت عند المكينه
في الفتره الاخيره الجو استوى بارد وطاح المطر ويمكن انتي كنتي راده فليل من مشوار والقطوه سارت تحت السياره وكانت برداااانه والمكينه كانت حاره ومصدر للدفئ والحنان … لذلك القطوه دشت اكثر واكثر وحطت راسها بين سيور المكينه عشان تاخذ اكبر قدر من الدفئ…. انتي طبعا شغلتي السياره الصبح وسمعتي اشياء غريبه بس قلتي يمكن شي طبيعي وماكان على بالج ان تشغيل السياره هو حكم بالاعدام على القط المسكين… الحين روحه بتلحقج فليل وخاصه يوم يكون الجو بارد
مع تحيات المحقق كونن لووووول
الله المستعان شو اسوي
هههههههههههههههههههههههه
الله يعيينج
لا تخبرني انا من يومين اروح ما تم شيء ما شلينه شليت الفرش مال السياره قلت يمكن شيء منجب
استخدمت كل السبل للقضاء على الريحه ديتول صابون كمفورت الدرايش مفتوحه طول الليل اتحريت حد من الصغاريه جاب شيء وما انتبهت بس انا اشوف كل ما اركب السياره واوصل للمكان المقصود ما يستوي عندي توازن ثرى الريحه ضاربه المخ
الحين طرشتها ويا السايق يغسلها وقلتله حتى استخدم تيزاب
المهم مابا اشم اي ريحه
بعدين انا دوم مسالمه من ناحيه قطاو جي تي ار
ما اقولهن شيء