اليوم الظهر الساعة 2.00 الظهر ….
كالعادة طلعتي يوم الجمعة بعد الصلاة من العين باتجاه الشمال لزيارة الارحام … انا و الحرمة و وبناتي وحدة عمرها 5 سنوات ووحدة عمرها سنتان و نصف وولدي سالم عمره ثلاث شهور و الخدامه …
قد كتب لنا عمر جديد اليوم … بسبب ان واحد الله يهديه من الجنسية ( الاسيوية ) لف علينا قبل التحويله في مكن ممنوع التجاوز ….
اللي صاير طبعا انا على سرعة 80 الى 100 مش اكثر وهو لف علي تخيلوا عاد ما لحقت اضرب ابريك واللي وراي مدقر وراي ضربت ابريك و دعمدت اللي جدامي غصبن عني ما في مجال الشارع ضيق …. طبعا اللي وراي ما قصر فينا طيارنا برع الشارع ورحمة ربك وسعت كل شيء … لا عمود انارة و لا ان قص على يمين الشارع ….
وربكم كتب لنا عمر يديد و الحمدلله …. تعرفون سبب الحادث المتسبب يطالع الحادث اللي في الجهة الثانية ومش مركز في مساره …
واللي مر اليوم الظهر اكيد شاف الحادث وهو ساير درب العين دبي … موتري استشن 2008 و المتسبب صالون لكزس والمتضرر الثاني استشن 99
وحبيت اشكر النشمي الشايب/عوض المهيري من الهير اللي وقف وياي والله ياجماعة اني ما اعرف الريال قالي خذ موتري ووصل اهلك البيت وبعدين تعال بتحصلني في المزرعة … ما قصر جزاه الله خير .
والله يحفظ الجميع
الحمد لله على سلامتك اخوي وسلامة الاهل والعيال والله يجعله آخر المصايب وحاسبوا مرة ثانية
الحمدلله عسلامتك اخويه .. والله يحفظك انته واهلك من كل شر إن شاء الله ويحفظ المسلمين جميعاً من الحوادث ..
ويزاه الله كل خير “الوالد عوض المهيري” اللي وقف وياك وما قصر يزاه الله كل خير وفي ميزان حسناته
والله يبعد عنك وعنه وعني وعن كل المسلمين شرور الحوادث
أولا : يطول عمر المهيرات شياب وشباب دايما هل فزعة وعون
“
ثاني شي
خالي اللي يجزاه خير ريال كبير في السن
أذكر وقتها لما خذت الليسن قالي انا أسوق من الستينات وبنصحك نصيحة
” يوم تسوق أعتبر أن كل اللي حولك مـيانين مايعرفون يسوقون وانته بروحك اللي صاحي فـ تحذر من الكل
عالعموم الحمد لله على سلامتك يا خوي انته وعيالك
والله يبعد عنا وعن الكل شر الحوادث
الحمدلله على سلامتك يا اخوويه..والله يبعد الشر عن الجميع