بداية اصبرو خلوني اصيح
لا لا لا بعدني تعبانه نفسياً
بعد يبالي اصيح
مب قادره يبالي بعد اصيح
خلاص ازقرو الونج خل ايشل السياره على اقرب محرقه
انا برد في تاكسي البيت
اتخيلو اتخيلو
بس الله يخليكم لا تتخيلون وانتو تاكلون الحين
اللي يتريق يخلي اكله اللي يشرب يخلي شربه
بتييكم الصدمة
من يومين كل ما امر صوب سيارتي اشم ريحه مب طبيعيه ،،
وعاد اقول في خاطري شو السالفه اكيد ماي المطر مسوي شغل
بس ارد واقول لا لا الريحه مب طبيعيه ،،
اه اه اه اسكتو انا اكتب واتهاوع
المهم ،، يييت الدوام
يا جماعه كل يوم ايي الدوام والريحه ضاربه في خشمي شو السالفه
المهم لين يا اليوم اااااااااااااااه وما ادراكم ما هو اليوم
قلت حق ال driver مال الدوام خذ سويج سيارتي واتوكل بطل البونيت شوف شو السالفه
اقولكم ياي مب يركض الا يطير ميت من الضحك اقوله شو فيك ،،
قالي فلانه تعال شوف ،،
اقوله قول شوو فيه قالي فيه قطوه موووووووووووت مب بس موت مستوي شوارما
يا ربي شو سويت في حياتي عسب اسمع ها الخبر الصبح
قالي راس مال هو بنخش في المكينه ما ادري ما بين المكينه
اول شيء فكرت فيه
انها بتيني ها القطوه فليل
بعدين قلتله الله يخليك بعطيك اللي تباه روح سو اي شيء مابا اشوف لها اثر في السياره
قالي بوديها المغسله
قلتله شلها وشل ابوها واذا حد في الطريج بيشتريها عنك بيعها 
ماباها
تدرون من يييت وهو يعابل فيها ميمع جيس مال الزباله ( كرمكم الله ) ويشل القطع مالها )
الحين مب هاي المشكله لو اموت ما سقت السياره وروحت فيها
تعتقدون من افتح المكيف بتتناثر عليه اجزاء من القطه
يا ربي بعدني ابا اصيح
شو يابها شو خشها
قلبي يعورني
وبرجع 
ولكم المايك للمواساه وتقديم التعازي
الله يعينج ان شاء الله
وديه المحطى الكبرى وخليهم يغسلونه بالبخار
الله يعينج … غمضتيني
الحين لازم تقدمين ديه لأهل القطوة
( 100 علبة تونه ( فاخر ) مب إي كلام شي مفتشين عندهم
هههههههههههههههههههههههههههه
عادي إختي أزمة و راح تزول
لو كنتي في اوروبا كنتي بتراكضيين بالمحاكم بسبب هالقطوة وتدفعين تعويض لصاحب القطوة الي هي جيمة السيارة…
بتكونيين مشهورة عند القطاو واسمج على لسان كل القطاو عندنا (يورسول الارهابية)
لا ما عليك الحين ما خذه وياي ماسك !
حان موعد ركووووووووووب السياره
اشهد ان لا اله الا الله وان محمد رسول الله
ان ما ييت باجر اعرفو اني دوخت اسألو عني في جميع مستشفيات الدوله
ودورو في مجهولي الهويه يمكن اعطي اسمي غلط