الحق .. عرض برامج النوكيا بس هالمره فوق الـ 400 برنامج وبسعر عجيب !!

السلام عليكم ورحمة الله وبركاته

اخواني بسبب صعوبة رفع الملفات الي اواجهها .. قررت اني اسوي برامج النوكيا ( من بينهم النافيقيشن + 12 لعبة تقريبا )على سيدي بالإضافه الى فوق الـ 400 برنامج .

أنا شو بسوي ؟؟
بيمع الطلبات على مدار الاسبوع .. والتسليم بيكون ع الويكند ان شاء الله

طبعا كل برنامج يتسجل ب سيريال نمبر معين يعني البرنامج مابيطيع يشتغل الا على التلفون الي سجلت سيريله .

البرامج بشكل عام تشتغل على التلفونات التاليه ( اتمنى قبل لا اي حد يطلب يتأكد انه الي يباه يشتغل ع تلفونه ولا لا عشان مايشتكي عقب ) ماعدا تلفونات التتش سكرين :
إضغط هنا

بعض البرامج الي في السيدي :

1- برنامج النافيقيشن ( الحمدلله وايدين طلبوه قبل ومحد اشتكى ) :

برنامج الـ Route 66 هو نفسه الي موجود في النافيقيتور الجديم :

بس هاذي النسخه احدث وأفضل

الخرايط بالعربي والارشاد الصوتي بالعربي و الخريطه الي فيه خريطة 2008 الربع الثالث من السنه.

ليش تسيرون المحلات ويظربون عليكم 100 ولا 200 ع البرنامج .. الله يهديهم ..

ترا البرنامج يشتغل فقط على التلفونات الموجوده في هاذا الرابط (ماعدا التتش سكرين ) :

إضغط هنا

وهاذي صور البرنامج من تلفوني الـ N82

2- برامج متنوعه :

1 – برنامج Flip Silent

وظيفته : يوم حد يتصلبك و تجلب التلفون يستوي سايلنت ( نفس الميزه الي في الكروم ) + تقدر تسويه يوم تجلبه يحط الوضع ع السايلنت أو أي وضع انت تحدده …
ملاحظه: تأكد إذا شغال ع تلفونك >>>*** إذا تلفونك موجود اهنيه يعني شغال ***

============================

2- Ultimate Recorder :

برنامج لتسجيل المكالمات بدوون طوووووط .. يعني تسجل المكالمه وماينعرف .. ( مجربنه وشغال 100% )

============================

3- Symtorrent

تقدر تنزل ملفات التووورينت عن طريق هالبرنامج .. يعني مثلا كنت في مكان فيه وايرلس سريع .. ف تستغل الوايرلس في تنزيل اي ملف تورينت ( الي يستعمل التورينت يعرف قصدي )

============================

4- sms ringtone

برنامج تقدر اتحدد لكل شخص نغمة مسج معينه ..

============================

5- Full Screen

برنامج لعرض صورة المتصل فللل سكرين يعني ع الشاشه بكبرها …

============================

6- ActiveLock

هالبرنامج يخليك تقفل أي شي في التلفون يعني تحط رقم سري و عقب تختار اي شي في التلفون تبا تقفله يعني مثلا تقفل الكيماره .. اذا اي حد بغى يستعمل الكيماره مايقدر الا بالرقم السري ..

تقدر تقفل أيي شي في التلفون .. رسايل ، بلوتوث، الكيمارا ، الساعه ، النافيقيشن …… الخ

============================

7- CameraFX

هالبرنامج للي يحب التصوير .. فيه وايد مؤثرات وحركات يعني في التصوير ..

وأهم شي ف هالبرنامج انك تقدر تصور بدوون مايظهر صووت الكيمااارا ( محد يستعمله في ما لا يرضى الله وفي الشرر .. انا اخلي مسؤوليتي .. )

============================

8- Dictionary

قاامووس ناااطق ( عربي – انجليزي ) و ( انجليزي – عربي ) و ( انجليزي – فارسي ) و ( فارسي – انجليزي ) و ( انجليزي – أردو ) و ( أردو – انجليزي )

النطق بالانجليزي فقط ( أهم شي ) … يعني ما اتوقع حد يبا النطق بالعربي .

============================

9- برنامج Nokia Maps كامل

شي تلفونات نوكيا يوم تاخذونها مكتوب ع الكرتون 3 شهور مجانا ولا 6 شهور ولا مرات ماشي .. البرنامج عندي كامل ( رجاااءا الي يعرف يستعمله يطلبه )

ملاحظه: تأكد إذا شغال ع تلفونك >>>*** إذا تلفونك موجود اهنيه يعني شغال ***

============================

10- برنامج تشفير المسجات والمتصلين ( البرنامج يديد وماتعمقت فيه .. بس شغال ) :

============================

11- برنامج Vibrate call

وضيفته : يوم تتصل بحد التلفون عندك يهز يعني مايحتاي اتحط التلفون ع اذنك وتسمع ويوم الطرف الثاني يرد يوقف هز … ف يعني تتصل و اتيود التلفون ف ايدك ويوم يوقف الهز يعني الريال رد عليك ..

============================

12- برنامج cool call

وضيفته : اتشغل اي ملف صوت ( انته تحدده قبل )وانت ترمس ويا حد يعني باكقراوند .

============================

13- برنامج core player

وضيفته : يشغل :
Audio Formats
MP3, MP2, AAC, MKA, WMA, WAV, OGG, Speex, WAVPACK, TTA, FLAC, MPC, AMR, ADPCM, ALaw, MuLaw, Midi*
Video Formats
H.264 (AVC), MKV, MPEG-1, MPEG-4 part 2 (ASP), DivX, XviD, WMV*, MJPEG, NRE, MSVIDEO1

يعني يشغل الافلام كااامله بدون تحويل لصيغه معينه ( يشغل avi )

———–

14- برنامج Auto Theme

وضيفته : اتحدد ثيم مختلف كل يوم وروحه يغير لك الثيم

============================

15- برنامج فييك مسج

وضيفته : تكتب المسج واتحدد الوقت الي تباه .. وفي الوقت المحدد يوصل المسج على تلفونك على أساس انه حد مطرش لك المسج .

مثال : اتحدد مثلا باجر الساعه 10 الصبح يوصل لك مسج من فلان رقمه 1234567 .. بالباجر الساعه 10 يوصلك المسج كأنه فلان مطرش لك المسج .. ويطلع اسمه والرقم الي انته محددنه .. يعني تقدر اتحط رقم المرسل 9999999 ..

============================

16- برنامج توول بووكس

برنامج بسيط فيه عدة وظايف بسيطه مثل الستوب ووتج ( ساعة الإيقاف ) لان تلفونات النوكيا مافيها ! … :

============================

17- برنامج المسنجر لايف

شغااال ويكتب عربي ويستقبل عربي عاادي يعني مب مخربط .. وغير هاذا يظهر لك خيار يديد في الرسايل والي هوو ايميلك .. يوم تشبك ينسخ لك كل الايميلات للـ الرسايل ( قسم خاص بالمسنجر يعني ماينسخ للإن بوكس ) .

============================

18- برنامج ميديا سيف:

وضيفته: حفظ الصور و الفيديوات والنوتات .. برقم سري

============================

19- برنامج Islamic Organizer

وضيفته : أوقات الصلاه والأذان + مؤذن … الخ ..

20 – برنامج البلاك ليست : تحجب المكالمات الغير مرغوبه .

21 – برنامج موبايلـلك: ينبه لك يوم حد يمر عندك مشغل البلوتوث .. مب متأكد من وظيفته بس هاذا الي سمعته والي معروف عنه

و فوووق الـ 400 برنامج من غير هاييل !!

———————————————————————————————–
———————————————————————————————–
———————————————————————————————–

3- مجموعة ألعاب .. تقريبا مال 12 لعبة

يعني الزبده :

السيدي فيه برامج وألعاب

والسعر ان شاء الله بيرضيكم ..

الي يبا يطلب السيدي يكتب التالي :

– السيريال نمبر الخاص بتلفونه ( نجمه مربع صفر سته مربع >> وبيظهر السيريال ) .. بس الي بيطلب يتأكد من السيريال نمبر زين لان اذا رقم واحد بس غلط البرامج ما بتشتغل.

– رقم التلفون للتواصل .

– نوع التلفون .

سعر السيدي :

150 درهم فقط .. والي بيطلب له مني فري البرامج نفسها حق تلفونين زياده .. يعني الي بيطلب يكتب سيريلات 3 تلفونات…

والي يبا يطلب حق أكثر من الثلاث تلفونات يزيد 10 دراهم عن كل تلفون.

والتوصيل ان شاء الله بيكون تسليم يد ب يد .. واذا المناطق بعيده بنتفاهم .

ومستحيييل اتحصلون مكان يحط لكم 400 برنامج بـ 150 درهم .

انا من الشارجه يعني الي بيطلب يقدر ايي يا الشارجه أو دبي أو عيمان عشان يستلم السيدي .

وأي استفسار أنا حاظر ..

للطلب من خارج المنتدى ارجو ارسال مسج على 0502828408

اخوكم محمد المهيري ،،